Ayi orasyon sok chapa bʼaj lek. Kʼana akoltajel bʼa orasyon bʼa oj wajuka kʼujol ja jas oja wali sok mi bʼa weʼnuk. Aʼa tʼabʼan akʼujol ja jastik mas tʼilan oja choli. Ochan ala ja yaljeliki sok moka kʼumuk jawa bosquejo.

Aʼel man akʼujol. Pensaraʼan jas yuj jel tʼilan oj yabʼye ja rason jaw ja matik oj smaklaya. Awajuka kʼujol bʼa yeʼnle. Jaxa jastal oj tekʼanan ma oj kulanan, ja jastal oja nika bʼaj sok ja jastal oja jeʼ ja sniʼ asati a-sjeʼ yajtanel sok kiswanel.

Kʼela ja matik wa smaklaya. Kʼela ja matik tey tsomani. Yajni xwa ekʼ juna loʼil, kʼela bʼajtan june sok tixa xcha kʼela pilana, jachuk mi kechan oja kʼel yibʼanal.