Tʼusan xta skʼana bʼa oj chamuk, ja Jesusi yalakan: «Jaxa yajcʼachil loil it jastal huan xa scʼulajel mandar ja Diosi, ja loil iti oj chʼac pucxuc ja ba spetzanil ja lugari. Cada lugar oj chʼac cholxuc yabye ja suinquili. Cuando chʼac ta pucxuqui, ti xa oj cʼot ticʼan ja tiempo ita» (Mateo 24:14). ¿Jastal xa maʼ oj kʼulaxuk ja aʼtel it bʼa sutanal ja luʼumi? Jani snochjel ja jastal sjeʼakan ja Jesusi yajni ti ajyi bʼa Luʼumi (Lucas 8:1).

Wa xkulataytikon bʼa snaje ja ixuk winiki. Ja Jesusi sjeʼa yi ja snebʼumaniki a-schol-e ja lekil rasoni naʼits naʼits (Mateo 10:11-13; Hechos 5:42; 20:20). Ja cholumanik bʼa bʼajtan siglo tʼojiyile lugarik bʼa oj xchol-eʼi (Mateo10:5, 6; 2 Corintios 10:13). Junxta ni ja jtyempotiki, ja aʼtel bʼa xcholjeli chapaniʼay lek. Jujune ja kongregasyoniki akʼubʼalyile ja lugarik bʼa oj xchol-eʼi. Jachuk wa xbʼobʼ jkʼuluktikon ja mandar yaʼakan ja Jesusi bʼa xcholjel yabʼ spetsanil ja ixuk winiki (Hechos 10:42).

Wa xleʼatikon modo xcholjel yabʼ ja ixuk winik bʼa chikan bʼaʼa. Ja Jesusi yeʼnani mero sjeʼakan bʼa oj cholxuk bʼa chikan bʼaʼa, ja yeʼn sjeʼa bʼa stiʼ mar sok bʼa jun poso (Marcos 4:1; Juan 4:5-15). Chomajkil ja keʼntikoni wa xcholotikon sbʼaja Biblia bʼa chikan bʼa wala taxtikona; jastal bʼa bʼej, bʼa negosyoʼik, bʼa merkadoʼik, ma bʼa telepono. Chomajkil wa xjeʼatikon yi ja jbesynotikoni, ja jmojtikon aʼteli, ja jmotikon bʼa eskwela soka jpamilyatikoni yajni wa xbʼobʼi. Yuja it, jitsan mil ixuk winik yabʼuneje ma smakluneje ja lekil rasonik wa xyaʼa sakʼanili (Salmo 96:2).

Pensaraʼan bʼa june maʼ waxa kʼana oj achol yabʼ ja lekil rason sbʼaja sGobyerno ja Dyosi sok jasa wa stojolan ja lekil rasonik it ja bʼa sakʼanil bʼa tyempo jakumto. Mok anolkan bʼa weʼnta ja lekil yaljelik it, alayabʼ ja tuki.

• ¿Jas lekil rasonik tʼilan oj cholxuk?

• ¿Jastal wa snochowe ja Taʼumantiʼi ja sjeʼjel yaʼakan ja Jesusi sbʼaja choljeli?