Jitsan ixuk winik mixa xwajye ja bʼa yiglesyaʼe ma stemploʼe, pes yujni mi staʼawe sjakʼjel sbʼaja sjobʼjelik mas tʼilan ja bʼa jsakʼaniltiki sok mi x–aji kulan skʼujole. ¿Jas mi la waj ja bʼa tsomjelik wa skʼulane ja taʼumantiʼ jumasaʼ bʼa Jyobaji? ¿Sok jas maʼ oj ataʼ ja tiw?

Jani yabʼjel stsamalil ajyel sok ixuk winik bʼa jel xyajtaniye. Ja bʼa bʼajtan siglo, ja nebʼumanik bʼa Jesusi wani stsomo sbʼaje bʼa kongregasyonik bʼa oj yawe yi stoyjel ja Dyosi, bʼa oj spaklaye ja Yabʼali sok bʼa oj stsatsankʼujoluk sbʼaje (Hebreos 10:24, 25). Yuja yajtanel yiʼojeʼi, ja yajni aye tsomani wa xyila sbʼaje jastal mero smoj-aljel sbʼaje (2 Tesalonicenses 1:3; 3 Juan 14). Junxta ni wa xkʼulantikon ja keʼntikoni sok wa xkabʼtikon stsamalil ja ajyel tsomani.

Ja slekilal snebʼjel yajel makunuk ja rasonik bʼa Biblia. Jastal ni skʼulane ja bʼa tyempo najate, jachʼ wa xcha jtsomo jbʼajtikon ja winike, ixuke soka yal untiki bʼa oj jmaklaytikon ja matik tejkʼanubʼali bʼa wa skoltayotikon sjeʼjel jastal yajel makunuk ja rasonik bʼa Biblia (Deuteronomio 31:12; Nehemías 8:8). Spetsanil ja matik tsomaneʼi wani xbʼobʼ sjach ja skʼabʼeʼi bʼa oj sjakʼ-e yajni wa x-axi sjobʼjeliki sok tsʼebʼanel, jachuk wa xjeʼatik ja janekʼ wa xjipa jkʼujoltik sbʼaja jas oj skʼuluk ja Dyos (Hebreos 10:23).

Ja lekil modoʼal bʼa yajel tsatsbʼuk ja jkʼuʼajeltik sbʼa Dyosi. Ja jekabʼanum Pablo stsʼijbʼan yi june ja bʼa kongregasyonik bʼa styempo: «wa xkʼana oj kil‘ex ja we‘nlexi [...] wa xkʼana oj jtzatzankʼujoluk jbʼajtik yuj ja wa xkʼu‘antik ja dyosi» (Romanos 1:11, 12, YD). Yajni wa xtaʼa jbʼajtik soka jmoj-aljeltik ja bʼa tsomjeliki, wa xya tsatsbʼuk mas ja skʼuʼajel kiʼojtik sbʼa Dyosi sok yijel jun jsakʼaniltik jastal ni wa xyala ja Yabʼali.

¿Jas mi la waj ja tsomjelal ja bʼa semana it sok ti oj awil weʼnaʼa? Ojni kaʼtikon jun alekiljulelal. Spetsanil ja tsomjeliki mi tupubʼaluk sok mi xkʼanji takʼin ja bʼa yojoli.

• Soka jastal wa xkʼulantikon ja jtsomjeltikoni, ¿maʼ sjeʼjel wa xnochotikon?

• ¿Jasa slekilal wa xtaʼatik ja bʼa tsomjeliki?