Xetʼan 1

Jastal oj bʼobʼa na‘ ja jas wa skʼana oja kʼuluk ja Dyosi

¿Jas rasonik tʼilan yi‘ojan ja Bibli‘a‘i? (1)

¿Ma‘ spensar tsʼijbʼunubʼal ja bʼa yojol ja Bibli‘a‘i? (2)

¿Jas yuj tʼilan oja kʼumuk ja Bibli‘a‘i? (3)

1. Ja Bibli‘a jun tsamal majtanal jakel bʼa Dyos. Jachʼ jastal jun ju‘un was jeka yi‘ ja yuntikil jun tatal bʼa jel ja syajalskʼujoli. Ja bʼa yojoli wax yal kabʼtik ja smeranil sbʼaj ja Dyosi: ma‘chunkʼiluk ja ye‘n soka smandar ya‘unejkani. Sok wax yal kabʼtik jas oj jkʼuluktik ja yajni wan ekʼel jbʼajtik wokoli, sok jastal oj tatik jun sakʼaniltik bʼa gustolek. Kechanta ja Bibli‘a wax yal kabʼtik jas oj jkʼuluktik bʼa oj katik gusto‘axuk ja Dyosi (Isaías 48:17, 18; Apocalipsis 1:3).

2. Ekʼel xa jun 3,500 jabʼil man kʼe tsʼijbʼaxuk ja Bibli‘a‘i. Stsʼijbʼane jun 40 winike sok yi‘aj jun 1,600 jabʼil bʼa oj chʼak tsʼijbʼaxuk. Ja Bibli‘a‘i tojbʼesubʼal yuj 66 ju‘unik. Ja winike matik stsʼijbʼane‘i, ja‘ tojiye yuj ja yip ja Dyosi, ja‘ yuj ja stsʼijbʼane ja spensar ja ye‘n, mi ja‘uk ja spensar ja ye‘nle‘i. Ja‘ yuj wax bʼobʼ kaltik ja Bibli‘a‘i mini skʼulan jun winik, ja‘ ni ja Dyos tey bʼa satkʼinali (2 Timoteo 3:16, 17, YT; 2 Pedro 1:20, 21).

3. Ja Dyosi skʼela ja yajni aji ekʼuk bʼa pilan ju‘un jumasa‘ ja yabʼali atsʼijbʼajuk tsʼikanlek jastal tsʼijbʼunubʼal ja bʼa bʼajtan ju‘un tsʼijbʼaxi‘i sok bʼa mi oj chʼaysnajel. Kechantani ja‘a Bibli‘a ja ju‘un jel pilubʼal bʼa sutanal ja lu‘umi yuj ja tuk ju‘un jumasa‘ tsʼijbʼunubʼali. Yajni xkʼe jejukawi bʼa Bibli‘a mi spetsaniluke oj yi‘e slekil. Pe, moka wakan ja jaw asjom ja‘wa wolomi. Ta xkʼota na‘ sbʼaj lek ja Dyosi sok waxa kʼulan ja jas wa skʼana, jachuk oja ta‘ ja‘wa sakʼanil bʼa juntiro, anima ja tuki mi xyi‘aje slekil (Mateo 5:10-12; Juan 17:2, 3, YT).