SPAKLAJEL 3
Amakunuk sjobʼjelik
Mateo 16:13-16
JAS OJA KʼULUK: Aʼa tsamal sjobʼjelik bʼa apaywanuk sok mok ya axwel, bʼa akʼot skʼuʼuke ja matik wa smaklaya sok xchiktesel ja yaljelik tʼilani.
JASTAL OJA KʼULUK:
-
Apaywanuk sok mok ya axwel. Aʼa sjobʼjelik bʼa anikjuke spensarajel sok bʼa akʼankʼunukyujile yabʼjel ja sjakʼjeli.
-
Akʼot skʼuʼuke sbʼa jun yolomajel. Bʼa oj skʼuʼuke jun jasunuk ja matik oj smaklaya, amakunuk tuktukil sjobʼjel bʼa yeʼnta oj kʼot yabʼye stojol.
-
Chiktes ja yaljelik tʼilani. Yajni oj kʼe achol jun yaljel bʼa jel tʼilan, aʼa jun sjobʼjel bʼa oj payjuke. Tsaʼan yajni chʼakta achol jun yaljel bʼa jel tʼilan ma yajni ojxa chʼak jawa loʼili, amakunuk sjobʼjelik bʼa yajel julskʼujole.
