KʼOTAN JUN LEKIL JEʼUMAN
Atojbʼuk ja jastal waxa jeʼa ja bʼa xcholjeli: Chapa ja jastal oja kʼap ja rebistaʼik
JAS YUJ JEL STʼILANIL: Anima ja sjejelik ja jastik wa xyiʼajan ja Juʼun bʼa spaklajel jel xmakuni, kechanta sjejelik. Weʼn oj bʼobʼa tsaʼ ja jastalni waxa kʼana yaljeli. Bʼobʼta waxa kʼana yajel makunuk pilan sjejel, ma yajel makunuk pilan bʼa jani mas wa smaklaye ja ixuk winik bʼa wa territorio. Ta jach kʼa, kʼuman bʼajtan ja rebista, kʼuman ja sjejelik yiʼojani sok ja bideoʼik sbʼaja sjejeliki. Tixa xa chapa jawa bʼaji snochjel ja it.
JASTAL SKʼULAJEL:
¿Ja maʼ oj wa makunuk ja sjejel yiʼojan ja juʼuni?
JAʼI
-
Chapa ja jas oj kʼe awali. Ayi dyos ja ixuk winik sok choloyabʼ jach mi albʼel jas yuj teya bʼa snaji. (Sjejel: «Jakelon yuj...»).
-
Pensaraʼan jas teksto oj wa makunuk yajni chʼakta wayi ja sjobʼjeli, sok jas juʼun oj wa makunuk. (Jun sjejel, bʼa spensarajel jas teksto yajel makunuk, oj bʼobʼa wal: «Kʼela ja jas wa xcholo ja Biblia»).
MIYUK
-
Tsaʼa jun yolomajel ja bʼa rebista bʼa mas waxa kʼulan gusto sok oj smaklaye ja ixuk winik bʼa wa territorio.
-
Pensaraʼan sbʼa jun sjobʼjel oj yakan spensarajel sok oj yal ja jas wa spensaraʼan ja ixuk winik yajni wanex loʼili, pe mok wa kʼixwuk. (Sjejel: Amakunuk ja sjobʼjel wa xyiʼajan ja rebistaʼik bʼa slam 2).
-
Tsaʼa jun teksto sok kʼumanyi. (Sbʼaja rebista ¡Despertad!, kʼulubʼal sbʼaja matik mi jel snaʼawe bʼa Biblia ma mi sjipawe skʼujol sbʼaja relijyon).
-
Chapa june ma chabʼ yaljel bʼa xcholjelyabʼ ja ixuk winik jastal wa xkoltaji ja oj skʼumuk ja artikulo.
BʼA TUK EKʼELE
-
Leʼa jun sjobʼjel bʼa sjakʼjel ja pilan ekʼele la kumxi.
-
Aʼoch juʼun ja jastik oja wal.
