Ja Dyosi wa skʼana ja ixuk winiki aʼajyuk gusto lek ja sakʼanile ja bʼa luʼumi. Yuja syajal skʼujol yiʼoj sbʼaja ixuk winiki, ja Yeʼn skʼulan ja Luʼumi soka jastik junuki. Tʼusanxta skʼana ja Dyosi oj xchʼaysnajel ja wokoliki bʼa yibʼanal ja luʼumkʼinali bʼa jachuk ja ixuk winiki aʼajyuk jun tsamal sakʼanile. Kʼuman ja 1 Timoteo 6:19.

Mini jun gobyerno bʼa luʼum bʼobʼel yuj xchʼay-el snajel ja spekʼjel chikʼi, ja koʼel chameliki soka chamelchʼakeli. Pe ay lekil yaljelik. Bʼa tʼusanxta, ja Dyosi oj xchʼaysnajel spetsanil ja gobyernoʼiki sok kechanta yeʼn oj kanuk. Soka ixuk winiki mixa oj koʼuke chamel sok oj yabʼye stsamalil ajyel laman. Kʼuman ja Apocalipsis 21:4; Isaías 33:24 sok Daniel 2:44.

Yajni ja Dyos xchʼaya snajel ja skʼulajel bʼa mi lekuki, tito oj chʼakuk ja wokolik wan ekʼeli (Sofonías 2:3). ¿Jas maʼ tyempoʼil oj ekʼuk ja it? Ja jastik wokol wan ekʼel sbʼaj ja ixuk winiki, tini kanel tsʼijbʼunubʼal ja bʼa Yabʼal ja Dyosi. Spetsanil ja jastik wan ekʼeli wa sjeʼa ja Dyosi ojxta xchʼaysnajel ja jastik mi lekuki. Kʼuman ja 2 Timoteo 3:1-5.

Tʼilan oj jnebʼtik sbʼaja Dyosi skʼumajel ja Yabʼali, ja Biblia. Ja it jachʼ jastal jun juʼun bʼa wa sjeka yi ja yuntikil jun tatal bʼa jel ja syajal skʼujoli. Ja Biblia wa xyala kabʼtik jas oj jkʼuluktik bʼa oj ajyukotik sakʼan gusto ja bʼa jtyempotiki soka jas oj jkʼuluktik bʼa oj jtatik jun jsakʼaniltik bʼa tolabida ja bʼa tyempo jakumto. Jujuntik mini oj yiʼe slekilal ja wana koltajel bʼa snebʼjel ja Biblia, pe moka wakan a-sjom awolom snebʼjel sbʼaja it. Kʼuman ja Mateo 5:10-12 sok Apocalipsis 14:6, 7.