SJEJEL 01
¿Jastal oj bʼobʼ skoltaya ja Biblia?
Jitsan wa xkaʼa jbʼajtikik sjobʼjelik sbʼaja sakʼanil, ja wokol, ja chamelal soka bʼa tyempo jakumi. Cha wa xcham jkʼujoltik ja jastik wa x-ekʼ kada kʼakʼu, jastal skʼulajel ganar takʼin ma ajyel gusto soka pamilya. Jitsan kʼota snaʼe ja Biblia wa sjakʼa ja sjobʼjelik jaw jel tʼilani sok wa xyaʼa rasonik ja bʼa jsakʼaniltiki. ¿Wan maʼ xa kʼuʼan ke oj skoltay ja sakʼanil ja tuk?
1. ¿Jas jujuntik sjobʼjel wa xyaʼa sjakʼjel ja Biblia?
Ja Biblia wa sjakʼa ja sjobʼjelik jel tʼilan jastal ja it: ¿jastal kujlaji ja sakʼanil?, ¿jas stojolil yiʼoj ja sakʼanil?, ¿jas yuj wa xyiʼaj wokol ja matik lek?, ¿jas wa x-ekʼ yajni ay maʼ wa xchami? sok ¿jas yuj jel ja guerra yajni yibʼanal ja kristyano wa skʼana lamanil? sok ¿jas oj ekʼ sbʼaj ja Luʼum? Ja Biblia wa slokowotik slejel ja sjakʼjel, sok jitsan miyon kristyano bʼa skʼulaneta jelni gustoʼaye.
2. ¿Jastal wa skoltayotik ja Biblia yabʼjel stsamalil ja jsakʼaniltik kada kʼakʼu?
Ja Biblia wa xyakitik lekil rasonik. Jun sjejel, wa sjeʼa jastal meran gusto oj ajyuk ja jpamilyatik. Cha wa xyala kabʼtik jastal oj jkʼultik ganar ja estrés sok yabʼjel stsamalil ja kaʼteltik. Yajni wanotik spaklajel lajan ja juʼun it, oja nebʼ ja jas wa xyala ja Biblia sbʼaja it sok tuk jastik. Seguro ojni kʼota kʼuʼuk «yibʼanal ja Yabʼal ja Dyosi [ja jas wa xyala ja Biblia] [...] wani xmakuni» (2 Timoteo 3:16).
Ja juʼun it mi wa slokʼolan ja Biblia. Pe ojni skoltaya spaklajel. Ja yuj wa xlokowatikon oja kʼumuk ja tekstoʼik yiʼojan ja bʼa sjejeliki sok slajel soka jas wana snebʼjel ochi.
LA JNEBʼTIK MAS
La kiltik jastal ja Biblia skoltunej tuk kristyano, jas oj jkʼuluktik bʼa yabʼjel stsamalil ja jas wa xkʼumantiki sok jasa slekil ja yajni ay maʼ wa skoltayotik yabʼjel stojol.
3. Ja Biblia wa stojowotik
Ja Biblia jach jastal jun joko jel lek xyijlabʼan ja jbʼejtiki. Oj bʼobʼ katik makunuk bʼa stsajel lek jasa oj jkʼuluktik sok snajel jasa oj ekʼ ja tyempo jakum.
Kʼumanik ja Salmo 119:105 sok loʼilananik sbʼaja jas ti nochani:
-
¿Jasa wa spensaraʼan sbʼaja Biblia ja tsʼijbʼanum bʼa salmo it?
-
¿Jas waxa pensaraʼan sbʼaja Biblia?
4. Ja Biblia wa sjakʼa ja sjobʼjel kiʼojtik
Jun ixuk kʼot snaʼ ja Biblia wa sjakʼa ja sjobʼjelik yiʼoj bʼa jitsanxa jabʼil. Kʼelawik ja BIDEO sok loʼilananik sbʼaja jas ti nochani:
-
¿Jastik sjobʼjelik yiʼoj ja ixuki?
-
¿Jastal koltaji ja yajni kʼe spaklay ja Biblia?
Ja Biblia wa slokowotik oj katik sjobʼjelik. Kʼumanik ja Mateo 7:7 sok loʼilananik sbʼaja jas ti nochani:
-
¿Wan maʼ xa kʼuʼan ja Biblia oj sjakʼ jujuntik ja sjobʼjela wiʼoji? ¿Jas sjobʼjelik?
5. Oj bʼobʼ kabʼtik stsamalil skʼumajel ja Biblia
Jitsan wa skʼulane gusto skʼumajel ja Biblia sok wa xyawe el slekil. Kʼelawik ja BIDEO sok loʼilananik sbʼaja jas ti nochani:
-
¿Jas wa spensarane ja kerem akʼixuk sbʼaja skʼumajel?
-
¿Jas yuj tukni wa xyilawe ja skʼumajel ja Biblia?
Ja jas wa sjeʼakitik ja Biblia wa xyaʼa kulan jkʼujoltik sok wa xyakitik smajlajel. Kʼumanik ja Romanos 15:4 sok loʼilananik sbʼaja jas ti nochani:
-
¿Wan maʼ xa kʼana oja naʼ mas sbʼaja smajlajel sok jastal wa xyaʼa kulan jkʼujoltik ja Biblia?
6. Ojni bʼobʼ kabʼtik stojol ja Biblia soka skoltanel june
Jitsan skʼumuneje ja Biblia stuchʼile, pe jel yaʼuneje el slekil yajni ay maʼ wa xkoltajiye. Kʼumanik ja Hechos 8:26-31 sok loʼilananik sbʼaja jas ti nochani:
-
¿Jas oj skoltayotik yabʼjel stojol ja Biblia? (Kʼelawik ja bersikuloʼik 30 sok 31).
Ja winik etíope skʼanani ay maʼ oj koltajuk bʼa oj yabʼ stojol ja Biblia. Ja bʼa jtyempotik, jitsan masni wa xyabʼye stojol ja Biblia yajni ay maʼ wa xkoltajiye.
JA JAS WA XYALAWE JUJUNTIK: «Lom xchʼayjel tyempo skʼumajel ja Biblia».
-
¿Jas oja wale? ¿Jas yuj?
JA JASA NEBʼA
Ja Biblia wa xyaʼa rasonik bʼa kada kʼakʼu, wa sjakʼa ja sjobʼjelik tʼilan, wa xyaʼa kulan jkʼujoltik sok smajlajel.
Yajel juljkʼujoltik
-
¿Jas tikʼe rasonik wa xtaʼatik ja bʼa Biblia?
-
¿Jas jujuntik sjobʼjel wa xyaʼa sjakʼjel ja Biblia?
-
¿Jasa waxa kʼana oja ta ja bʼa Biblia?
LEʼA TUK JASTIK
Ila jas yuja rasonik bʼa Biblia jel xmakuni ja bʼa jtyempotik.
«Ja srasonik ja Biblia tolabida wa xmakuni» (Ja Juʼun Cholumani, núm. 1 2018)
Ila jastal jun winik koltajiyuj ja Biblia bʼa wan skʼulajel luchar ja jastal wa xyabʼ man xchʼinil.
Ila jastal ja rasonik bʼa Biblia jel xmakuni bʼa oj ajyuk gusto jawa pamilya.
«12 puntoʼik bʼa oj ajyuk gusto ja pamilya» (¡Kʼeʼan!, núm. 2 2018)
Ila jastal ja Biblia wa xchiktes jun skʼuʼajel mi stojoluk yiʼoj ja kristyano sbʼaja maʼ yamanyuj ja luʼumkʼinal.
¿Jas yuj tʼilan spaklajel ja Biblia? (bideo mas najat) (3:14)
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
