XET’AN 13
¿Jastal oj bʼobʼa wa gustoʼaxuk ja Dyosi?
Moka kʼuluk jastik junuk wa xyijnay ja Dyosi (1 Corintios 6:9, 10)
Ta meran waxa yajtay ja Dyosi, mi oj akʼuluk mini jasa bʼa mi lek xyila.
Jyoba mi skʼana ja elkʼaneli, ja yakbʼelali, ja snukʼjel may sok sbʼukʼjel ma yujel droga.
Ja Dyos wa xyijnay ja milwaneli sok smiljel jun yal alats bʼa mito pojkeluk. Mini wayel winik sok winik ma ixuk sok ixuk. Cha mini ja mi malxel soka jastik junuki soka spekʼjel chikʼi.
Moka waʼteltay kʼulubʼal dyos sok mini ja aʼtel sok pukuji.
Ja bʼa yajkʼachil luʼum xmojojijan skʼapunej ja Dyosi, mi oj bʼobʼ ochuke ja ixuk winik wa skʼulane ja jastik mi lekuki.
Kʼulan ja bʼa leki (Mateo 7:12)
Jyoba wa xgustoʼaxi yajni ja weʼn waxa kʼujolan snochjel ja lekil smodo.
Jeʼa syajal akʼujol sok jama wa kʼujoli bʼa yajel yi ja tuki.
Mok ochuk akʼabʼ sok jastik junuk mi abʼajuki.
Jeʼa syajulal akʼujol sok aʼekuk ja smul ja tuki.
Cholo yabʼ ja ixuk winik sbʼaja Jyoba soka smandariki (Isaías 43:10).
Bʼobʼta cha ojni akʼul gusto
ESSENTIAL BIBLE TEACHINGS
¿Lek maʼ xyila spetsanil ja relijyon ja Dyosi?
Jitsan wa skʼuʼane chikan jas relijyon oj bʼobʼ ochan.
SBʼAJA KEʼNTIKONI
¿Jas yuj tʼilan spaklajel ja Biblia? (bideo mas najat)
Ja Biblia skoltunej jitsan mil ixuk winik bʼa sutanal ja luʼumi bʼa stajel ja sjakʼjel ja sjobʼjelik mas tʼilanik ja bʼa jsakʼaniltiki. ¿Wan maʼ xcha kʼana oj ataʼ ja weʼn?
