Ja Yabʼal ja Dyos bʼa griego tikʼanxta wa staʼa tiʼal ja Bernabé soka jekabʼanum Pablo. Ja winike it nake biajanteʼik bʼa yulataye ja kongregasyonik ja bʼa tyempo jaw. ¿Jas yuj skʼulane? Jani yuja meran wa xcham skʼujole ja smoj-aljelik bʼa kongregasyoni. Ja Pablo yala ja janekʼ wa skʼana oj skʼel sok yulatajel pilan ekʼele ja smoj-aljeliki bʼa oj yil jastal wan wajelyujile. Mini cham skʼujol ja jitsan kilometro oj bʼejyuki bʼa oj tsatsankʼujolanuk (Hechos 15:36). Junxta ni wa skʼulane ja biajanteʼik bʼa jtyempotiki.

Ja yeʼnleʼi wa xjak stsatsankʼujolanotik. Jujune ja biajanteʼik bʼa circuito wa xyulatay junuk 20 kongregasyonik sok wa x-ajyi sok jun semana jujune ja kongregasyonik jaw chabʼ ekʼele ja jabʼili. Janekʼto wa xnebʼatikon sbʼaja jmoj-aljeltikon it soka xcheʼumeʼi ja matik nupanele xa. Ja yeʼnle wa skʼanawe sok wa sleʼawe ja modo bʼa snajel sbʼaj yibʼanal ja keremtiki soka matik ayxa skʼujole. Jelni sgustoʼe elel jmoktikon ja bʼa xcholjeli sok yulatajel ja matik wa xjeʼatikon yi bʼa Biblia. Ja biajanteʼik it soka ansyanoʼiki wa xwaj yulataye ja jmoj-aljetikon bʼa snaje bʼa stsatsankʼujolajel. Chomajkil, wa xcha stsatsankʼujolanotikon soka tsamal loʼilik wa xyawe ekʼuk ja bʼa tsomjelali soka bʼa niwan tsomjelaliki (Hechos 15:35).

Wa xcham skʼujole bʼa jpetsaniltikon. Ja biajanteʼik bʼa circuito jel xcham skʼujole ja jastal wa xtax ja kongregasyoniki. Ja yeʼnle wa stsomo sbʼaje soka ansyanoʼiki soka skoltuman ansyanoʼiki bʼa skʼeljel jastal wajum ja kongregasyoni sok yajel yi rasonik bʼa skʼulajel lek ja yaʼteleʼi. Wa xcha skoltaye ja precursoriki bʼa mas lek a-skʼuluke ja yaʼteleʼi sok bʼa awajyujile lek ja bʼa xcholjeli. Jelni x-ajiyile gusto snajel sbʼaj ja matik wane xa wajel ja bʼa tsomjelali sok snajel wane xa yijel ja smeranili. Jujune ja jmoj-aljeltikon it wani xchʼaka sbʼaje ja bʼa yaʼteleʼi sok kʼotele jun koltumane bʼa jlekilaltikon (2 Corintios 8:23). La jnochtik ja jastal tsats ay ja skʼuʼajel yiʼoje sbʼaja Dyosi soka jastal wa xchʼaka sbʼaje bʼa yaʼteltajeli (Hebreos 13:7).

• ¿Jas yuj ja biajanteʼik bʼa circuito wa xyulataye ja kongregasyoniki?

• ¿Jastal oj bʼobʼ wa el slekilal ja ulatanel wa xyaʼaweʼi?