SPAKLAJEL 6
Cholo jaman lek ja tekstoʼiki
Juan 10:33-36
JAS OJA KʼULUK: Mok kechan akʼumuk jun teksto sok tixa oj ekʼan bʼa pilan jasunuk. Ila ta wane yabʼjel stojol jastal wa syaka sbʼaj ja teksto sok ja jas wa xkʼana jeyile.
JASTAL OJA KʼULUK:
-
Pila ja yaljelik tʼilani. Yajni xchʼaka kʼumuk jun teksto, chiktes ja yaljelik bʼa wa syaka sbʼaj soka jastik mas tʼilani. Oj bʼobʼa kʼuluk stajel tiʼal aʼay ekʼele ja yaljelik jaw ma yajel jun sjobʼjel bʼa oj snaʼe ja matik wa smaklaya bʼay ja yaljelik tʼilani.
-
Chiktes ja jas oj kan skʼujole. Ta oj kʼe awal jas yuj oja kʼumuk ja teksto, cholo jastal ja yaljelik jel tʼilan ja bʼa teksto wa syaka sbʼaj soka jas yuj akʼumani.
-
Pasilxta cholo. Moka wal jastik mey stʼilanil bʼa mi syaka sbʼaj soka yaljel bʼa tʼilani. Yajel tʼabʼan akʼujol ja jastik snaʼunejexa ja matik wa smaklaya sbʼaja jas wana stajel tiʼali, ila janekʼto mas oja chole bʼa oj yabʼye lek stojol ja yaljel bʼa tʼilani.
