Moka kʼuluk jasunuk bʼa mi tʼun jach wa sjeʼa ma wa xyala ja Bibliʼa. Mok xiwan skʼulajel ja it.

Moka chʼikabʼaj ja bʼa jastik junuk bʼa gobyernoʼiki yujni mini june bʼa yeʼnle wa skʼanawe akʼulajuke mandar yuja Mandaranum sTsaʼunej ja Dyosi.

Kaʼax ja bʼa wa stsomo sbʼaje taʼumantiʼ jumasaʼ bʼa Jyoba. Ja yeʼnleʼi oj skoltaya bʼa oj mojxan soka Jyoba.

Nocho snebʼjel sbʼaja Jyoba sok kʼujolan skʼulajel ja jas wa skʼana ja yeʼn.

Yajni ja skʼuʼajel ja wiʼoj bʼa Jyoba stsatsbʼi, anto oj bʼobʼa wayi wa sakʼanil bʼa oja waʼteltay sok oj bʼobʼa wiʼ jaʼ (Mateo 28:19).

Kʼuʼan ja Dyosi. Kʼuman ja Bibliʼa sok kʼanayi ja taʼumantiʼ jumasaʼ bʼa Jyoba a-skoltaya bʼa oja wabʼ stojolil. Anto kʼulan ja jas wana snebʼjeli. Ta jach waxa kʼulan, oj bʼobʼ ajyan sakʼan bʼa tolabida (Salmo 37:29).