¿Jasa oja bʼobʼa kʼuluk ja weʼni?

50 ¿Wan maxa kʼana oj ajyan sakʼan juntiro ja bʼa tsamal paraʼiso?

Ta jachuk nebʼa mas sok sbʼa Diʼos wax yala. Kʼujolan bʼa oja nebʼ skʼumajel ja Bibliʼa (Juan 17:3; Apocalipsis 1:3).

51 Nebʼa mas bʼa Jesus (Deuteronomio 18:18, 19; Juan 3:16; Hechos 3:19-23).

52 Kʼujolan bʼa oja kʼuluk kechan ja bʼa leki sok skʼuʼajel ja Jiʼoba (Romanos 6:17, 18, 22).

 53 Ajuluk ja kʼujol, Jiʼoba yala miʼ oj bʼobʼ miltik ja kristiʼano (Éxodo 20:13; 1 Juan 3:11, 12).

54 Mix bʼobʼ japtiyiʼ ja tuki ja jasa sbʼaj yenleʼi (Éxodo 20:15; Efesios 4:28).

55 Mini jun winik oj bʼobʼ ajyuk sakʼan soka jun ixuk sok oj way sok ja yeʼn ja yajni miʼ xcheʼumuki (Éxodo 20:14, 17; 1 Tesalonicenses 4:3).

56 ¿Wan maxa jula kʼujol jaye xcheʼum Diʼos yaʼa jun winik a ajyuk yuj? ¿Janekʼto tiʼempo oj bʼobʼ kansok jun tatamal soka xcheʼumi? (Génesis 2:22, 24; Mateo 19:5, 6; 1 Corintios 7:2, 10, 11.)

 57 Ajuluk ja kʼujol chomajkil kechan oj bʼobʼ jkʼuluktik adorar ja Jiʼoba (Mateo 4:10; 1 Corintios 8:6).

58 Kʼulubʼal diʼos sok ja syiʼojyi splanta mix bʼobʼ skoltayotika. ¿Jasyuj? (1 Corintios 8:4.)

¿Leka maʼ aykiʼotik kʼulubʼal diʼos? (Deuteronomio 27:15; 1 Juan 5:21.)

59 ¿Jasyuj ja miʼ lekuk yajel makunuk ja stijunuk wa xyala ja kristiʼano jel chaʼan ja yipi bʼa brujo? (Deuteronomio 18:10-13; Apocalipsis 21:8.)

60 Ja anjel jumasaʼ maloʼe, maʼ pukuj, yijnayekani ja Diʼosi. Wax yawe makunuk ja tantik kʼintanum bʼa oj slolaye ja kristiʼano jumasaʼ (Hechos 16:16).

 61 Ojni bʼobʼ kʼultik orar ja Diʼosi. Orar ja stojoli ja skʼumajel ja Diʼosi, yal jel yabʼi wax kʼanatik oj kateltaytik sok skʼanjel yi jkoltajeltik (Filipenses 4:6, 7).

62 Ojni bʼobʼ jkʼuʼuktik ja Jesusi sok oj jip jkʼujoltik ja yeʼni (Hebreos 5:9; Juan 3:16).

63 Ajuluk ja kʼujol a yeʼni chami bʼa oj ya sakʼaniltik (Romanos 5:8).

 64 Ajuluk ja kʼujol ja Jesusi yeʼn jReytik mix bʼobʼ ilxuk. Ojni bʼobʼ jkʼuʼuktikaj (Filipenses 2:9-11; Apocalipsis 19:16).

 65 Jesus yala a wen oj bʼobʼa loʼiltayabʼ ja tuk ja jastik lek wana snebʼjeli sok a machʼtika wa skʼana oj yateltay ja Diʼosi ojni yiʼe jaʼ (Mateo 28:19, 20; Juan 4:7-15).

66 Ja yuja wen ojni a wal yabʼ ja wa wamigo ja jastik it leki (Mateo 10:32).

67 Ja ta awen ja nebʼa kʼa lek skʼumajel, ojni a nebʼ jitsan pilan jastik sok ojni bʼobʼa koltan mas lek ja tuk kaj (2 Timoteo 2:15).

 68 Jesus chomajkil sjeʼayi ja yal untiki bʼa oj skʼuʼuke ja Diʼosi. Mini ajyi sok jel yatel bʼa oj sloʼiltayabʼi (Mateo 19:13-15).

69 Nan tat jumasaʼ tolabida oj bʼobʼ sjeʼayi ja yuntikil jumasaʼ as kʼuʼuk ja Diʼosi soka syajtay (Deuteronomio 6:6, 7; Proverbios 6:20-22; Efesios 6:4).

70 Jitsan relijiʼon ja jas wa sjeʼaweʼi miʼ sbʼajuk bʼa Bibliʼa. Jiʼoba wax yalkabʼtik elkotikʼ ja bʼa tantik relijiʼon miʼ sjeʼawe ja smeranili (Apocalipsis 18:4; Juan 4:23, 24).

 71 Jiʼoba ay yiʼoj ja bʼa Luʼum matik oj bʼobʼ sjeʼawi mas yuja yeʼn. ¿Wan maxa naʼa machʼtik? (Hechos 15:14; Romanos 10:14, 15.)

72 Yenle ja taʼuman tiʼ jumasaʼ bʼa Jiʼoba; ay yiʼoje slamanil sbʼaje. ¿Wan maxa naʼaj jasyuj? Ja yujil ja wa syajta sbʼajeʼi (Isaías 43:10-12; Juan 13:34, 35).

73 Chomajkil yiʼaje jaʼ jasyuj wa syajtaye ja Jiʼoba. Ja chuk wa sjeʼa sbʼaje satilajel abʼal yaʼune je kani ja smodoʼe bʼa milekuki bʼa sakʼanileʼi sok wa skʼanawe oj ekʼ yujile jas sakʼanile yateltajel ja Diʼosi (Hechos 2:41).

 74 Ja taʼuman tiʼ jumasaʼ bʼa Jiʼoba wa smajlaye sakʼanil ja bʼa tsamal yajkʼachil paraʼiso (Salmo 37:9-11, 29).

¿Jasa oj bʼobʼa kʼuluk ja wen bʼa oj ajyan sakʼan ja tiw soka yenleʼi? (Santiago 1:22, 25; 2:20-26.)

75 Lajan soka yenleʼi nebʼa yateltajel ja Jiʼoba. Ja yenle wa syajtaye sok wa skʼuʼane ja Jiʼoba sok ja Kristo Jesusi. ¿Wan maxa yajta wen? ¿Wan maxa kʼana ja wen oja koltay ja tuki bʼa oj snaʼ sbʼaj ja Diʼosi? (Juan 6:45-47.)

 76 Jiʼoba soka Kristo Jesus yaj wax yabʼya sok wa skʼanawe ja wen ajyan juntiro ja bʼa paraʼiso (Juan 3:16).

Ja jasa weʼna nebʼuneji ja yaj wa wila ja sdibujoʼil jumasaʼ sok ja syala ja poyeto jel meran yawi okʼuka kʼujol bʼa ja wabʼ stsamalil ja sakʼanil ja bʼa Luʼumiʼ bʼa juntiro. Ta wen kʼa xa kʼana oja nebʼ mas soka iti, wax kʼapatikonawi bʼa oja kʼum jun taʼuman tiʼ jumasaʼ bʼa Jiʼoba ja bʼa wa komoni. Ma ja wen oj bʼobʼa tsʼijbʼaj, ma oja kʼan jun ma oj stsʼijbʼawi bʼa wa bʼaj, ja bʼa opisina mas mojana wiʼo ja bʼa wen kʼulana, jujune ja bʼa direksiʼon ja bʼa pajina chabʼeʼi ja bʼa poyeto.