Ja 23 bʼa marzo wa xmajlaxi oj jakuke junuk 12 miyon ixuk winik ja bʼa Conmemoración. Ja maʼ oj ya ekʼuk ja loʼili a-xchol ja Jyoba yaʼunejkitik jun tsamal majtanal bʼa jkoltajeltik sok jpetsaniltik ojni bʼobʼ katik el slekilal ja jas yaʼaʼi (Isa 11:6-9; 35:5, 6; 65:21-23; Jn 3:16). Pe mi kechan oj ya el slekilal ja maʼ oj ya ekʼuk ja loʼili. Chomajkil ja keʼntiki wa xbʼobʼ katikyi jun lekil sjulelal ja lok jumasaʼ (Ro 15:7). La kiltik jastal skʼulajel.

• Mi kechan oja leʼ akujlayubʼ man xkʼe ja tsomjeli, mas lek ayi lekil sjulelal ja ixuk winik soka matik ayxa tyempo mi xjakye ja bʼa tsomjelal. Jeʼa lekil amodo.

• Awajuka kʼujol jawa loki, pe chomajkil ja tuk lok jumasaʼ jakele yuja ajiyile ja juʼun bʼa lokjelal bʼa campaña. Loko bʼa oj kulanukamok, sok kʼela lajansok jawa Biblia soka wa juʼun bʼa tsʼebʼoji.

• Yajni xchʼak ja loʼili, jobʼoyi ta ay jas mi yabʼ stojolil. Ta wego oj elanik ja bʼa tsomjeli yuj oj och pilan kongregasyon, chapasok bʼa oj kumxan yulatajel pilan kʼakʼu. Oj bʼobʼa walyabʼ: «¿Jastal awila ja tsomjeli? ¿Jastal oj bʼobʼ jtaʼa?».