Ja Dyosi wa skʼana aʼajyuk jun jsakʼaniltik bʼa laman sok gusto lek bʼa jun kʼachinubʼ bʼa luʼum.

Bʼobʼta ja weʼn xa pensaraʼan sok xa jobʼo abʼaj: «¿Jastal modo oj bʼobʼuk ja jaw?». Ja Biblia wa xyala ja sGobyerno ja Dyosi oj bʼobʼ yuj skʼulajel ja it. Ja Dyosi wa skʼana spetsanil ixuk winik a-snebʼ-e sbʼaja Gobyerno it sok ja jas oj skʼuluk sbʼaja keʼntiki (Salmo 37:11, 29; Isaías 9:7).

Ja Dyosi wa skʼana awaj kujtik lek.

Jastal jun lekil tatal wa skʼana awaj yuj lek ja yuntikili, ja Jyoba wa skʼana la kabʼtik stsamalil ja jsakʼaniltik bʼa tolabida (Isaías 48:17, 18). Ja yeʼn skʼapunej «ja maʼ huas scʼulan ja jas huas scʼana [...], mi ni nunca oj chʼacuc - oj ajyuc sacʼanil tola vida» (1 Juan 2:17).

Ja Dyosi wa skʼana la bʼejyukotik ja bʼa sbʼeji.

Ja Biblia wa xyala ja Dyosi wa skʼana oj sjeʼkitik ja sbʼeji bʼa ti oj bʼejyukotika (Isaías 2:2, 3). Ja yeʼn stsaʼunej jun xchonabʼ bʼa jachuk ja jas wa skʼana apukxuk bʼa yibʼanal ja Luʼumi (Hechos 15:14).

Ja Dyosi wa skʼana junta kabʼaltik la kaʼteltaytik.

Ja relijyon smeranili mi wa spila ja ixuk winiki, wa tsomo bʼa meran oj syajtay sbʼaje (Juan 13:35). ¿Machʼtik wane sjeʼjel yi ja ixuk winik bʼa yibʼanal ja luʼumi bʼa junta abʼal yaʼteltajel ja Dyosi? Bʼa oj ataʼ ja sjakʼjel ja sjobʼjel it, wa xlokowatikon kʼuman ja juʼun it.