Xetʼan 16

A‘teltay ja Dyosi

¿Jas ma‘ oja kʼuluk bʼa oja wamigo‘uk ja Dyosi? (1, 2)

¿Jastal oja walyabʼ ja Dyosi wax kʼana wa‘teltay? (1)

¿Jas ora oj xa bʼobʼa wi ja ja‘i? (2)

¿Jastal oja ta ja‘wa wipi bʼa oj ajyan toj bʼa sti‘ sat ja Dyosi? (3)

1. Bʼa oja wamigo‘uk ja Dyosi tʼilan oja na‘ lek ja jas wax yala ja Bibli‘a‘i (1 Timoteo 2:3, 4), oja kʼu‘uk ja jas wa nebʼunej xa (Hebreos 11:6), oj sutxan ja bʼa wa muli (Hechos 17:30, 31), sok oja jipkan ja‘wa poko modo ja wi‘oj ajyi (Hechos 3:19, YT). Yuja waxa yajtay ja Dyosi oj snik-a bʼa oja wayi ja‘wa sakʼanili. Ja iti wax kʼan yal oja wayi jun orasyon wa tuchʼil, bʼa oja walyabʼi waxa wayi ja‘wa sakʼanili bʼa oja kʼuluk ja jas wa skʼana (Mateo 16:24; 22:37).

2. Yajni jejitawi bʼa yabʼal ja Dyosi sok wa waltayabʼi oja wayi ja‘wa sakʼanili, jachuk chapan xa aya bʼa oja wi ja ja‘i (Mateo 28:19, 20). Oja je waxa wayi ja‘wa sakʼanil ja Dyosi bʼa oja kʼuluk ja jas wa skʼana yajni xa wi‘a ja ja‘i. Ja‘ yuj kechanta wax yi‘aje ja‘ ja matik ay xa sjabʼile bʼa oj stsa‘e ta oj ya‘teltaye ja Dyosi. Yajni june wax yi‘a ja‘, spetsanil ja skwerpo oj ajyuk mulan jutsʼin bʼa yoj ja‘ * (Marcos 1:9, 10; Hechos 8:36).

3. Yajni wa waltayabʼ ja Jyobaji oja wa‘teltay, ja Ye‘ni wa smajlay oja kʼuluk ja jas wa kʼapa yi‘i (Salmo 50:14; Eclesiastés 5:4, 5). Ja Dyablo‘i oj skʼuluk ja janekʼ oj bʼobʼyuji bʼa oja wakan ya‘teltajel ja Jyobaji (1 Pedro 5:8). Mojxan sbʼaj ja Dyosi bʼa orasyon (Filipenses 4:6, 7). Kʼuman kʼakʼu kʼakʼu ja Bibli‘a‘i (Salmo 1:1-3). Moka wakan ja jtsomjeltiki (Hebreos 13:17, YT). Wan kʼa xa kʼulan spetsanil ja it, oja ta ja‘wa wipi bʼa oj ajyan toj bʼa sti‘ sat ja Dyosi. Sok oj bʼobʼa kʼuluk spetsanil ja jas wa skʼana oja kʼuluk ja Dyosi bʼa juntiro.

[Nota]