XET’AN 21
¿Jasunuk ja Betel?
Opisina bʼa skʼuljel dibujo (Departamento de Arte, Estados Unidos)
Alemania
Kenia
Colombia
Ja bʼiʼilal Betel ti elel bʼa kʼumal hebreo sok wa stojolan «Snaj Dyos» (Génesis 28:17, 19). Ja it wani xkan sbʼaj lek ja naʼitsik yiʼoje ja taʼumantiʼ jumasaʼ bʼa Jyoba bʼa sutanal ja luʼumi, sok ti tiw wa xkʼelxi ja aʼtel bʼa xcholjeli. Ja bʼa chonabʼ Nueva York (Estados Unidos), ti tiw wa xtaxye ja Tsome Tojwanumi, sok man tiw wa skʼelawe ja aʼtel wa xkʼulaxi ja bʼa tuktukil naʼitsik bʼa jitsan chonabʼ. Spetsanil ja ixuk winik wa x-aʼtiye ja bʼa lugarik it wani xnaji sbʼaje jastal pamilya Betel. Jastal ni jun meran pamilya, ja yeʼnleʼi junta naʼits aye, lajan wa x-aʼtiye, lajan wa xwaʼye sok lajani wa stsomo sbʼaje bʼa spaklajel ja Biblia (Salmo 133:1).
Jun lugar jel chaʼanyabʼalil bʼa wa xyaʼa sbʼaje sok spetsanil skʼujole. Ja bʼa pamilyaʼik Beteli ay winik sok ixuk bʼa tsats ja skʼuʼajel yiʼoje sbʼaja Dyosi bʼa yaʼuneje ja sakʼanile bʼa yaʼteltajel ja Dyos bʼa tyempo tsʼikan sok koltanel ja bʼa sGobyernoʼi (Mateo 6:33). Mini syama stsʼakole sok mi xtupjiye, pe tini wa x-aji jun yal skwartoʼe, swaʼele sok tʼusan stakʼine bʼa oj skolta sbʼaje ja jastik tʼilan wa xmakuni yujileʼi. Jujune ja bʼa yeʼnle akʼubʼal jun yaʼtele, jastal bʼa opisinaʼik, xchapjel waʼelal sok spachjel waʼelal; tuk wa x-aʼtiye bʼa niwan makinaʼik bʼa wa xkʼulxi imprimir ja juʼuniki; sok tuk wa x-aʼtiye bʼa yajel ajyuk asyado ja kwartoʼiki, bʼa xchukʼjel kʼuʼalik ma skʼeljel aʼajyuk tsamal sok lek ja naʼitsi sok tuk aʼtelik.
Jun lugar bʼa jel ja aʼteli bʼa jani yamanyuj ja xcholjeli. Ja cholal yiʼoj ja naʼitsik Beteli jani yajel kʼot ja smeranil bʼa Biblia bʼa jitsan ixuk winik ja janekʼ wa xbʼobʼi. Jun sjeʼjel, jani poyeto it. Ja Tsome Tojwanumi yeʼnani skʼelawe sok aji makunuk ja computadoraʼik bʼa akʼot sbʼaje ja juʼun it ja jitsan kʼole sutumanik bʼa tuktukil kʼumal bʼa yibʼanal ja luʼumi, kʼulji imprimir bʼa tuktukil naʼitsik Betel bʼa makinaʼik jel weʼgo x-aʼtiji sok jekji bʼa mas ja 110 mil kongregasyoniki. Spetsanil ja aʼtelik skʼulane ja pamilya Betel bʼa yajel eluk ja poyeto it jani bʼa xcholjel ja lekil rason bʼa Dyosi (Marcos 13:10).
-
¿Machʼtik wa x-aʼtiye bʼa Beteli sok jastal wa xkoltajiye?
-
¿Jas aʼtel jel tʼilan ti chʼikan soka aʼtelik wa xkʼulaxi ja bʼa naʼitsik Beteli?
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
Yal bideo: Ja jastal wa xcholotikon bʼa yibʼanal ja luʼum ja taʼumantiʼik bʼa Jyoba
Kʼela jas yuj wa xcholotikon bʼa jitsan kʼumalik sok jas yuj wa xpilatikon ja bʼa jabʼili jitsan miyonik ora ja bʼa xcholjel.
