Leʼa sjejelik mi wokoluk. Jastalni ja Jesús, amakunuk jastik yal nux bʼa xcholjel ja jastik niwaki, jaxa bʼa mi wokoluki bʼa xcholjel ja bʼa jastik wokoli. Moka chʼik jastik bʼa mixa ay stʼilanil bʼa oj sjom ja sjejeli. Ila lek ta ja sjejeli wa syaka sbʼaj soka jas waxa kʼana oja jeʼi bʼa jachuk mi oj jomjuk yolome ja matik wa smaklaya.

Aʼa tʼabʼan akʼujol ja matik wa smaklaya. Leʼa sjejelik bʼa wa xpaywani sok bʼa kʼajyel wa skʼulane ja matik wa smaklaya. Talnay bʼa mok yajbʼesjuke sok mok ajuk kʼixwuke yuja sjejeliki.

Cholo ja jas tʼilan wa xkʼana jeʼi. Amakunuk sjejelik ja bʼa jastik tʼilani, sok mixa ja bʼa jastik mey lek stʼilanili. Ila ta ja matik wa smaklaya mi kechan oj julskʼujole ja sjejeli cha jachni ja jastik oj snebʼe ja bʼa sjejeli.