7-13 bʼa octubre
SALMOS 92-95
Tsʼebʼoj 84 sok orasyon | Yaljelik bʼa skʼeʼulabʼil (1 min.)
1. ¡Yaʼteltajel ja Jyoba jani ja mas lek wa xbʼobʼa tsaʼi!
(10 min.)
Ja Jyoba wani sbʼajin ke oj toytik (Sl 92:1, 4; w18.04 slam 26 par. 5).
Wa skoltay ja yaʼtijumiki bʼa oj stsaʼe jastik bʼa oj ajyuke gusto (Sl 92:5; w18.11 slam 20 par. 8).
Wantoni xyila chaʼanyabʼal ja yaʼtijumiki ama awelexa (Sl 92:12-15; w20.01 slam 19 par. 18).
JOBʼO ABʼAJ: «¿Jasa wa stimawon bʼa oj kayi ja jsakʼanil ja Jyoba sok oj ki jaʼ?».
2. Leʼa jastik chaʼanyabʼal sbʼa Dyos
(10 min.)
-
Sl 92:5. ¿Jas yuj ja yaljelik it wa xchiktes lek ja sbiboʼil ja Jyoba? (cl-S slam 176 par. 18).
-
Ja bʼa skʼumajel ja Biblia bʼa semana it, ¿jastik chaʼanyabʼal ataʼa?
3. Skʼumajel ja Biblia
(4 min.) Ro 1:1-17 (th spaklajel 5).
4. Akʼe juna loʼil
(4 min.) XCHOLJEL BʼA CHIKAN BʼAʼA. Yajni wana loʼilsok jun kristyano, leʼa modo stajelyi tiʼal sbʼaja wa waʼtel jastal jeʼuman bʼa Biblia (lmd sjejel 5 punto 3).
5. Kumxan ulatanel
(3 min.) XCHOLJEL BʼA CHIKAN BʼAʼA. Kʼapayi jun estudio bʼa Biblia june bʼa mi skʼana oj skʼul estudiar ajyi soka Testigoʼik (lmd sjejel 8 punto 4).
6. Aʼoch nebʼuman
(5 min.) Loʼilanansok june maʼ wa skʼulan estudiar amok pe mi stukbʼes ja sakʼanili (lmd sjejel 12 punto 5).
Tsʼebʼoj 5
7. Ja chamkʼujoli cha wani sjomo ja keremtik akʼixuk
(15 min.) Loʼil sok jujuntik sjobʼjel.
Ja yaʼtijumotik ja Jyoba mini libre ayukotik soka chamkʼujoliki. Jun sjejel, ja David jitsan ekʼele ajyiyuj chamkʼujol ja bʼa sakʼanili, sok ja bʼa jtyempotik jachni wan ekʼel sbʼaje jitsan hermanoʼik (Sl 13:2; 139:23). Tristeni yabʼjel, pe ja keremtik akʼixuk mini cha libre ayuke soka it. Bʼobʼta yuj smul ja chamkʼujol, jelni wokol xyabʼye wajel ja bʼa eskuela ma ja bʼa reunionik. Asta ay ekʼeleʼik, ja chamkʼujoli wani xbʼobʼ yakan bʼa jel xiwel oj ajyuke ma oj skʼan oj smil sbʼaje.
Keremtik akʼixuk, ta ay ekʼeleʼik xa wabʼyex jel chamkʼujol ayex, loʼilananik sok jawa nanex ma jawa tatex ma sok jun hermano bʼa takʼanxa. Mok chʼayuka kʼujol skʼanjelyi ja skoltanel ja Jyoba (Flp 4:6). Ja yeʼn tolabida oj skoltaya (Sl 94:17-19; Is 41:10). Ila ja sjejel bʼa Steing.
Jeʼa ja BIDEO Ja Jyoba wa xcham skʼujol bʼa keʼna. Tsaʼan jobʼo:
• ¿Jas teksto koltajiyuj ja Steing, sok jas yuj?
• ¿Jastal talnaji yuja Jyoba?
Nantatalik, wani xbʼobʼa koltay jawa wuntikilex bʼa oj skʼuluke ganar ja chamkʼujoli. Maklayik sok pasensya, alawikyabʼ janekʼto waxa kʼanawex sok koltayik bʼa oj sjip lek skʼujole ke cha wani xyajtajiye yuja Jyoba (Tit 2:4; Snt 1:19). Ajuluka kʼujolex ke ja Jyoba wa xbʼobʼ ya kulana kʼujolex sok wa xbʼobʼ yawilex ja ipal wa xmakuni awujilexi, ja yuj leʼawik ja skoltaneli.
¿Ay maʼ june ja bʼa jkongregasyontik bʼa wan lucha soka chamkʼujoli? Bʼobʼta ay, pe mi xnaʼatik. Ma bʼobʼta wa xnaʼatik, pe wokol wa xkabʼtik stojol jastal ay xyabʼ ja hermano. Ama jachuk, ayni jas wa xbʼobʼ jkʼuluktik: Jani yajxta oj chʼak kiltike bʼa jachuk oj yabʼye ke wa xyajtaytike (Pr 12:25; Heb 10:24).
8. Spaklajel ja Biblia soka kongregasyon
(30 min.) bt kap. 16 par. 6-9 sok recuadro bʼa slam 132.
