XET’AN 7
¿Machunkiluk waj ja Jesusi?
Jyoba sjekakon bʼa Luʼum ja Yunini (1 Juan 4:9)
Ta waxa kʼana oja wa gustoʼaxuk ja Jyoba, chomajkil jel tʼilan oj akʼuʼuk yi ja Yunini. Ja anjel it jel yip kʼulaji bʼajtanto yuj ja Adani.
Soka tyempo, Jyoba ya makunuk ja anjel it jel ja yipi apojkuk jastal jun yal alats ja bʼa Luʼumi. Jun ixuk sbʼiʼil María ya pojkuk bʼa Belén. Ja yal alats it sbʼiʼilan Jesús (Juan 6:38).
Yajni ja Jesús ti ajyi bʼa Luʼumi, sjeʼa ja jastik lekil smodo yiʼoj ja sTati. Ja yeʼn sjeʼa syajal skʼujol sok lekil smodo, ja yuj ja ixuk winiki wani skʼana oj ajyuke smoka. Chomajkil, ja Jesús mini tʼun xiwi yajni sjeʼa ja smeranil sbʼaja Jyoba.
Jesús skʼulan jastik lek, pe jitsan yilkʼujolane (1 Pedro 2:21-24)
Ja Jesús yajnay ja chamum jumasaʼ sok ya sakʼwukjan ja chamwiniki.
Ja olomaliki yilkʼujolane ja Jesús yujni ja yeʼn jaman lek yala yabʼ ja ixuk winiki ja jastik wa sjeʼawe ja olomaliki mini meranuka sok ja jastik wa skʼulaneʼi mini tʼun lekuka.
Ja tantik olomaliki yawe kʼokxuke sok abʼalik ja kʼakʼanumik bʼa Roma, bʼa ixta oj yil-e sok oj smil-e ja Jesús.
Bʼobʼta cha ojni akʼul gusto
JA BIBLIʼA: ¿JAS RASON YIʼOJANI?
Wa xjul ja Mesiasi
¿Jastal ya makunuk ja Jyobaji ja anjel jumasaʼ bʼa oj sjeʼe yeʼn ja Mesías ja Jesusi? ¿Jasa skʼulan ja Jyoba bʼa oj sjeʼ ja sKeremi yeʼnani ja Mesías?
JA BIBLIʼA: ¿JAS RASON YIʼOJANI?
Ja Jesusi wa staʼa ekʼ tiʼal ja sGobyerno ja Dyosi
¿Jasunkiluk sbʼiʼil ja yolomajel bʼa aʼtel skʼulan ja Jesús? ¿Jastal sjeʼa ja Jesús yajxta oj ya ja smandari?
