XET’AN 9
¿Jas kʼakʼu oj paxuk ja Luʼumi jun tsamal kʼachinubʼ?
Ja jastik wan ekʼeli wa sjeʼa xmojojijan ojxa yaʼ ja sMandar ja Dyosi (Lucas 21:10, 11; 2 Timoteo 3:1-5)
Ayxa jitsan tyempo, ja jas tsʼijbʼunubʼal bʼa Bibliʼa jachni wan ekʼel ja bʼa jtyempotiki. Yala ja ixuk winiki kechanta jaʼ oj waj skʼujole ja jastik wa skʼapa ja luʼumkʼinal it, jel oj okʼ skʼujole ja takʼini, mi kʼuʼabʼal oj ajyuke soka snantateʼi sok jel kistal oj sjeʼ ja smodoʼeʼi.
Yala oj ajyuk niwakik kʼitkʼin bʼa tuktukil lugar, kʼakʼanel, jel tʼusan oj ajyuk ja waʼelal sok jitsan chamelik. Ja bʼa jtyempotiki jachni wan ekʼela.
Jesús chomajkil yala oj pukxuk ekʼ bʼa sutanal ja Luʼumi ja lekil rasonik bʼa Dyosi (Mateo 24:14).
Ja Mandaranum stsaʼunej ja Dyosi oj ya chʼay snajel spetsanil ja jastik mi lekuki (2 Pedro 3:13)
Tʼusanxta skʼana ja Dyos oj ya chʼay snajel ja matik wa skʼulane ja jastik mi lekuki.
Ja Mandaranum stsaʼunej ja Dyosi oj ya stup ja jastik skʼulunej ja Satanás soka spukujiki.
Ja matik kʼuʼabʼal wa x-ajyiye soka Dyosi oj ajyuke sakʼan ja bʼa yajkʼachil luʼum skʼapuneji. Oj ajyuk lamanil sok mixa maʼ oj xiwuk. Ja ixuk winiki ojni bʼobʼ sjip skʼujol ja bʼa tuki. Spetsanile oj syajtay sbʼaje.
Bʼobʼta cha ojni akʼul gusto
LIBROʼIK SOK POYETOʼIK
¿Jasunkiluk ja Gobyerno bʼa Dyosi?
Yajni ja Jesús jaka bʼa Luʼumi, sjeʼaxanikan ja jastik jel tsamal oj skʼuluk sbʼaja yaʼtijumik yajni xyaʼa smandari.
LIBROʼIK SOK POYETOʼIK
¿Oj maʼ kʼotuk ja kʼakʼu mixa oj kitik wokol?
Ja Biblia wa xyala ja Dyosi wa xyijnay ja skʼulajel bʼa mi tojuki sok wani xyaʼawotik sata. ¿Jastal wa skoltayotik snajel ja it?
