«Sbej xa ni que maestro xa ayex ja huenlexi» (Heb. 5:12). ¡Ochan pensaraʼan! Ja Jyoba, ja lekil Jeʼuman ja bʼa sutsatkʼinali, wa slokowotik bʼa oj jetikyi ja tuk ja jas wa xnaʼatik bʼa yeʼn. Sjejel ja smeranil sbʼaja Jyoba, ja bʼa pamilya, ja bʼa kongregasyon ma ja bʼa xcholjel, juni niwan cholal sok jelni chaʼanyabʼalil. Pe ¿jastal oj bʼobʼ kʼotkotik lekil jeʼumanik?

Ja sjakʼjeli wa xtaʼatik ja bʼa jas tsʼijbʼajiyi ja Timoteo yuja Pablo: «[Kʼujolan] scʼumajel ja yabal ja Dios ja ba sti sat spetzanil ja quermanotiqui. [...] Jea yile ja yabal ja Diosi». Cha yala: «Ta jach cʼa huaxa cʼulan ja hueni, oj ni ataa ja hua coltajela y oj cho huaj staa ja scoltajel ja maʼ huas smaclaya» (1 Tim. 4:13, 16). Ja rason wantik xcholjeli wa xyaʼa sakʼanil. Ja yuj jel tʼilan oj jkʼujoluktik bʼa kʼotel jun lekil kʼumuman juʼun sok jeʼuman. Ja poyeto it oj skoltaya bʼa oj lajxukawuj. La kiltik jujuntik jastik yiʼojani.

Ja Jyoba yeʼn «ja Niwan Chapwanum» (Is. 30:20). Soka poyeto it, ja weʼn oj wa tojbʼuk mas ja jastal waxa kʼuman ja juʼuni sok waxa jeʼa, pe mok chʼayuka kʼujol ja rasoni tini wa xjak bʼa Jyoba sok yeʼnani wa xyiʼajan ja ixuk winiki (Juan 6:44). Ja yuj tikʼanxta kʼanayi ja yipi. Amakunuk tikʼan ja Yabʼal ja Dyos. Aʼakan jaʼ awaj skʼujole bʼa Jyoba sok mi bʼa weʼnuk. Kʼulan ja janekʼ xbʼobʼi bʼa oj kʼot syajtaye lek ja Jyoba ja matik wa smaklaya.

Ja Dyos slokuneja bʼa oja chol ja rason mas jel tʼilan bʼa mini bʼa cholubʼaluk ja bʼa Luʼumi. Wa xkʼuʼantikon lek, ta ja weʼn waxa jipa akʼujol ja bʼa ‹ipal wa xyaʼa ja Dyosi›, ojni bʼobʼukawuja (1 Ped. 4:11).

Jawa moj aʼtelex bʼa sjejel,

Tsome Tojwanum bʼa Taʼumantiʼik bʼa Jyoba