Ja Taʼumantiʼ jumasaʼ mey yiʼoje pagreʼik bʼa wa syama stsʼakole. Jastal ni skʼulane ja bʼa bʼajtan siglo, ay tejkʼanubʼalik chapane lek bʼa oj stalnaye «ja quermanotic jumasa» bʼa kongregasyoni (Hechos 20:28). Ja ansyanoʼiki wa x-alji yabʼye: «talnayic ja matic acʼubal ba hua cʼabex yuj ja Diosi, pero soc spetzanil ja hua cʼujolexi. [...] Ja hua huatelex iti, mi maʼ huax yala huabyex que tʼilan oja cʼuluquex. Mi sbejuc jaʼ cahuan atiex oj ajyanic que oj tupjanic. Aa bajex soc con todo acʼujolex». Ja yuj, ja ansyanoʼiki tojni lek oj ajyuke soka Dyosi bʼa oj stoj-e sok oj stalnaye ja kongregasyoni (1 Pedro 5:1-3). ¿Jasa wa skʼulane bʼa jlekilaltikon?

Wa xcham skʼujol jmoktikon sok wa stalnayotikon. Soka Biblia, ja ansyanoʼiki wa skoltaye ja kongregasyoni bʼa tsats aʼajyuk ja skʼuʼajel yiʼoje soka Jyoba. Yuja wani snaʼawe ja niwan cholal it ja akʼubʼal yile yuj ja Dyosi, mi wa stʼenawotikon, wa xkoltaniye bʼa jlekilaltikon sok bʼa gusto oj ajyukotikon (2 Corintios 1:24). Jastal ni jun talna chej yajxta wa xyila jujune ja xchejiki, ja ansyanoʼiki wani xcham skʼujole jujune ja xchejik ja Dyosi (Proverbios 27:23).

Wa sjeʼakitikon skʼulajel ja jas wa skʼana ja Dyosi. Ja bʼa semanaʼiki, ja ansyano jumasaʼ yeʼna ni kajan sbʼaje skʼeljel ja tsomjelaliki. Ja it juni modo bʼa mok yopijuk ja skʼuʼajel kiʼojtikoni (Hechos 15:32). Chomajkil, ja ansyanoʼiki yeʼna ni bʼajtan bʼeje ja bʼa xcholjeli, cha wa x-elye jmoktikon lajan sok wa sjeʼakiton jastal xcholjel bʼa tuktukil modo.

Wa statsankʼujolanotikon jujuneʼotikon. Ja ansyanoʼiki wa x-ulataniye bʼa jnajtikon sok wa xlolaniye jmoktikon ja bʼa Naʼits bʼa Tsomjeli, bʼa jachuk aʼajyuk tsats ja skʼuʼajel jujuneʼotikon bʼa Jyoba. Wa skʼapa sbʼaje bʼa oj skoltayotikon sok wa stsatsankʼujolanotikon soka Biblia (Santiago 5:14, 15).

Pe mi kechanta wa skʼelawe ja kongregasyoni, chomajkil jitsan bʼa yeʼnle ay jun yaʼtele sok spamilyaʼe bʼa smakʼlajel sok stalnajel. Ja jmoj-aljeltike it tʼilani oj kistike yujni jel tsats wa x-aʼtijiye (1 Tesalonicenses 5:12, 13).

• ¿Jasunkiluk ja aʼtel yiʼoje ja ansyanoʼik bʼa kongregasyoni?

• ¿Jastal wa sjeʼawe wa xcham skʼujole bʼa jujuneʼotikon?