¿Wan maʼ xa kʼana oj anebʼ mas sbʼaja Biblia, jastal jun bersikulo, jun ixuk ma winik, lugar ma jun jasunuk ekʼi? ¿Ay maʼ bʼa ajobʼune abʼaj ta wa xbʼobʼ skoltaya ja Biblia yajni wan ekʼel abʼaj jun wokoli? Ta jachʼ kʼa, anto lekni oj wa makunuk ja biblioteca ay ja bʼa Naʼits bʼa Tsomjelali.

Ja biblioteca ayni yiʼoj jitsan juʼunik bʼa spaklajel. Bʼobʼta mini awiʼojuk spetsanil ja juʼunik wa xya eluke ja Taʼumantiʼik ja bʼa wa kʼumali; pe ja biblioteca ja bʼa Naʼits bʼa Tsomjeli ayni yiʼoj ja juʼunik mas ajkʼachtoʼi. Bʼobʼta ojni ataʼ tuktukil Bibliaʼik, diccionarioʼik sok tuktukil juʼunik bʼa spaklajel. Ojni bʼobʼ wa makunuk bʼajtanto yuj oj kʼeʼuk ja tsomjelali ma tsaʼan xa. Ta ay jun computadora sok ta ayiʼoj ja programa Watchtower Library, ojni bʼobʼ wa makunuk, pes tʼusan mi spetsaniluk ayni yiʼoj ja juʼunik wa xyawe eluk ja Taʼumantiʼiki, sok mini wokoluk slejel ja loʼiliki, sat kʼumalik ma bersikuloʼik.

Jelni xmakuni sbʼaja matik ochele xa juʼun ja bʼa Ja Sakʼaniltik soka Kaʼteltik bʼa Dyos. Ojni bʼobʼ wa makunuk ja biblioteca ja bʼa Naʼits bʼa Tsomjeli bʼa xchapjela bʼaj ja bʼa loʼil oj wa ekʼuki. Ja ma’ wa skʼela ja biblioteca it jani ja olomal bʼa tsomjelal sbʼa Ja Sakʼaniltik soka Kaʼteltik, b’a yeʼnani wa xyila a’ajyuk ja juʼunik mas ajkʼachto sok tsamal xta cholan. Yeʼn ma jaʼa maʼ wa sjeʼawiʼi oj sjeʼawi jastal oj ataʼ ja juʼunik waxa kʼana. Kechan ajuluk akʼujol, mok awiʼoch bʼa wa naj, chomajkil mok wa staʼ kux sok moka jise.

Ja Biblia wa xyala bʼa oj taxuk «ja meran snajel bʼa Dyosi», tʼilani oj jkʼujoluktik slejel ja it jastal slejel jitsan takʼin bʼa nakʼan ay (Proverbios 2:1-5). Ja biblioteca ay ja bʼa Naʼits bʼa Tsomjelali juni lekil lugar bʼa slejel ja jas waxa kʼana oj anaʼi.

• ¿Jastik junuk yiʼoj ja biblioteca ay ja bʼa Naʼits bʼa Tsomjeli?

• ¿Machʼa oj bʼobʼ skoltaya bʼa oj wa el slekilal ja bilioteca it?