¿Jas majtanal jel chaʼanyabʼalil oj bʼobʼa wayi jawa wuntikili? Jelni jitsan ja jastik wa skʼanawe, jastal syajtajele, stojele sok stalnajele. Pe ja snajel bʼa Jyoba soka smeranil taxel ja bʼa Yabʼali, ja Biblia, jani ja majtanal jel chaʼanyabʼalil oj bʼobʼa wayiʼi (Juan 17:3). Ja snajel jawi oj koltajuke bʼa oj syajtaye ja Jyoba sok yaʼteltajel sok spetsanil skʼujole, man yal xchʼinile (Mateo 21:16).

Jitsan nantatalik yiluneje mas wego wa snebʼawe ja yal untik sok sjejelik yal kom ma skʼulajel yal taregaʼik. Ja yuj, jel xyakitikon gusto yajelawilex ja poyeto it, Ja jastik wa sjeʼaki ja Biblia. Ja sjejeliki ojni koltajuk ja nantataliki bʼa mi wokoluk sjejelyi ja yuntikili. Ja jastik yiʼojani soka dibujoʼiki chapubʼal bʼa yal untik bʼa ayiʼoje oxe jabʼil ma mas koʼel. Chomajkil, ayiʼojan taregaʼik. Ja poyeto it mi bʼa yixtaʼuk yal untik. Chapubʼal bʼa oja kʼumukex lajan soka wa wuntikilexi sok oj kʼajyanik bʼa ochel loʼil.

Wa xnaʼatikon ja poyeto it ojni skoltayex soka cholal bʼa sjejelyi jawa wuntikilexi ja smeranil bʼa Biblia ‹man xchʼinile› (2 Timoteo 3:14, 15).

Jawa moj-aljelex,

Tsome Tojwanum bʼa Taʼumantiʼik bʼa Jyoba