XET’AN 3
¿Jastal ajyi ja sakʼanil ja Adán soka Eva ja bʼa Kʼachinubʼi?
Jyoba ya yi jitsan jastik junuk bʼa lek ja Adán soka Eva (Génesis 1:28)
Jyoba skʼulan ja bʼajtan ixuki, ja Eva, sok ya yi ja Adán jastal xcheʼum (Génesis 2:21, 22).
Yajni kʼulajiyeʼi ajiyile jun spensare sok jun skwerpoʼe bʼa mini jun mulal yiʼoj.
Jani kʼot snajuke ja tsamal Kʼachinubʼ bʼa Edén. Jelni tsamal ajyiʼa: ayiʼoj yok jaʼik, teʼaltik, teʼik bʼa wa satini sok chanteʼik.
Yeʼnani ja Jyoba wa xyala yabʼ ja Adán soka Eva ja jasa oj skʼulukeʼi. Ta skʼuʼane kʼa, ojni bʼobʼ ajyuke sakʼan tolabida bʼa luʼum.
Dyos yala yabʼ mok sloʼe ja sat jun teʼ tey ja bʼa Kʼachinubʼi (Génesis 2:16, 17)
Jyoba yala yabʼ ja Adán soka Eva mok sloʼe ja sat jun teʼ, ta sloʼowe kʼa ojni chamukeʼa.
Jun anjel bʼa Dyos skʼoko abʼal. Ja anjel it sbʼiʼil Satanás ja Dyablo.
Satanás mini skʼana ja Adán soka Eva a-skʼuʼuke ja Jyoba. Ja yuj ya makunuk jun bʼitsʼbʼichan bʼa oj yal yabʼ ja Eva ta sloʼokʼa ja sat teʼ alubʼal yabʼye mok sloʼeʼi mini oj chamuka. Yala yabʼ oj paxuk jastal Dyos, pe ja jaw juni meran abʼala (Génesis 3:1-5).
Bʼobʼta cha ojni akʼul gusto
ESSENTIAL BIBLE TEACHINGS
¿Jas yuj ja Dyos skʼulan ja Luʼumi?
Ja luʼum bʼutʼel jastik junuk jel tsamal. Snaʼa janekʼ snajtil yaʼakan soka Kʼaʼuji sok ja jastal oj sututuki. ¿Jas yuj ja Dyos jel skʼujolan bʼa tsamalxta oj kanuk ja luʼumi?
JA BIBLIʼA: ¿JAS RASON YIʼOJANI?
Ja Kʼulumani wa xyaʼ yi jun kʼachinubʼ ja winik soka ixuki
¿Jastal wa sjeʼa ja Biblia sbʼaja jastal kʼulaji ja ixuk winiki? ¿Jasa mandar ajiyile ja bʼajtan nupanumi?
