¿Ojma schʼakel ja Diʼosi yajkʼachil ja kristiʼano ja matik jel maloʼeʼi?

22 Chomajkil ja wego ja kristiʼano jel maloʼe. ¿Jastik maloʼil wane skʼulajel ja ili?

23 Ay jujuntik wa smilawe pilan kristiʼano. Diʼos wax yala miʼ oj kʼulaxuk ja itiʼ (Éxodo 20:13; 1 Juan 3:11, 12).

 24 Ay jujuntik wax elkʼaniye. Diʼos wax yala miʼ lekuk ja elkʼali (Éxodo 20:15, Efesios 4:28).

25 Ay jujuntik wax yiʼaje aʼay ixuke. Tuk ayni yiʼoje chabʼe ma mas ixuke bʼa tuktukil naʼits. Pilan ayni lajan aye sok mini nupaneluke. Ja Bibliʼa wax yala mix bʼobʼi kʼultik ja itiʼ (Mateo 19:4-6; 1 Corintios 7:1-4; 1 Timoteo 3:1, 2).

26 ¿Wan maxa jula kʼujol ja weʼni ja Diʼosi yayi juneʼita xcheʼum ja Adani? (Génesis 2:22, 24.)

 27 Ay jujuntik wa skʼulane adorar chikan ja skʼulubʼal diʼos. Diʼos wax yala mix bʼobʼ katik makunuk kʼulubʼal diʼos ma chikan ja splanta ja bʼa wax kʼulantik adorari (Éxodo 20:4, 5; Isaías 44:9-17; 1 Juan 5:21).

28 Jiʼoba oj xchʼak elej ja matik jel malo miʼ stukbʼes sbʼaji (Salmo 37:9, 10; Lucas 13:5; 1 Corintios 6:9, 10).