¿Oj maʼ akʼuluk ja jas wa skʼana ja Jyobaji?
Tsʼakatal lek yuja tyempo ja pila bʼa spaklajel ja poyeto it bʼa ya naʼ jbʼajtikon mas, jastal ja kaʼteltikoni soka jastal tsoman sok chapan aytikoni. Wa xmajlatikon skoltuneja bʼa yabʼjel stojolil kechantani ja taʼumantiʼ jumasaʼ bʼa Jyoba wantikon skʼulajel ja jas wa skʼana ja Jyoba ja bʼa jtyempotiki. Wa xlokowatikon bʼa moka wakan snebʼjel sbʼaja Dyosi. Alayabʼ jawa pamilya soka wa wamigoʼiki sbʼaja jas wana snebʼjeli, sok mojtayotikon tikʼan ja bʼa jtsomjeltikoni (Hebreos 10:23-25).
Yajni mas waxa nebʼa sbʼaja Jyoba, masni oj awabʼ stojolil ja janekʼ wa syajtayotiki. Anto ja it ojni snijkesa skʼulajel ja jas wa skʼana ja yeʼn (1 Juan 4:8-10, 19). Pe ¿jastal xa oj ajeʼ kʼakʼu kʼakʼu merani waxa yajtay ja Dyosi? ¿Jas yuj skʼuʼajel ja yijel jun jsakʼaniltik bʼa toji bʼajni jlekilaltika? ¿Jasa oj skoltaya bʼa oj akʼan skʼulajel jmoktikon ja jas wa skʼana ja Dyosi? Ja maʼ wa sjeʼawi bʼa Biblia oj skoltaya bʼa oj ataʼ ja sjakʼjelik ja sjobʼjelik it bʼa jachuk ja weʼn soka wa pamiliya oj «Ajyanic toj ba oja huilex [...] jastal ja syajal scʼujol ja Diosi» man xtaʼatik ja jsakʼaniltik bʼa tolabida (Judas 21).
Wa xlokowatikon sok spetsanil jkʼujoltikon bʼa moka wakan snebʼjel ja smeranil sbʼaja Dyosi. Spaklajel ja juʼun La ajyukotik ja bʼa syajal skʼujol ja Dyosi, jelni oj skoltaya.
Bʼobʼta cha ojni akʼul gusto
SBʼAJA KEʼNTIKONI
¿Jas yuj tʼilan spaklajel ja Biblia? (bideo mas najat)
Ja Biblia skoltunej jitsan mil ixuk winik bʼa sutanal ja luʼumi bʼa stajel ja sjakʼjel ja sjobʼjelik mas tʼilanik ja bʼa jsakʼaniltiki. ¿Wan maʼ xcha kʼana oj ataʼ ja weʼn?
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
