XETʼAN 6
Ja spojkelal man xchamelal ja Jesús
Ja anjel Gabriel jekji bʼa oj waj skʼumuk jun lekil akʼix sbʼiʼil María. Ja anjel it yala yabʼ ja María oj ajyuk yuj jun yal skerem sok oj och mandaranum bʼa tolabida. Ja alats it, ja Jesús, ti pojki bʼa jun lugar wa xnolxi chante, sok ja tiw jak ulatajuk yuj jujuntik talna chej. Tsaʼan, jun kʼanal stojo jujuntik winik elelejan bʼa wa x-eljan ja Kʼaʼuji man bʼay ja Jesusi. Oj jnebʼtik maʼ ya chiknajuk ja kʼanal jaw sok jastal koltaji ja Jesús yuja kongana leʼji oj miljuki.
Tsaʼan, yajni ayxa yiʼoj 12 jabʼil, ja Jesús ti wa xtax bʼa templo wan loʼil sok ja jeʼumaniki. 18 jabʼil tsaʼan, ja Jesús yiʼa jaʼ, sok kʼe stul yi ja aʼtel bʼa xcholjel sok sjeʼjel sbʼaja sGobyerno ja Dyosi. Jaʼa it ja aʼtel jekubʼal yuja Dyos oj skʼuluk ja bʼa Luʼumi. Bʼa oj koltajuk skʼulajel ja aʼtel it, ja yeʼn stsaʼa 12 winike sok kʼot sjekabʼanum.
Ja Jesús chomajkil skʼulan jitsan senyaʼik. Kechanta sok jujuntik yal chay sok jujuntik pan ya waʼuk jitsan mil ixuk winik. Ya tojbʼuk ja chamum jumasaʼ sok ya sakʼwuk ja chamwiniki. Oj cha jnebʼtik ja jastik oj ekʼ sbʼaj ja Jesús ja skʼanaxta jun kʼakʼu oj chamuki soka jastal milji. Ja Jesús xcholo sbʼaja sGobyerno ja Dyosi bʼa junuk oxe jabʼil sok snalan, ja yuj spetsanil ja jastik ekʼi ja bʼa XETʼAN 6 yiʼaj tʼusan mas ja 34 jabʼili.
JA BʼA XETʼAN IT
LOʼIL 84
Jun anjel wa xyulatay ja María
Ja yeʼn yiʼajan yi jun rason bʼa Dyos: Ja María oj ajyuk jun yalats bʼa oj och mandaranum bʼa tolabida.
LOʼIL 85
Jesús wa xpojki bʼa jun lugar wa xnolxi chante
¿Jas yuj jun mandaranum bʼa tyempo jakumto ti pojki bʼa wa x-axi swaʼel ja chanteʼiki?
LOʼIL 86
Wa xjeʼjiyile ja bʼej yuj jun kʼanal
¿Maʼ tojiye yuj ja kʼinta kʼanaliki ja bʼay ja Jesús? Ja sjakʼjeli ojni chamuk awabʼi.
LOʼIL 87
Ja yal kerem Jesús tey bʼa templo
Ja yeʼn ayiʼoj jun jasunuk bʼa ya cham yabʼ ja matik ayxa skʼujole wa sjeʼawe ja bʼa templo.
LOʼIL 88
Juan wa xya yiʼ jaʼ ja Jesús
Ja Juan ya yi jaʼ ja mulanumiki, pe ja Jesús mi jun mulanumuk. Anto, ¿jas yuja Juan ya yi jaʼ ja Jesús?
LOʼIL 90
Jesús soka ixuk bʼa poso
¿Jastal oj bʼobʼuk ja jaʼ skʼapa ja Jesús mixa ojto cha ya och takin tiʼ?
LOʼIL 91
Jesús wa sjeʼa bʼa jun wits
Nebʼa ja Loʼil bʼa Yaxkʼuli bʼa wa sjeʼa ja biboʼil yiʼoji sok bʼa mi kechanukta oj albʼuk bʼa tʼusan tyempo.
LOʼIL 92
Jesús wa xya sakʼwuk ja chamwiniki
Yuja yip ja Dyosi, ja Jesús yala chabʼ yaljelik mi chaʼanyabʼaliluk sok ya sakʼwuk ja yakʼix ja Jairo.
LOʼIL 93
Jesús wa xyaʼ yi swaʼel jitsan ixuk winik
Yajni ja Jesús skʼulan jun milagro bʼa yajelyi swaʼel jitsan, ¿jasunuk jel tʼilan sjeʼa soka jasa skʼulani?
LOʼIL 94
Jesús wa syajtay ja yal untiki
Ja Jesús yalayabʼ ja sjekabʼanumiki jeltoni jas oj snebʼ-e, mi kechanuk sbʼaja yal untiki, chomajkil ja bʼa yal untiki.
LOʼIL 95
Ja jastal wa sjeʼa ja Jesús
Ja sjejel sbʼaja lekil winik sbʼa Samaria jelni tikʼan ya makunuk ja Jesús yajni wa sjeʼa.
LOʼIL 97
Jesús ochum kʼot jastal jun mandaranum
Jel gusto ajyiye ja ochkʼot ja Jesús, pe mi spetsaniluke gusto ajyiye.
LOʼIL 98
Ja bʼa switsil Olibo
Ja Jesús yalayabʼ chane ja bʼa snebʼumaniki ja jasa wan ekʼel ja bʼa jtyempotiki.
LOʼIL 99
Tsomane bʼa jun kwarto
¿Jas yuja Jesús yala yabʼ ja snebʼumaniki a-skʼuluke jabʼil jabʼil ja waʼelal it jel chaʼanyabʼalili?
LOʼIL 101
Wa xmilji ja Jesusi
Yajni wan yijel wokol bʼa teʼi, yaʼa ja skʼapjelal sbʼaja kʼachinubʼi.
