XETʼAN 15
¿Jas yuj ay stʼilanil mok awakan snebʼjel sbʼaja Dyosi?
1. ¿Jastal oj skoltaya ja spaklajel ja Biblia?
Ja it kechanta jujuntik sjeʼjelik sbʼaja Biblia bʼa yata kʼiʼuk mas ja yajtanel awiʼoj sbʼaja Jyoba, sok tʼilani skʼujolajel yajel tsatsbʼuk ja yajtanel it (1 Pedro 2:2). Bʼa oj ataʼ ja sakʼanil bʼa tolabida tʼilan oj mojxan soka Dyosi, ¿pe jastal oj mojxansok? Jani spaklajel ja Yabʼali. Kʼuman ja Juan 17:3 sok Judas 21.
Malan wana snebʼjel sbʼaja Dyosi, ja skʼuʼajel awiʼoj sbʼaja yeʼn ojni kʼiʼuka. Ja skʼuʼajel it oj skoltaya bʼa oj wa gustoʼaxuk ja Dyosi (Hebreos 11:1, 6). Chomajkil, oj snijkesa bʼa oj anaʼ malaya sok bʼa stukbʼesel jawa sakʼanili. Kʼuman ja Hechos 3:19.
2. ¿Jas yuj snebʼjel sbʼa Dyos wa xjutbʼini bʼa skoltajel ja tuki?
Ja weʼn ojni bʼobʼ mojxan mas soka Dyosi
Bʼobʼta jelni xkʼankʼuni akʼujol yaljel yabʼ ja tuki ja jas anebʼata bʼa Biblia, pes jpetsaniltik jelni xkʼulantik gusto yaljel jastik bʼa lek. Yajni ja weʼn wana snebʼjel sbʼaja Biblia, ojni anebʼ yajel makunuk bʼa xcholjel ja skʼuʼajel ja wiʼoj sbʼaja Jyoba soka lekil yaljelik jakel bʼa yeʼna. Kʼuman ja Romanos 10:13-15.
Jitsan jaʼ bʼajtan wa xkʼe sjeʼyile ja spamilya ma ja yamigoʼiki. Pe yajni ja weʼn xkʼeʼa chole, tsamalxta xa wala. Mok awal yabʼ ja jas wa sjeʼa ja srelijyoni mi meranuk, jaxa cholo yabʼ sbʼaja ja jastik skʼapunej ja Dyos oj skʼuluki. Ajuluk akʼujol, ja ixuk winiki jato bʼajtan wa skʼelawe ja jmodotiki yuja jas wa xkalatiki. Kʼuman ja 2 Timoteo 2:24, 25.
3. ¿Jas yuj ja mojxel soka Dyosi gusto wa xya ajyukotik?
Spaklajel ja Yabʼal ja Dyosi wa skoltaya bʼa oj mojxan mas soka yeʼn. Ja weʼn oj bʼobʼ kʼotan jastal june ja bʼa spamilya. Kʼuman ja 2 Corintios 6:18.
4. ¿Jasa oj skoltaya bʼa oj anebʼ mas?
Ja weʼn ojni bʼobʼ anebʼ mas sbʼaja Jyoba ta waxa kʼujolan spaklajel ja Yabʼali (Hebreos 5:13, 14). Kʼana yi jun Taʼumantiʼ a-sjeʼawi bʼa Biblia sok ja juʼun ¿Jasa wa sjeʼa meran lek ja Biblia? Yajni mas xa wabʼ stojolil ja Yabʼal ja Dyosi, masni lek wa xwaj jawa sakʼanili. Kʼuman ja Salmo 1:1-3; 73:27, 28.
Ja lekil yaljeliki tini jakel bʼa Jyoba, ja Dyos tolabida jel gustoʼayi. Ja weʼn oj bʼobʼ mojxan mas soka yeʼn ta waxa tsomo abʼaj sok ja xchonabʼi (Hebreos 10:24, 25). Ta waxa kʼujolan snebʼjel sbʼaja Dyosi, oj ataʼ ja meran sakʼanil bʼa tolabida. Mojxel soka Jyoba jani ja jasunuk mas jel lek waxa kʼulani. Kʼuman ja Tito 1:2.
Bʼobʼta cha ojni akʼul gusto
SBʼAJA KEʼNTIKONI
¿Jas yuj tʼilan spaklajel ja Biblia? (bideo mas najat)
Ja Biblia skoltunej jitsan mil ixuk winik bʼa sutanal ja luʼumi bʼa stajel ja sjakʼjel ja sjobʼjelik mas tʼilanik ja bʼa jsakʼaniltiki. ¿Wan maʼ xcha kʼana oj ataʼ ja weʼn?
