¿Jasa wa skʼana ja Dyos sbʼaja keʼntik?
JEL tikʼan wa x-aljikabʼtik ma wa xkabʼtik notisyaʼik bʼa telebisyon sok bʼa radyo sbʼaja chaʼanik mulal, bʼa guerraʼik sok bʼa terrorismo. Bʼobʼta ja weʼn wana yijel wokol yuj jun chamel ma ay maʼ chamelawuj.
Jobʼo abʼaj:
-
¿Ja maʼ it ja jas wa skʼana ja Dyos bʼa keʼna sok ja bʼa jpamilya?
-
¿Bʼa oj jtaʼ jkoltajel bʼa oj kuchkuj ja wokoliki?
-
¿Oj maʼ kʼot jun kʼakʼu oj ajyuk lamanil ja bʼa Luʼumi?
Ja Biblia wa xyaʼa sjakʼjelik bʼa wa xbʼobʼ jipjkʼujoltik.
JA BIBLIA WA SJEʼA JA DYOS OJ SKʼULYI JASTIK JEL LEK JA KRISTYANOʼIKI
-
Ja kristyano mixa oj awelaxuke, mixa oj chamuke sok mixa oj yabʼye syajal (Apocalipsis [Revelación] 21:4).
-
«Ja maʼ renkoʼayi oj bʼajtuk jastal ja kʼujlal cheji» (Isaías 35:6).
-
«Ja matik mi x-ilwani oj jamxuk ja sati» (Isaías 35:5).
-
Oj sakʼwuke ja chamwiniki (Juan 5:28, 29).
-
Mixa maʼ oj koʼuk chamel (Isaías 33:24).
-
Jelxa oj ajyuk waʼelal (Salmo 72:16).
OJNI BʼOBʼ SKOLTAYA JA BIBLIA
Bʼobʼta oja pensaraʼuk ja jas akʼumanta ja bʼa sbʼajtanil slamik ja libro it kechanta jun wayichal. Pe ja Dyosi skʼapunej ojxta ya kʼotuk ja jastik jaw ja bʼa Luʼumi, sok ja Biblia wa xcholo jastal oj skʼuluk.
Ja Biblia wa xcha yala kabʼtik jasa tʼilan oj jkʼuluktik bʼa oj ajyukotik gusto. Pensaraʼan jutsʼin sbʼaja jastik wa xchama kʼujoli. Bʼobʼta wan ekʼel wokol ja bʼa wa pamilya, wokol sbʼaja takʼin ma yuj jun chamel. Ma bʼobʼta wana yijel wokol yuj ay maʼ chamelawuj. Ja Biblia ojni bʼobʼ skoltaya bʼa oj kuchukawuj ja wokolik it. Cha ojni bʼobʼ ya kulan akʼujol, yujni wa xyayi sjakʼjel sbʼaja sjobʼjelik jastal it:
-
¿Jas yuj wa xbʼobʼ jipjkʼujoltik ja Dyos ojni ya kʼot yibʼanal ja jastik skʼapuneji?
Ta ja weʼn wana skʼumajel ja libro it, yujni waxa kʼana oja naʼ ja jas wa sjeʼa ja Biblia. Ja libro it ojni skoltaya. Ja sjobʼjelik yiʼojan ja parrapoʼiki ojni skoltaya bʼa oja wabʼ mas stojol ja Biblia. Miyonik kristyano jelni skʼuluneje gusto ochel loʼil bʼa Biblia soka taʼumantiʼik bʼa Jyoba. Wani xkʼanatikon jach oj cha wabʼ ja weʼn. ¡Aya koʼuk alekilal ja Dyos yuja waxa kʼana snajel ja jas wa sjeʼa ja Biblia!
Bʼobʼta cha ojni akʼul gusto
SBʼAJA KEʼNTIKONI
¿Jas yuj tʼilan spaklajel ja Biblia? (bideo mas najat)
Ja Biblia skoltunej jitsan mil ixuk winik bʼa sutanal ja luʼumi bʼa stajel ja sjakʼjel ja sjobʼjelik mas tʼilanik ja bʼa jsakʼaniltiki. ¿Wan maʼ xcha kʼana oj ataʼ ja weʼn?
SBʼAJA KEʼNTIKONI
¿Jastal wa xkaʼatikon ja sjejelik bʼa Biblia?
Bʼa sutanal ja luʼumkʼinali, ja taʼumantiʼik bʼa Jyoba jel naʼubʼal sbʼaje soka sjejel bʼa Biblia kʼebʼubʼal wa xyaʼaweʼi. Kʼela jastal wa xkʼulaxi.
