Man tyempo najate, ja Jyoba skʼanunej ja pamilyaʼiki a-spil-e styempoʼe bʼa oj stsom sbʼaje. Ja it jani bʼa stsatsankʼujolajel ja jastal wa xyila sbʼaje soka Dyosi soka bʼa jujune bʼa yeʼnle (Deuteronomio 6:6, 7). Ja yuj, ja pamilyaʼik Taʼumantiʼiki wa spilawe tyempo ja bʼa semana bʼa stsomjel sbʼaje spaklajel ja Yabʼal ja Dyosi sbʼaja jastik wa x-ekʼ ja bʼa sakʼanileʼi, pe jach mi axwelaʼuk sbʼaj. Anima atuchʼil aya wani xbʼobʼ wa makunuk ja tyempo awiʼoji bʼa spaklajel chikan jas loʼil bʼa Biblia bʼa lek xa wila.

Jun modoʼal bʼa mojxel soka Jyobaji. «Ajyanic cʼuban soc ja Diosi, jach ni ja yeni, mojan ni oj ajyuc amoquexa.» (Santiago 4:8.) Bʼa slamik ja Biblia, wa xkʼot jnatik sbʼaj mas ja Jyoba sbʼaja lekil smodo soka jastik wa skʼulani. Jun modo bʼa mi wokol oj awabʼ yajel kʼeʼuk ja wa stsomjel bʼa pamilya jani skʼumajel jach tsats ja Biblia, bʼobʼta oj skoltaya stsajlajel ja programa yiʼojan ja semana jaw ja bʼa juʼun Ja Sakʼaniltik soka Kaʼteltik bʼa Dyos. Jujune ja bʼa pamilya oj bʼobʼ skʼum-e xentik yaman; tsaʼan lajan loʼiltayik ja jastik jun nebʼxi bʼa Biblia.

Jun modo bʼa yajel tsatsbʼuk mas ja yajtanel yiʼoj sbʼaj ja pamilya. Ja tatamal, ja cheʼumal, ja nantataliki soka yal untiki wa xbʼobʼ syajtay sbʼaje mas yajni ja yeʼnle wa stsomo sbʼaje bʼa lajan oj spaklaye ja Biblia. Ja tsomjelal it juni ekʼele bʼa jel xkʼankʼuni smajlajel sok bʼa jel xyaʼa gustoʼil. Soka sjabʼile yiʼoje ja untikaliki, ma snajel jastal stojbʼesel ja wokolik wan ekʼel sbʼaje bʼa eskwela, bʼobʼta ja nantataliki wa skʼanawe yajel makunuk ja loʼilik yiʼojan Ja Juʼun Cholumani soka ¡Despertad!, ma bʼa jsitiotik bʼa Internet jw.org/toj. Ma jas yuj mixa kʼelawex ja programa bʼa JW Broadcasting (tv.pr418.com) sok tixa loʼiltayex ja yajni xchʼaka kʼelexi. Chomajkil, wa xbʼobʼ snebʼ-e ja tsʼebʼojik oj tsʼebʼantaxuk ja bʼa tsomjeliki sok bʼobʼta ja bʼa xchʼakulabʼil ja stsomjelal bʼa pamilya lekni ay jas oj yabʼye bʼa yajel ekʼuk gusto jutsʼin.

Ja semanaʼik wa stsomo sbʼaj ja pamilya bʼa stoyjel ja Dyosi, wa xkoltani bʼa oj yabʼye stsamalil spaklajel ja Yabʼali, soka Jyoba wani xkoltani yajni wa xyila wa xkʼujolaxi skʼulajeli (Salmo 1:1-3).

• ¿Jas yuj wa xpilxi tyempo bʼa stoyjel ja Dyos jachʼ tsoman soka pamilya?

• ¿Jasa oj skʼuluke ja nantataliki bʼa mi axwelaʼuk sbʼaj ja stsomjeleʼi?