Ja Jesusi yala yabʼ ja snebʼumaniki: «Jachuc ja huenlexi, a yil qʼuinal ja hua mojexi. Jea yi ja jas jel lec huaxa cʼulanexi. Jachuc, oj ni yaa yi stzʼacatal ja hua Tatex tey ba satqʼuinali» (Mateo 5:16). Ja yuj, wani xkatikon makunuk ja jastik junuk mas ajkʼachto eleli, jastal ja Interneti. Ja sitio bʼa Internet jw.org/toj jani ja sitio bʼa wa xtax sbʼaja jastik wa skʼuʼane soka yaʼtele ja taʼumantiʼ jumasaʼ bʼa Jyobaji. ¿Jasa yiʼojani?

Sjakʼjelik wa xyaʼa ja Biblia sbʼaja sjobʼjelik mas tikʼaniki. Ojni ataʼ ja sjakʼjelik sbʼaja jujuntik sjobʼjelik jel tʼilanik wa xyaʼa sbʼaje ja ixuk winiki. Jun sjejel, ja tratadoʼik ¿Oj maʼ kʼotuk ja kʼakʼu mixa oj kitik wokol? sok ¿Ojto maʼ sakʼwukejan ja matik chamelexa? ayxa, elel bʼa mas ja 600 kʼumalik. Chomajkil oj ataʼ ja Traducción del Nuevo Mundo bʼa mas ja 130 kʼumalik sok tuktukil juʼunik bʼa spaklajel ja Biblia, jastal ja libro ¿Jasa wa sjeʼa meran lek ja Biblia?, soka rebistaʼik mas ajkʼachto Ja Juʼun Cholumani soka ¡Despertad! Jitsan ja bʼa juʼunik it wa xbʼobʼ kʼumaxuk ma wa xbʼobʼ maklaxuk bʼa Internet, sok oj bʼobʼ wa koʼuk bʼa MP3, oj cha bʼobʼ wa koʼuk jach bʼa PDF ma EPUB. Ta wan kʼa xa kʼana, oj bʼobʼ akʼul imprimir jujuntik slam ja juʼunik bʼa wa kʼumali bʼa oj aje yi ja maʼ wa skʼana oj smaklay sbʼaja lekil rasonik bʼa Biblia. Ay elel juʼunik jachʼ bʼa bideo bʼa jitsan kʼumalik bʼa lenguaje de señas, sok oj bʼobʼ wa koʼuk jachʼ skʼumajel sok snujkʼalil loʼilik elel bʼa Biblia, dramaʼik elel bʼa Biblia sok tsamalik kʼin bʼa oj bʼobʼ amaklay yajni wana jijleli.

Jastik junuk bʼa snajel sbʼaja taʼumantiʼ jumasaʼ bʼa Jyoba. Ja sitio ayiʼojan jastik junuk wan ekʼel sok yal komik bideoʼik bʼa wa staʼa tiʼal ja kʼateltikon wan kʼulaxel bʼa yibʼanal ja luʼumkʼinali. Cha wa staʼa tiʼal ja jastik wan ekʼel sbʼaje ja Taʼumantiʼiki soka koltajel wa xyawe yi ja ixuk winik bʼa jun desgrasya. Chomajkil, wa xyala sbʼaja niwan tsomjelik oj jkʼulaxuki sok wa xyala jastal oj ataʼ slejel ma skʼumajel ja matik wa x-aʼtiye bʼa naʼitsik Beteli.

Stsʼakatal soka jastik junuk it, ja ixuk winiki wa xbʼobʼ yil-e kʼinal sbʼaja smeranil bʼa Dyosi man ja bʼa lugarik mas chʼayanikxa ayi, man ja bʼa skʼaxil ja luʼumi, jastal ja lugar sbʼiʼil Antártida. La katik yi orasyon bʼa jachuk «ja yabal ja [Jyoba] oj pucxuc mas ligero ja ba spetzanil ja lugari» bʼa stoyjel ja sbʼiʼil ja yeʼn (2 Tesalonicenses 3:1).

• ¿Jastal wa xkoltani ja sitio jw.org/toj bʼa jitsan ixuk winik a-snebʼ-e ja smeranil sbʼaja Dyosi?

• ¿Jas maʼ waxa kʼana oj aleʼ ja bʼa jsitiotikon bʼa Interneti?