XETʼAN 7
Man sakʼwelal ja Jesús man lutji ja Pablo
Yajni ayxa oxe kʼakʼu ja chameli, ja Jesús aji sakʼwuk. Ja kʼakʼu jaw sjeʼasbʼaj sbʼaja snebʼumanik joʼe tuktukil ekʼele. Sjeʼa ekʼsbʼaj 40 kʼakʼu. Anto, malan jujuntik ja nebʼumaniki wane kʼelwanel, ja Jesusi waj man satkʼinal. Lajune kʼakʼu tsaʼan, ja Dyosi ya koʼuk ja yip sbʼaja snebʼumanik ja Jesús wane majlanel bʼa Jerusaleni.
Tsaʼan, ja skontraʼik ja Dyosi skʼulane ja nebʼumaniki achʼikjuke preso, pe jun anjel ya eluke. Ja kontraʼanumiki xchʼojowe ton ja nebʼuman Estebani man smilawe. Pe oj jnebʼtik ja Jesús stsaʼa june bʼa yeʼnle jastal jun yaʼtum bʼa jel tʼilan, soka yeʼn kʼot najuksbʼaj jekabʼanum Pablo. Anto, oxe jabʼil sok snalan tsaʼan ja milji ja Jesusi, ja Dyos sjeka ja jekabʼanum Pedro bʼa oj xchol yabʼ ja Cornelio soka spamilya, ja yeʼnle mi judíoʼuke.
Junuk 13 jabʼil tsaʼan, ja Pablo kʼe skʼuluk ja bʼajtan najat sbʼejyel bʼa xcholjeli. Ja bʼa xchabʼili, mojtaji xa yuj ja Timoteo. Ja bʼa sbʼejyeleʼi, ja Pablo soka smojiki ekʼ sbʼaje jitsan jastik junuk jel chaʼanyabʼalik ja bʼa yaʼteltajel ja Dyosi. Tsaʼan ja Pablo ajyi lutan preso bʼa Roma. Bʼa xchabʼil jabʼil kʼote aji eluk ja bʼa lutani, pe tsaʼan cha lutji sok tixa miljiʼa. Spetsanil ja XETʼAN 7 ekʼ bʼa jun 32 jabʼil.
JA BʼA XETʼAN IT
LOʼIL 102
Wa sakʼwi ja Jesusi
Tsaʼan yajni ja anjeli sbʼaltsun el ja ton ja bʼa skʼeʼen ja Jesús, ja kʼakʼanumiki mixa xbʼobʼ nijkuke yuja xiweli.
LOʼIL 104
Jesús wa xkumxi bʼa satkʼinal
Bʼajtanto oj wajuk bʼa satkʼinal, ja Jesús yayi jun tsaʼanxta mandar ja snebʼumaniki.
LOʼIL 105
Wane majlanel bʼa Jerusalén
¿Jas yuja Jesús ya koʼyi ja yip ja Dyos ja nebʼumanik ja bʼa Pentecostés?
LOʼIL 106
Aji eluke ja bʼa preso
Ja olomalik bʼa relijyoni xchʼikawe preso ja jekabʼanumiki bʼa oj yawe kʼot tekʼan ja xcholjeli, pe ja Dyosi ayni jas mas wan spensarajel.
LOʼIL 107
Wa xchʼoji ton ja Estebani
Yajni wan miljel, ja Esteban yayi jun orasyon jel chaʼanyabʼal.
LOʼIL 108
Wajume bʼa Damasco
Jun ijlabʼ bʼa aji tupuk ja sati sok jun kʼumal stukbʼes ja sakʼanil ja Saulo.
LOʼIL 109
Pedro wa xwaj yulatay ja Cornelio
¿Ay ita maʼ jun kʼole ixuk winik, rasa ma chonabʼ bʼa mas lek wa xyila ja Dyosi?
LOʼIL 110
Timoteo, yajkʼachil skoltuman ja Pablo
Ja Timoteo yaʼakan ja snaji bʼa wajel soka Pablo bʼa jun sbʼejyel ja bʼa xcholjeli bʼa jel xyaʼa gustoʼil.
LOʼIL 111
Jun yal kerem och swayel
Ja Eutico och swayel ja bʼa bʼajtan sloʼil ja Pablo, pe ja bʼa xchabʼil sloʼili mixa. Ja jasa ekʼ ja bʼa xchabʼil ja loʼili wajni jun milagro.
LOʼIL 112
Wa xkan sakʼan ja Pablo
Yajni lajansok ojxa chamukeʼi, ja Pablo ajiyi jun rason bʼa Dyos bʼa ajiyile jun smajlajel.
LOʼIL 113
Ja Pablo wa xtax bʼa Roma
¿Jastal oj skʼuluk ja yaʼtel ja Pablo jastal jekabʼanum yajni ti wa xtax bʼa preso?
