¡KʼELAWIL ja Luʼumi! ¡Jel tsamal skʼeljel! Kʼelawil ja aki, ja teʼaltiki, ja nichimi soka chanteʼiki. ¿Wan maʼ xbʼobʼ awil bʼay ja tsemeni soka choji?

¿Maʼ skʼulan ja tsamal kʼachinubʼ it? Jaʼa Dyosi. La kiltikwil jastal ja Dyosi kʼe xchapkitik ja Luʼumi.

Bʼajtan, ja Dyosi ya kʼi ak bʼa oj smus ja sat luʼumi, skʼulan tuktukil tikʼe yal kʼul, niwak kʼul sok teʼaltik. Spetsanil ja jastik junuk it jel tsamal xya wajuk ja Luʼumi. Pe mi kechanuk wa xya tsamalbʼuk. Jitsan ja jastik skʼulani wa xyakitik jwaʼeltik bʼa jel x-ajbʼani.

Tsaʼan ja Dyosi ya ajyuk chay bʼa yojol ja jaʼi sok skʼulan yal chan bʼa oj jujpuk ja bʼa satkʼinali. Skʼulan tsʼi, mis sok ja kawuj jumasaʼ, niwak chante sok bʼa yal nuxik. ¿Ay maʼ chante bʼa stsʼeʼel ja wa naji? ¡¿Anke jel lek waja Dyosi yuja skʼulankitik ja jastik junuk it?!

Tsaʼanxta, ja Dyosi ya paxuk xetʼan ja luʼumi bʼa jun tsamal lugar. Ja yeʼn ya sbʼiʼiluk tsamal kʼachinubʼ bʼa Edén. Ja lugar it jelni tsamal juntiroʼa. Spetsanil ja jastik aya tiwi jelni tsamal skʼeljela. Ja Dyosi wani skʼana ajyi spetsanil ja Luʼumi apaxuk jastal ja tsamal kʼachinubʼ skʼuluneji.

Kʼelawil pilan ekʼele ja dibujoʼi. ¿Wan maʼ xa naʼa ja jas meyuk xyila ajyi ja Dyosi? La kiltikwil.