Ja matik tey bʼa Betel tuktukil aʼtel wa skʼulane bʼa jachuk oj bʼobʼ kʼulaxuk ja xcholjeli bʼa june ma bʼa mas chonabʼik; jastal ni sutjel juʼunik bʼa tuk kʼumal, skʼulajel imprimir juʼunik, yajel el libroʼik, slatsjel juʼun jumasaʼ ma aʼtel bʼa audio sok bideo, sok tuk aʼtelik.

Ja Olomalik bʼa naʼits Betel (Comité de Sucursal) yeʼn wa skʼelawe ja aʼteliki. Bʼa jujune ja naʼitsik Betel, ay chabʼ oxe ma mas ansyanoʼik bʼa chapane lek bʼa wa skʼelawe ja aʼtel wa xkʼulaxi ja tiw sok yeʼnani akʼubʼal kan bʼa skʼabʼe yuj ja Tsome Tojwanumi. Ja winike it wani xyawe ekʼ yi ja Tsome Tojwanumi jastal wajum ja aʼtel ja bʼa lugar wane skʼeljeli soka wokolik wa xbʼobʼ ekʼuki, jachuk ja Tsome Tojwanumi wa xbʼobʼ snaʼe jasunkiluk oj staʼe tiʼal ja bʼa juʼunik oj eluki, ja bʼa tsomjeliki soka bʼa niwan tsomjeliki. Tikʼani ja Tsome Tojwanumi wa sjeka winike bʼa chapane lek maʼ ayni ekʼele wa xwaj june bʼa yeʼnle bʼa oj waj yulatay ja naʼitsik Betel sok skoltajel ja olomalik bʼa skʼulajel lek ja yaʼteleʼi (Proverbios 11:14). Ja bʼa ulatanel it wa xkʼulxi jun niwan tsomjelal jel tʼilan, soka ulatanumi wa xya ekʼ jun sloʼil bʼa stsatsankʼujolajel ja matik tey bʼa lugar yamanyuj ja naʼits Betel.

Wa xyawe yi skoltajel ja kongregasyoniki. Ja bʼa naʼits Beteli ti wa x-ilxi ta oj kʼe jun yajkʼachil kongregasyon. Chomajkil wa xkʼelji ja yaʼtele ja precursoriki, ja misioneroʼiki soka biajanteʼik bʼa circuito. Wa xchapji ja niwan tsomjelik wa x-ajyiʼi, wa xkʼelji ja stojbʼesel Naʼitsik bʼa Tsomjelali sok wa xjekxi ja juʼunik ja bʼa kongregasyoniki. Spetsanil ja jastik wa xkʼulaxi ja bʼa naʼitsik Beteli jani bʼa oj yi sbʼejlal lek ja xcholjeli (1 Corintios 14:33, 40).

• ¿Jastal wa xkoltajiye ja Tsome Tojwanumiki yuj ja Olomalik bʼa naʼitsik Beteli?

• ¿Jastik aʼtel wa xkʼulaxi bʼa jun naʼits Betel?