Loʼil 1

1. ¿Bʼa naka jakel ja jastik junuk lek wa xkilatiki, oj maʼ bʼobʼ awa jun sjeʼjel?

2. ¿Jasa skʼulan bʼajtan ja Dyosi?

3. ¿Jas yuj jel skʼana ja bʼajtan anjel skʼulani?

4. Cholo jastal ay ajyi ja Luʼumi (kʼela bʼa dibujo).

5. ¿Jastal kʼe xchap ja Luʼum ja Dyosi bʼa keʼntik soka chanteʼiki?

Tuk sjobʼjel:

1. Kʼuman ja Jeremías 10:12.

   ¿Jastik lekil smodo wa sjeʼa ja Dyosi ja bʼa jastik skʼuluneji? (Isa. 40:26; Rom. 11:33.)

2. Kʼuman ja Colosenses 1:15-17.

   ¿Jas aʼtel skʼulan ja Jesusi ja kʼe kʼulaxuk ja jastik junuki, sok jasa wa xya jpensaraʼuktik sbʼaja yeʼn?

3. Kʼuman ja Génesis 1:1-10.

   1. ¿Bʼa jaka Luʼum bʼayotiki? (Gén. 1:1.)

   2. ¿Jasa ekʼ ja bʼa bʼajtan kʼakʼu kʼe kʼulaxuk ja jastik junuki? (Gén. 1:3-5.)

   3. ¿Jasa ekʼ ja bʼa xchabʼil kʼakʼu kʼe kʼulaxuk ja jastik junuki? (Gén. 1:7, 8.)

Loʼil 2

1. ¿Jastal xchapakitik ja Luʼum ja Dyosi?

2. Ja Dyosi skʼulan tuktukil chante, ¿wan maʼ xbʼobʼ awal ja sbʼiʼil jujuntik bʼa yeʼnle? (Kʼela ja dibujo.)

3. ¿Jas yuj jel tsaʼubʼal waj ja tsamal kʼachinubʼ bʼa Edeni?

4. ¿Jastal wa skʼana ja Dyosi oj paxuk ajyi ja Luʼumi?

Tuk sjobʼjel:

1. Kʼuman ja Génesis 1:11-25.

   1. ¿Jastik skʼulan ja Dyosi ja bʼa yoxil kʼakʼu kʼe kʼulaxuk ja jastik junuki? (Gén. 1:12.)

   2. ¿Jastik ekʼ ja bʼa xchanil kʼakʼu kʼe kʼulaxuk ja jastik junuki? (Gén. 1:16.)

   3. ¿Jastik tikʼe chante skʼulan ja Dyosi ja bʼa sjoʼil sok swakil kʼakʼu kʼe kʼulaxuk ja jastik junuki? (Gén. 1:20, 21, 25.)

2. Kʼuman ja Génesis 2:8, 9.

   ¿Jas chabʼ tikʼe teʼ yaʼa ja bʼa tsamal kʼachinubʼ ja Dyosi, sok jas wa stojolan ja jaw?

Loʼil 3

1. ¿Jasa ayxa ja bʼa sdibujoʼil ja loʼil 3, pe ja bʼa loʼil 2 mitoʼayuk?

2. ¿Maʼ skʼulan ja bʼajtan winiki, sok jas sbʼiʼil ajiyi?

3. ¿Jas aʼtelil yaʼ yi ja Dyos ja Adani?

4. ¿Jas yuj yaʼ yi ochkan lek swayel ja Adán ja Dyosi?

5. ¿Janekʼ tyempo oj bʼobʼ ajyuke sakʼan ja Adán soka Eva, sok jas aʼtelil yaʼa ja Jyobaji bʼa oj skʼuluke?

Tuk sjobʼjel:

1. Kʼuman ja Salmo 83:18.

   ¿Jas sbʼiʼil ja Dyosi, sok jas cholal kechanta yeʼn yiʼoj bʼa spetsanil ja Luʼumi? (Jer. 16:21; Dan. 4:17.)

2. Kʼuman ja Génesis 1:26-31.

   1. ¿Jas junuk jel stʼilanil skʼulan ja Dyosi ja bʼa swakil kʼakʼu kʼe kʼulaxuk ja jastik junuki, sok jas yuj mi slaja ja chante jumasaʼ ja it jas skʼulan ja yeʼn? (Gén. 1:26.)

   2. ¿Jasa swaʼel yaʼ yi ja ixuk winik soka chante jumasaʼ ja Dyosi? (Gén. 1:30.)

3. Kʼuman ja Génesis 2:7-25.

   1. ¿Jastik junuk chʼikan ja bʼa aʼtel ajiyi ja Adani bʼa oj chʼak yaʼ yi sbʼiʼil ja chante jumasaʼ? (Gén. 2:19.)

   2. ¿Jastal wa skoltayotik ja jas wa xyala ja Génesis 2:24 bʼa oj kabʼtik stojolil jastal wa xyila ja Dyos ja nupaneli, ja sjipjelkan jbʼajtiki, soka skʼutsjel ja jnupaneltik bʼa stiʼ sat maʼ ay xcholi? (Mat. 19:4-6, 9.)

Loʼil 4

1. Ja bʼa dibujo, ¿jas wan ekʼel sbʼaje ja Adán soka Eva?

2. ¿Jas yuj ajiye eluk ja bʼa tsamal kʼachinubʼi?

3. ¿Jas yala yabʼ ja bʼitsʼbʼichan ja Eva?

4. ¿Maʼ ya kʼumanuk ja bʼitsʼbʼichani?

5. ¿Jas yuj xchʼayawe ja snaje bʼa tsamal kʼachinubʼ ja Adán soka Evaʼi?

Tuk sjobʼjel:

1. Kʼuman ja Génesis 2:16, 17 sok 3:1-13, 24.

   1. ¿Jas yuj mi meranuk ja sjobʼjel yaʼ yi ja bʼitsʼbʼichan ja Eva yuj ja jas yalunej ja Jyobaji? (Gén. 3:1-5; 1 Juan 5:3.)

   2. ¿Jas yuj ja jas ekʼ sbʼaj ja Eva wa xmakunikujtik bʼa mi oj jkʼuluktik junxta? (Fili. 4:8; Sant. 1:14, 15; 1 Juan 2:16.)

   3. ¿Jastal sleʼawe modo ja Adán soka Eva bʼa mi oj skuch-e yeʼnle ja jas skʼulaneʼi? (Gén. 3:12, 13.)

   4. ¿Jastal sjeʼawe ja querubín jumasaʼ ja Jyoba kechantani yeʼn sbʼaj ja xcholal bʼa yajel mandari? (Gén. 3:24.)

2. Kʼuman ja Apocalipsis 12:9.

   ¿Janekʼ bʼobʼel yuj ja Satanasi bʼa oj skʼuluk ja ixuk winikeʼi mok ya sbʼaje mandar yuj ja Dyosi? (1 Juan 5:19.)

Loʼil 5

1. ¿Jastal waj ja sakʼanile ja Adán soka Eva yajni elye ja bʼa tsamal kʼachinubʼ bʼa Edeni?

2. ¿Jasa kʼe ekʼ sbʼaje ja Adán soka Eva, sok jas yuj?

3. ¿Jas yuj ja yuntikile ja Adán soka Eva ojni awelaxuke sok oj chamuke?

4. Lek ja Adán soka Eva kʼuʼabʼal ajyiye, ¿jastal oj ajyuk ajyi ja sakʼanileʼi soka bʼa yuntikileʼi?

5. ¿Jastal modo ijijan yi wokol ja Eva yuj ja mi kʼuʼabʼal ajyi?

6. ¿Jas sbʼiʼilane ja chabʼ skeremtik yilawe bʼajtan ja Adán soka Eva?

7. ¿Matik ja tuk yal untik waxa wila ja bʼa dibujo?

Tuk sjobʼjel:

1. Kʼuman ja Génesis 3:16-23 sok 4:1, 2.

   1. ¿Jastal jomji yiʼ ja sakʼanil ja Adani yuj ja luʼumi mixa ni lek aya? (Gén. 3:17-19; Rom. 8:20, 22.)

   2. Ja bʼa kʼumal hebreo ja bʼiʼilal Eva wa stojolan «sakʼan ay», ¿jas yuj jelni lek kan sbʼaj ja xcheʼum ja Adán ja bʼiʼilal it? (Gén. 3:20.)

   3. ¿Jastal sjeʼa Jyoba wanto ni snaʼa yi syajal ja Adán soka Eva ama ja yeʼnleʼi sleʼaweta smule? (Gén. 3:7, 21.)

2. Kʼuman ja Apocalipsis 21:3, 4.

   ¿Jas maʼ «jastik junuk pokoxa» wa xkʼanatik oj chʼayel snajel?

Loʼil 6

1. ¿Jasa yaʼtele ja Caín soka Abeli?

2. ¿Jastik majtanal yawe yiʼ ja Jyoba ja Caini soka Abeli?

3. ¿Jas yuj jaʼ lek yila ja Jyoba ja majtanal skʼapa ja Abeli? ¿Sok jas yuj mi lek yila ja majtanal yaʼa ja Caini?

4. ¿Jas tikʼe winikil ja Caini, sok jastal kol skoltay ja Jyobaji?

5. ¿Jas wa skʼulan ja Caini yajni stuchʼil ay soka yijtsʼin ja bʼa jobʼi?

6. Cholo jas ekʼ sbʼaj ja Caini ja yajni smila ja yijtsʼini.

Tuk sjobʼjel:

1. Kʼuman ja Génesis 4:2-26.

   1. ¿Jastal yaʼ yi yil ja Jyoba ja Caini mini lek oj elkʼot soka smodo yiʼoji? (Gén. 4:7.)

   2. ¿Jastal sjeʼa ja Caini ja jas meran yiʼoj ja bʼa skʼujoli? (Gén. 4:9.)

   3. ¿Lek maʼ xyila ja Dyosi ja spekʼjel yiʼ xchikʼel ja jmojtik bʼa mi jas skʼulunejuki? (Gén. 4:10; Isa. 26:21.)

2. Kʼuman ja 1 Juan 3:11, 12.

   1. ¿Jas yuj jel kʼe skoraja ja Caini? ¿Sok jas yuj ja it wa sjeʼa kitik mok jnochtik yiʼ ja smodo? (Gén. 4:4, 5; Pro. 14:30; 28:22.)

   2. ¿Jastal wa sjeʼa ja Biblia ja keʼntiki wani xbʼobʼ ajyukotik toj soka Dyosi ama ja jpamilyatiki mi lek xyilawe ja Jyobaji? (Sal. 27:10; Mat. 10:21, 22.)

3. Kʼuman ja Juan 11:25.

   ¿Jas wa xyala ja Jyoba oj ekʼ sbʼaj ja matik wa xmiljiye yuj skʼulajel ja ba leki? (Juan 5:24.)

Loʼil 7

1. ¿Jas modo sjeʼa ja Enoki mi junukxta sok ja ixuk winike bʼa skʼakʼujili?

2. ¿Jas yuj ja ixuk winike bʼa skʼakʼujil ja Enoki wa skʼulane jastik junuk bʼa mi lekuk?

3. ¿Jastik junuk bʼa mi lekuk wa skʼulan ajyi ja ixuk winikeʼi? (Kʼela ja dibujo.)

4. ¿Jas yuj ja Enoki skʼanani mix xiwa?

5. ¿Janekʼ tyempo wa x-ajyiye sakʼan ja ixuk winike bʼa najateʼi? ¿Janekʼ jabʼil ajyi sakʼan ja Enoki?

6. Tsaʼan yajni cham ja Enoc, ¿jasa ekʼi?

Tuk sjobʼjel:

1. Kʼuman ja Génesis 5:21-24, 27.

   1. ¿Jastal wa xyila sbʼaj ajyi ja Enoc soka Jyoba? (Gén. 5:24.)

   2. Soka jas wa xyala ja Biblia, ¿jas sbʼiʼil ja winik ajyi sakʼan jitsan lek jabʼil ja bʼa Luʼumi, sok janekʼ jabʼil yiʼoj ja chami? (Gén. 5:27.)

2. Kʼuman ja Génesis 6:5.

   ¿Bʼa masan kʼot ja kistal smodoʼe ja ixuk winike ja yajni chamta ja Enoki, sok jastal wa slaja sbʼaj soka bʼa jtyempotiki? (2 Tim. 3:13.)

3. Kʼuman ja Lucas 3:23, 37.

   ¿Jas lekil smodo ja Enoc jel «lek yila ja Dyosi» sok jasa staʼa soka jaw? (Gén. 5:22.)

4. Kʼuman ja Judas 14, 15.

   ¿Jastal wa xbʼobʼ jnochtik yiʼ ja smodo ja Enoki ja bʼa aʼtel kiʼojtik bʼa yaljel yabʼ ja tuki mojanxa ja Armagedoni? (2 Tim. 4:2; Heb. 13:6.)

Loʼil 8

1. ¿Jasa ekʼ yajni jujuntik yanjel ja Dyosi smaklaye ja jas wa xyala ja Satanasi?

2. ¿Jas yuj jujuntik anjel yawekan ja aʼtel yiʼoje bʼa satkʼinali sok koyekon bʼa Luʼum?

3. ¿Jas yuj mini tʼun lekuk yuja koyekon bʼa Luʼum sok skʼulan skwerpoʼe jastal bʼa winik ja anjel jumasaʼ?

4. ¿Jastal ja splanta ja yuntikil yilawe ja anjel jumasaʼ?

5. Jastal waxa wila bʼa dibujo, ¿jastik junuk skʼulane ja yajni paxye niwak winike ja yuntikil ja anjel jumasaʼ?

6. Yajni mixa sakʼanuk ja Enoki, ¿jas sbʼiʼil ja lekil winik ajyi sakʼan ja bʼa Luʼumi sok jas yuj jel lek iljiyuj yuja Dyosi?

Tuk sjobʼjel:

1. Kʼuman ja Génesis 6:1-8.

   Jastal wa xyala ja Génesis 6:6, ¿jastal wa xyabʼ ja Jyoba yajni lek maʼ mi lekuk wa xjeʼa ja jmodotiki? (Sal. 78:40, 41; Pro. 27:11.)

2. Kʼuman ja Judas 6, YT.

   ¿Jastal wa skoltayotik ja yan bʼa mi oj jkʼuluktik junxta jastal skʼulane ja anjel jumasaʼ matik sjipawekan ja yaʼtele bʼa satkʼinali? (1 Cor. 3:5-9; 2 Ped. 2:9, 10.)

Loʼil 9

1. ¿Janekʼ ja spamilya ja Noé sok jas sbʼiʼilan ja oxe skeremtiki?

2. ¿Jas junuk mi bʼa ilubʼal yalyabʼ ja Jyoba a-skʼuluk ja Noeji sok jas yuj yalyabʼ a-skʼuluk?

3. ¿Skisawe maʼ ja ixuk winike yajni ja Noé yala jas xchol ja arka?

4. ¿Jas alji yabʼ ja Noé yuja Jyoba a-skʼul soka chante jumasaʼ?

5. Tsaʼan yajni ja Dyos slutu ja spwertaʼil ja arka, ¿jasa skʼulan ja Noé soka spamilya?

Tuk sjobʼjel:

1. Kʼuman ja Génesis 6:9-22.

   1. ¿Jastal sjeʼa ja Noeji meran wa xyaʼteltay ja Dyos smeranili? (Gén. 6:9, 22.)

   2. ¿Jastal wa xyila ja Dyosi ja yixtalajel ja tuki, sok jastal wa skoltayotik ja it ja yajni wa stsaʼatik ja jas oj jmaklaytik soka jas oj jkʼeltiki? (Gén. 6:11, 12; Sal. 11:5.)

   3. Yajni ja xchonabʼil ja Jyoba wa xyala ay jas oj jkʼuluktik, ¿jastal wa xjeʼatik wa xnochotik ja smodo ja Noeji? (Gén. 6:22; 1 Juan 5:3.)

2. Kʼuman ja Génesis 7:1-9.

   ¿Jastal wa stsatsankʼujolanotik yuj ja Jyobaji yila ja Noeji jastal jun winik toj ama ja yeʼn ayiʼoj ja mulali? (Gén. 7:1; Pro. 10:16; Isa. 26:7.)

Loʼil 10

1. ¿Jas yuj mixa maʼ xbʼobʼ ochuk ja bʼa arka ja yajni kʼe ya ja jaʼi?

2. ¿Janekʼ kʼakʼu sok janekʼ akʼwal ya koʼuk jaʼ ja Jyoba ja bʼa satkʼinali, sok bʼa masan kʼot ja yip ja jaʼi?

3. ¿Jasa ekʼ sok ja arka yajni ja jaʼi kʼe smus ja sat luʼumi?

4. ¿Kanye maʼ sakʼan ja tantik niwak winike yajni jak ja niwan Bʼutʼ Jaʼi? ¿Jas ekʼ soka stateʼi?

5. Joʼe ixaw tsaʼan, ¿jasa ekʼ soka arka?

6. ¿Jas yuj ja Noeji ya eluk ja bʼa arka jun joj?

7. ¿Jastal snaʼa ja Noeji tsʼujta ja jaʼi?

8. ¿Jas yalyabʼ ja Dyos a-skʼuluk ja Noeji yajni ja yeʼn soka spamilya ayxa mas ja jun jabʼil teye bʼa yojol ja arka?

Tuk sjobʼjel:

1. Kʼuman ja Génesis 7:10-24.

   1. ¿Xchʼaka maʼ el spetsanil ja jastik junuk sakʼan ja niwan Bʼutʼ Jaʼi? (Gén. 7:23.)

   2. ¿Janekʼ tyempo ekʼ bʼa chʼak tsʼujuk ja jaʼi? (Gén. 7:24.)

2. Kʼuman ja Génesis 8:1-17.

   ¿Jastal wa sjeʼa ja Génesis 8:17 ja jas wa skʼana oj skʼuluk ja Jyobaji soka Luʼumi mini tukbʼiʼa? (Gén. 1:22.)

3. Kʼuman ja 2 Pedro 2:9.

   1. Yajni kumxiye bʼa satkʼinal ja anjel kʼoka abʼal jumasaʼ, ¿jas alji yabʼ oj ekʼ sbʼaje? (Jud. 6, YT.)

   2. Soka jas ekʼ sbʼaj ja Noé soka spamilya, ¿jastal wa xya tsatsbʼuk ja skʼuʼajel kiʼojtik sbʼaja Jyobaji bʼa oj bʼobʼ skoltay ja xchonabʼi? (Heb. 11:7.)

Loʼil 11

1. Jastal wa sjeʼa ja bʼa dibujoʼi, ¿jasunkiluk skʼulan bʼajtan ja Noeji yajni el ja bʼa arka?

2. ¿Jasa mandar yaʼa ja Dyos oj skʼuluke ja Noé sok ja spamilya ja yajni ekʼ ja niwan Bʼutʼ Jaʼi?

3. ¿Jasunkiluk yala ja Dyos mixa ojto yaʼ jakuki?

4. Yajni waxa wila ja kʼintumi, ¿jasa oj juluk akʼujoli?

Tuk sjobʼjel:

1. Kʼuman ja Génesis 8:18-22.

   1. Ja bʼa jtyempotiki, ¿jas oj bʼobʼ jkʼuluktik bʼa oj katik gustoʼaxuk ja Dyosi? (Efe. 5:2; Heb. 13:15, 16.)

   2. ¿Jasa yila Jyobaji sbʼaja jastal wa xtax ja skʼujol ja ixuk winiki? ¿Sok jas yuj jel stʼilanil oj talnay jbʼajtik? (Gén. 8:21; Mat. 15:18, 19.)

2. Kʼuman ja Génesis 9:9-17.

   1. ¿Jasa akwerdo yaʼa ja Dyos mixa oj skʼuluk sbʼaja ja ixuk winiki sok ja chante jumasaʼ? (Gén. 9:10, 11.)

   2. ¿Janekʼ tyempo oj albʼuk ja yip ja akwerdo yaʼa ja Dyosi soka ixuk winiki? (Gén. 9:16.)

Loʼil 12

1. ¿Machunkiluk ja Nemrodi, sok jastal wa xyila ja Dyosi?

2. Ja bʼa dibujoʼi, ¿jas yuj wane skʼulajel ladriyo ja winikeʼi?

3. ¿Jas yuj ja Jyoba mini tʼun lek yila ja naʼits wane skʼulajel ja ixuk winiki?

4. ¿Jastal ya kʼot tekʼan ja Dyos ja yaʼtele ja ixuk winik bʼa yajel kʼeʼuk ja niwan chaʼanil naʼitsi?

5. ¿Jastal sbʼiʼilan ja chonabʼi, sok jas wa stojolan ja sbʼiʼili?

6. ¿Jas skʼulane ja ixuk winiki yajni ja Dyosi stukbʼes ja skʼumaleʼi?

Tuk sjobʼjel:

1. Kʼuman ja Génesis 10:1, 8-10.

   ¿Jastal sjeʼa ja smodo ja Nemrodi, sok jas rason wa xyaʼkitik ja Biblia sbʼaja modoʼal it? (Pro. 3:31.)

2. Kʼuman ja Génesis 11:1-9.

   ¿Jas yuj ja ixuk winiki kʼe skʼuluke ja niwan chaʼanil naʼitsi? ¿Sok jas yuj ja aʼtel jaw mini tʼun lek elkʼota? (Gén. 11:4; Pro. 16:18; Juan 5:44.)

Loʼil 13

1. ¿Jastik wa skʼulane ja ixuk winik ja bʼa xchonabʼil Ur?

2. ¿Machunkiluk ja winik ja bʼa dibujo? ¿Jas tyempoʼil pojki? ¿Sok bʼa chonabʼ kulana?

3. ¿Jas yala yabʼ ja Dyos oj skʼuluk ja Abrahani?

4. ¿Jas yuj ja Abrahani sbʼiʼilan yamigo bʼa Dyos?

5. ¿Matik elsok ja Abrahán yajni el ja bʼa Ur?

6. ¿Jasa alji yabʼ ja Abrahán yuja Dyos yajni kʼot ja bʼa slujmal Canaani?

7. ¿Jas alji yabʼ ja Abrahán yuja Dyos yajni ayxa yiʼoj 99 jabʼili?

Tuk sjobʼjel:

1. Kʼuman ja Génesis 11:27-32.

   1. ¿Spamilya maʼ sbʼaj ja Abrahán soka Loti? (Gén. 11:27.)

   2. Anke ja Taré yeʼnani stsala ja spamilya man bʼa Canaán, ¿jastal wa xnaʼatik ja Abrahán yeʼnani ja maʼ kajan sbʼaj ja bʼa sbʼejyeleʼi, sok jas yuj skʼulan? (Gén. 11:31; Hech. 7:2-4.)

2. Kʼuman ja Génesis 12:1-7.

   ¿Jastal yaʼ niwanbʼuk ja trato yaʼa Jyoba sok ja Abrahán yajni kʼot ja bʼa slujmal Canaani? (Gén. 12:7.)

3. Kʼuman ja Génesis 17:1-8, 15-17.

   1. ¿Jas sbʼiʼil tukbʼesi yi ja Abrán yajni ayiʼoj 99 jabʼili? ¿Sok jas yuj? (Gén. 17:5.)

   2. ¿Jastik slekilal ojto yaʼ yi ja Jyoba ja Sara? (Gén. 17:15, 16.)

4. Kʼuman ja Génesis 18:9-19.

   1. Ja bʼa Génesis 18:19, ¿jasa ja xchol yiʼoj ja tatali sbʼaja yuntikili? (Deu. 6:6, 7; Efe. 6:4.)

   2. Sok ja jas skʼulan ja Sara, ¿jas wa sjeʼa kitik sbʼaja mini jas oj bʼobʼ jnakʼtik yi ja Jyobaji? (Gén. 18:12, 15; Sal. 44:21.)

Loʼil 14

1. ¿Jasa kʼapji yi ja Abrahán yuja Dyosi, sok jastal yaʼ kʼotuk ja jas skʼapaʼi?

2. Jastal wa x-ilxi ja bʼa dibujo, ¿jastal ilji ta meran tsats ay ja skʼuʼajel yiʼoj ja Abrahán sbʼaja Dyosi?

3. ¿Jasa skʼulan ja Abrahani, ama mi yabʼ stojolil jas yuj jachʼ yala ja Dyos oj skʼuluki?

4. ¿Jasa ekʼ yajni ja Abrahán stasajan ja skuchiyo bʼa oj smil ja yunini?

5. ¿Janekʼto ja skʼuʼajel yiʼoj ja Abrahán sbʼaja Dyosi?

6. ¿Jasa ajiyi ja Abrahán yuja Dyosi bʼa oj skʼap ja majtanali, sok jastal skʼulan?

Tuk sjobʼjel:

1. Kʼuman ja Génesis 21:1-7.

   ¿Jas yuj ja Abrahán skʼulan yi jun senya ja bʼa skwerpo ja yunini ja bʼa swaxakil kʼakʼuji? (Gén. 17:10-12; 21:4.)

2. Kʼuman ja Génesis 22:1-18.

   ¿Jastal sjeʼa ja Isaaki kʼuʼabʼalni ajyi soka stati, sok jasa sjeʼa ja it sbʼaja jas ojto ekʼuk mas chaʼanyabʼalil ja bʼa tyempo jakumtoʼi? (Gén. 22:7-9; 1 Cor. 5:7, NM; Fili. 2:8, 9, NM.)

Loʼil 15

1. ¿Jas yuj ja Abrahán sok ja Lot spila sbʼaje?

2. ¿Jas yuj ja Lot stsaʼa ti oj ajyuk kulan bʼa Sodoma?

3. ¿Jastal ja smodo ja swinkil ja Sodoma?

4. ¿Jasa alji yabʼ ja Lot yuj chabʼ anjel?

5. ¿Jas yuj ja xcheʼum ja Lot pax jun splanta atsʼam ton?

6. ¿Jasunkʼa wa xbʼobʼ jnebʼtik sbʼaja jas ekʼ sbʼaj ja xcheʼum ja Loti?

Tuk sjobʼjel:

1. Kʼuman ja Génesis 13:5-13.

   ¿Jasunkila wa xbʼobʼ jnebʼtik sbʼaja Abrahán yajni ay kiʼojtik jun kʼumal sok jun jmojtiki? (Gén. 13:8, 9; Rom. 12:10; Fili. 2:3, 4.)

2. Kʼuman ja Génesis 18:20-33.

   Ja sloʼil yaʼa ja Abrahán sok ja Dyosi, ¿jas yuj wa xbʼobʼ kaltik ja Jyoba sok ja Jesusi tojni ja yajni xyaʼawe kastigo? (Gén. 18:25, 26; Mat. 25:31-33.)

3. Kʼuman ja Génesis 19:1-29.

   1. Ja jastal wa xcholo ja loʼil bʼa Biblia, ¿jastal wa xyila ja Dyos ja wayel winik sok winik? (Gén. 19:5, 13; Lev. 20:13.)

   2. ¿Jasa stukil wa xtaʼatik sbʼaja jastal sjeʼawe ja smodo ja Lot sok ja Abrahán yuj ja jas yala ja Dyos oj skʼulukeʼi, sok jasa wa xnebʼatik ja keʼntiki? (Gén. 19:15, 16, 19, 20; 22:3.)

4. Kʼuman ja Lucas 17:28-32.

   ¿Jastal sjeʼa ja xcheʼum ja Lot jelni syajta ja jastik junuk yaʼakani? ¿Sok jasa wa sjeʼa kitik ja it bʼa mok jkʼuluktik junxta? (Luc. 12:15; 17:31, 32; Mat. 6:19-21, 25.)

5. Kʼuman ja 2 Pedro 2:6-8.

   Junxta jastal skʼulan ja Lot, ¿jastal oj jeʼ ja jmodotik sbʼaja luʼumkʼinal it jel kistali? (Eze. 9:4; 1 Juan 2:15-17.)

Loʼil 16

1. ¿Machunkiluk ja winik sok ja ixuk ja bʼa dibujo?

2. ¿Jasa skʼulan ja Abrahán bʼa oj staʼ yi jun lekil xcheʼum ja yunini, sok jas yuj?

3. ¿Jastal jakʼji yi ja yorasyon skʼulan ja yaʼtum ja Abrahani?

4. ¿Yala maʼ ja Rebeca oj nupanuk sok ja Isaac ja yajni jobʼji yiʼi?

5. ¿Jasa yaʼ gustoʼaxuk yajkʼachil ekʼele ja Isaac?

Tuk sjobʼjel:

1. Kʼuman ja Génesis 24:1-67.

   1. ¿Jastik lekil smodo sjeʼa ja Rebeca yajni elkʼot ja bʼa poso bʼa wan jijlel ja yaʼtum ja Abrahani? (Gén. 24:17-20; Pro. 31:17, 31.)

   2. Ja bʼa jkʼakʼujiltiki, ¿jas lekil sjeʼjel wa xtaʼatik ja matik wa xkʼateltaytik ja Dyosi soka jas skʼulan ja Abrahán sbʼa Isaac? (Gén. 24:37, 38; 1 Cor. 7:39; 2 Cor. 6:14.)

   3. ¿Jas yuj tʼilan oj piltik tyempo bʼa oj pensaraʼuktik jastik junuk bʼa Dyos, ja jastal skʼulan ja Isaaki? (Gén. 24:63; Sal. 77:12; Fili. 4:8.)

Loʼil 17

1. ¿Machunkiluk ja Esaú sok ja Jacob, sok jasa stukile?

2. ¿Janekʼ xa jabʼil yiʼoj ja Esaú soka Jacob yajni cham ja stataweloʼe?

3. ¿Jasunkʼa skʼulan ja Esaú bʼa jel yaʼ chamskʼujol ja snan stati?

4. ¿Jas yuj ja Esaú jel tajki sok ja yijtsʼin Jacob?

5. ¿Jasa alji yabʼ oj skʼuluk ja Jacob yuj ja stati?

Tuk sjobʼjel:

1. Kʼuman ja Génesis 25:5-11, 20-34.

   1. ¿Jasa yala Jyoba oj ekʼ sbʼaj ja chabʼ yuntikil ja Rebeca? (Gén. 25:23.)

   2. Soka jas wa sbʼajin ja bʼankilali, ¿jastal sjeʼawe ja smodo ja Jacob soka Esaú sbʼaja it? (Gén. 25:31-34.)

2. Kʼuman ja Génesis 26:34, 35; 27:1-46 sok Génesis 28:1-5.

   1. ¿Jastal sjeʼa ja Esaú mini chaʼanyabʼalil yila ja jastik junuk bʼa Dyosi? (Gén. 26:34, 35; 27:46.)

   2. Bʼa oj ajuk yi tolabida slekilal ja Jacob yuja Dyos, ¿jasa alji yabʼ yuja Isaac a-skʼuluki? (Gén. 28:1-4.)

3. Kʼuman ja Hebreos 12:16, 17.

   Sok ja jas skʼulan ja Esaú, ¿jasa wa sjeʼa oj ekʼ sbʼaj ja matik mi skisawe ja jastik junuk bʼa Dyosi?

Loʼil 18

1. ¿Machunkiluk ja akʼix bʼa dibujo, sok jasa skʼulan ja Jacob sbʼa yeʼna?

2. ¿Jasa skʼulan ja Jacob bʼa jachuk oj bʼobʼ nupanuk sok ja Raquel?

3. ¿Jasa skʼulan ja Labán yajni kʼot ja tyempo ja Jacob oj nupanuk sok ja Raquel?

4. ¿Jasa akwerdo och ja Jacob bʼa oj bʼobʼ nupanuk sok ja Raquel?

Tuk sjobʼjel:

1. Kʼuman ja Génesis 29:1-30.

   1. Anima ja Labán sloʼlay ja Jacob, ¿jastal sjeʼa Jacob jun winik skʼulan ja jasa yala, sok jas wa xbʼobʼ jnebʼtik soka jaw? (Gén. 25:27; 29:26-28; Mat. 5:37.)

   2. ¿Jas wa sjeʼa kitik ja smodo ja Jacob sbʼaja meran kʼanwaneli sok ja bʼa kechanta jun gustoʼili? (Gén. 29:18, 20, 30; Cant. de Cant. 8:6.)

   3. ¿Jas chane ixuk kʼot ajyuke ja bʼa yojol ja spamilya ja Jacob sok tsaʼan ajyi yuntikile? (Gén. 29:23, 24, 28, 29.)

Loʼil 19

1. ¿Jas sbʼiʼil ja wake yuntikil ajyi ja Jacob soka Lea, ja bʼajtan xcheʼumi?

2. ¿Jas sbʼiʼil ja chabʼ yuntikil yila ja Jacob soka Zilpá, ja maʼ wa xkoltaji yuj aʼtel ja Lea?

3. ¿Jas sbʼiʼil ja chabʼ yuntikil yila ja Jacob soka Bilhá, ja maʼ wa xkoltaji yuj aʼtel ja Raqueli?

4. ¿Jas sbʼiʼil ja chabʼ yuntikil ajyi yuj ja Raquel, sok jasa ekʼ yajni ajyi yuj ja bʼa xchabʼili?

5. Ja jastal wa sjeʼa bʼa dibujo, ¿janekʼ yuntikil ajyi ja Jacobi? ¿Sok jas chonabʼ ti el bʼa yeʼnle?

Tuk sjobʼjel:

1. Kʼuman ja Génesis 29:32-35; 30:1-26 sok Génesis 35:16-19.

   Jastal ni wa xkilatik sok ja lajchawe yuntikil ja Jacobi, ¿jastal wa x-aji sbʼiʼiluke ja yal untik israʼelenyo ja bʼa tyempo jaw?

2. Kʼuman ja Génesis 37:35.

   Anima ja bʼa yojol ja Biblia kechan ja wa staʼa tiʼal ja Dina, ¿jastal wa xnaʼatik ja Jacobi ajyi mas yuntikil ixuk? (Gén. 37:34, 35.)

Loʼil 20

1. ¿Jas yuj mi skʼanawe ja Abrahán sok ja Isaac ja yuntikile anupanuke sok ixuk bʼa Canaán?

2. ¿Lek maʼ xyila Jacob ja yakʼixi ja wa smojtay ekʼ ja akʼixuk bʼa Canaani?

3. ¿Machʼa ja winik bʼa dibujo wan skʼeljel ja Dina, sok jas junuk bʼa mi lekuk skʼulan?

4. ¿Jasa skʼulane ja Simeón sok ja Leví (ja smoj-alijel ja Dina) yajni yabʼye ja jas ekʼi?

5. ¿Lek maʼ yila ja Jacob ja jas skʼulane ja Simeón sok ja Leví?

6. ¿Jastal kʼejan ja wokol jumasaʼ ja bʼa pamilya it?

Tuk sjobʼjel:

1. Kʼuman ja Génesis 34:1-31.

   1. ¿Kechanta maʼ jun ekʼele yulatay ja Dina ja ixuk jumasaʼ bʼa Canaán? Cholo (Gén. 34:1).

   2. ¿Jas yuj ja Dina cha smulniʼa ja xchʼaya ja yakʼixili? (Gál. 6:7.)

   3. ¿Jastal oj bʼobʼ stalnay sbʼaje ja weʼgo ja keremtik akʼixuk bʼa mi oj koʼuke junxta jastal ekʼ sbʼaj ja Dina? (Pro. 13:20; 1 Cor. 15:33; 1 Juan 5:19.)

Loʼil 21

1. ¿Jas yuj wa x-ilkʼujolaji ja José yuj ja tuk smoj-alijeli?

2. ¿Jasa wa skʼana oj skʼuluke yi ja Joseʼi ja smoj-alijel jumasaʼ, pe jasa yala Rubén?

3. ¿Jasa ekʼ yajni elye kʼot jujuntik chonbʼanume?

4. ¿Jasa skʼulane ja smoj-alijel ja José bʼa jachuk ja Jacob oj spensaraʼuk ja José chamta?

Tuk sjobʼjel:

1. Kʼuman ja Génesis 37:1-35.

   1. ¿Jastal oj bʼobʼ katik makunuk ja keʼntik ja sjeʼjel ja José yajni wa xkilatik ay maʼ wa skʼulan jas mi lekuki ja bʼa wa stsomo jbʼajtiki? (Gén. 37:2; Lev. 5:1; 1 Cor. 1:11.)

   2. ¿Jasa ijiye och ja tuk smoj-alijel ja José bʼa oj xchon-e? (Gén. 37:11, 18; Pro. 27:4; Sant. 3:14-16.)

   3. ¿Jasa wa skʼulan ja ixuk winiki yajni ay maʼ wa xchamyujileʼi, sok jasa skʼulan ja Jacob yajni yabʼ cham ja yunini? (Gén. 37:35; Juan 11:33-36.)

Loʼil 22

1. ¿Janekʼ xa jabʼil yiʼoj ja José yajni iji och bʼa Egipto, sok jasa ekʼ sbʼaj ja yajni texa ay tiwi?

2. ¿Jas yuj ja José lutji bʼa preso?

3. ¿Jasa xchol ajiyi ja José ja yajni tey lutan bʼa preso?

4. ¿Jasa skʼulan ja José sbʼaja staʼuman sbʼis soka skʼula pan ja faraón yajni tito lutane bʼa preso?

5. ¿Jasa ekʼ yajni ja taʼuman bʼisi aji eluk bʼa preso?

Tuk sjobʼjel:

1. Kʼuman ja Génesis 39:1-23.

   Pes ja bʼa styempo ja José mito ay jun mandar bʼa Dyos bʼa wa xyala mi lekuk koʼel mulal sok jun ixuk ma winik bʼa mi nupanelukasok, ¿jasa koltajiyuj ja José bʼa mi oj wayuk sok ja xcheʼum ja Potifar? (Gén. 2:24; 20:3; 39:9.)

2. Kʼuman ja Génesis 40:1-23.

   1. Bʼa chabʼ oxeta yaljel, cholo ja swayich ja taʼuman bʼisi soka stojolil aji ekʼ yi ja José yuja Jyoba (Gén. 40:9-13).

   2. ¿Jasa swaychin ja kʼula pani sok jas wa stojolan? (Gén. 40:16-19.)

   3. ¿Jastal wa snochowe yi ja smodo ja José ja moso bʼa toj ay lek bʼa jtyempotiki? (Gén. 40:8; Sal. 36:9; Juan 17:17; Hech. 17:2, 3.)

   4. ¿Jastal wa xya chiknajuk ja Génesis 40:20 sbʼaja jastal oj kiltik ja skʼintajel ja skʼakʼuʼil wala pojkitiki? (Ecl. 7:1; Mar. 6:21-28.)

Loʼil 23

1. ¿Jasa ekʼ sbʼaj jun akʼwal ja faraón?

2. ¿Jastal lek julskʼujol ja taʼuman bʼis bʼa José?

3. Jastal waxa wila ja bʼa dibujo, ¿jas chabʼ swayich ajyi yuj ja faraón?

4. ¿Jasa yala José sbʼaja jas wa stojolan ja swayich ja faraón?

5. Tsaʼan yuj ja faraón, ¿jastal kʼot najuk sbʼaj ja José ja xchabʼil winik mas tʼilan ja bʼa Egipto?

6. ¿Jas yuj ja tuk smoj-alijel ja José wajye bʼa Egipto, sok jas yuj mi snaʼawe sbʼaj ja yeʼn?

7. ¿Jas swayich julskʼujol ja José, sok jasa koltaji yuj bʼa oj yabʼ stojolil?

Tuk sjobʼjel:

1. Kʼuman ja Génesis 41:1-57.

   1. ¿Jasa yala José bʼa stoyjel ja Jyoba, sok jastal oj bʼobʼ jnochtik ja lekil sjeʼjeli? (Gén. 41:16, 25, 28; Mat. 5:16; 1 Ped. 2:12.)

   2. ¿Jastal wa slaja sbʼaj soka jastal jel ajyi waʼelal ja bʼa Egipto sok tsaʼan ja niwan waʼini, soka jastal wa xtaxye ja xchonabʼil ja Jyoba soka matik wa xyalawe snochumane Kristo ja bʼa jtyempotiki? (Gén. 41:29, 30; Amós 8:11, 12.)

2. Kʼuman ja Génesis 42:1-8 sok 50:20.

   Ta jachʼ kʼa ja kostumbre ja bʼa wa chonabʼi, ¿lek maʼ jun yaʼtum Jyoba oj koʼ tinan sbʼaj jun winik bʼa oj sjeʼ wa skisa yuj ja xchol yiʼoji? (Gén. 42:6.)

Loʼil 24

1. ¿Jas yuj ja José yala yabʼ ja smoj-alijeliki tantik tsʼelsatinume?

2. ¿Jas yuj Jacob yaʼakan ja skerem mas nuxi, Benjamín, aʼijuk och man Egipto?

3. ¿Jastal kʼot bʼa skoxtal ja Benjamín ja sbʼis bʼa plata ja José?

4. ¿Jasa yala oj skʼuluk ja Judá bʼa mi oj kanuk jastal jun aʼtijum ja Benjamín?

5. ¿Jasa smodo tukbʼita ja smoj-alijelik ja José?

Tuk sjobʼjel:

1. Kʼuman ja Génesis 42:9-38.

   ¿Jas yuj ja jas yala ja José bʼa Génesis 42:18 jun lekil julelal skʼujol ja matik ay xchole ja bʼa xchonabʼil ja Jyobaji bʼa jtyempotiki? (Neh. 5:15; 2 Cor. 7:1, 2; 1 Ped. 2:17.)

2. Kʼuman ja Génesis 43:1-34.

   1. Anima ja Rubén yeʼn ja bʼajtan alatsi, ¿jastal wa x-ilxi ja Judá yeʼn waja ja maʼ kʼumani ja bʼa smoj-alijeliki? (Gén. 43:3, 8, 9; 44:14, 18; 1 Cró. 5:2.)

   2. ¿Jastal ya och preba ja smoj-alijelik ja José sok jas yuj? (Gén. 43:33, 34.)

3. Kʼuman ja Génesis 44:1-34.

   1. Bʼa mi oj najuk sbʼaj ja José, ¿jasa yala yabʼ ja smoj-alijelik wa skʼulan? (Gén. 44:5, 15; Lev. 19:26.)

   2. ¿Jastal sjeʼawe ja smoj-alijelik ja José yaʼta elukekan ja ilkʼujolanel yiʼoje ajyi? (Gén. 44:13, 33, 34.)

Loʼil 25

1. ¿Jasa ekʼ yajni ja José yala yabʼ ja smoj-alijeliki machunkiluk ja yeʼn?

2. ¿Jasa xcholo ja José sok jun skʼumal kʼunxta sbʼaja smoj-alijel jumasaʼ?

3. ¿Jasa skʼulan ja faraón yajni yabʼ julele ja smoj-alijel jumasaʼ ja José?

4. ¿Janekʼ xa ja spamilya ja Jacob yajni wajye kulan bʼa Egipto?

5. ¿Jastal aji kʼot sbʼiʼiluk ja spamilya ja Jacob, sok jas yuj?

Tuk sjobʼjel:

1. Kʼuman ja Génesis 45:1-28.

   Soka jastal wa xcholo ja Biblia sbʼaja jas ekʼ yuj ja José, ¿jastal wa xbʼobʼ ya makunuk ja Jyoba yajni ja jasa wa xkʼanxi jaʼ oj ixtalajuk ja yaʼtijum jumasaʼ ja Yeʼn wa xbʼobʼ ya elkʼot bʼa slekilal? (Gén. 45:5-8; Isa. 8:10; Fili. 1:12-14.)

2. Kʼuman ja Génesis 46:1-27.

   ¿Jastal tsatsankʼujolaji ja Jacob ja bʼa sbʼejyel man Egipto yuja Jyoba? (Gén. 46:1-4, nota.)

Loʼil 26

1. ¿Machunkiluk ja Job?

2. ¿Jasa sleʼa oj skʼuluk ja Satanás? ¿Bʼobʼ maʼ yuj?

3. ¿Jasa yaʼakan ja Jyoba a-skʼuluk ja Satanasi, sok jas yuj?

4. ¿Jas yuj alji yabʼ ja Job yuj ja xcheʼum: «Taʼa tiʼal kistal ja Dyosi sok chamanxa ele»? (Kʼela ja bʼa dibujo.)

5. Jastal ni waxa wila ja bʼa xchabʼil dibujo, ¿jastik slekilal ajiyi ja Job yuj ja Jyoba, sok jas yuj?

6. Yuj kʼa ja keʼntik toj wala ajyitik sok ja Jyoba jastal ni Job, ¿jastik slekilal oj yakitik?

Tuk sjobʼjel:

1. Kʼuman ja sjuʼunil Job 1:1-22.

   ¿Jastal oj bʼobʼ stsajlaye ja smodo ja Job ja snochuman jumasaʼ ja Kristo bʼa jtyempotiki? (Job 1:1; Fili. 2:15; 2 Ped. 3:14.)

2. Kʼuman ja sjuʼunil Job 2:1-13.

   ¿Jastal sjeʼa smodo ja Job sok jastal sjeʼa ja xcheʼumi sbʼaja wokol jumasaʼ ajiyile yuja Satanás? (Job 2:9, 10; Pro. 19:3; Miq. 7:7; Mal. 3:14.)

3. Kʼuman ja sjuʼunil Job 42:10-17.

   1. ¿Jastal wa xbʼobʼ slaje ja slekilal jumasaʼ ajiyi ja Job soka Jesús yuj ja yeʼn ajyi toj man chami? (Job 42:12; Fili. 2:9-11.)

   2. ¿Jastal wa stsatsankʼujolanotik ja yajni wa xnebʼatik sbʼaja slekilal jumasaʼ ajiyi ja Job yuja toj ajyi sok ja Dyosi? (Job 42:10, 12; Heb. 6:10; Sant. 1:2-4, 12; 5:11.)

Loʼil 27

1. ¿Machunkiluk ja winik syamunej tsʼuʼum waxa wila bʼa dibujo, sok machʼa wan smakʼjeli?

2. ¿Jasa ekʼ sbʼaj ja israʼelenyo jumasaʼ tsaʼan yajni cham ja José?

3. ¿Jas yuj ja swinkil Egipto kʼe xiwuke yuj ja israʼelenyoʼiki?

4. ¿Jas mandar yaʼa ja faraón oj skʼuluke ja ixuk matik wa skoltaye ja israʼelenyaʼik yajni wa xpojki yalatse?

Tuk sjobʼjel:

1. Kʼuman ja Éxodo 1:6-22.

   1. ¿Jastal kʼe ekʼuk ja jas yalunej ja Jyoba sbʼaja Abrahán? (Éxo. 1:7; Gén. 12:2; Hech. 7:17.)

   2. ¿Jastal sjeʼawe ja ixuke israʼelenyaʼik matik wa xyilawe ja nanal wa xkanye sok yalatse wa xyilawe chaʼanyabʼalil ja sakʼanili? (Éxo. 1:17; Gén. 9:6.)

   3. ¿Jasa slekilal ajiyile ja ixuke matik wa xyilawe ja nanal wa xkanye sok yalatse yuja toj wajye soka Jyoba? (Éxo. 1:20, 21; Pro. 19:17.)

   4. ¿Jastal sleʼa modo ja Satanás bʼa mi oj ekʼuk ja jasa wa skʼana ja Jyoba sbʼaja yintil skʼapunej yi ja Abrahán? (Éxo. 1:22; Mat. 2:16.)

Loʼil 28

1. ¿Machunkiluk ja yal alats bʼa dibujo, sok machʼa wan syamjel yi ja yal skʼabʼi?

2. ¿Jasa skʼulan ja snan ja Moisés bʼa mi oj miljuki?

3. ¿Machunkiluk ja yal akʼix bʼa dibujo, sok jas skʼulan?

4. Yajni ja yakʼix ja faraón staʼa ja yal alatsi, ¿jasa alji yabʼ yuj ja Míriam oj bʼobʼ skʼuluki?

5. ¿Jasa alji yabʼ ja snan ja Moisés yuj ja yakʼix ja faraón?

Tuk sjobʼjel:

1. Kʼuman ja Éxodo 2:1-10.

   ¿Jas ekʼeleʼil yiʼoj ja snan ja Moisés bʼa oj ya kʼiʼuk sok oj sjeʼ yi ja Moisesi yajni yal chʼinto, sok jasa lekil sjeʼjel yaʼakan ja bʼa nantatalik ja bʼa jkʼakʼujiltiki? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)

Loʼil 29

1. ¿Bʼa kʼi ja Moisés sok jasa wa snaʼa sbʼaja snan stat?

2. ¿Jasa skʼulan ja Moisés yajni ayxa yiʼoj 40 jabʼili?

3. ¿Jasa yala yabʼ ja Moisés jun winik wan smakʼjel ja smoj israʼelenyo, sok jastal sjakʼa ja winiki?

4. ¿Jas yuj spaka ajnel ja Moisés ja bʼa Egipto?

5. ¿Bʼa man spaka ajnel ja Moisés sok machʼa snaʼa sbʼaj ja tiw?

6. ¿Jasa skʼulan ja Moisés ja bʼa 40 jabʼil tsaʼan el ja bʼa Egipto?

Tuk sjobʼjel:

1. Kʼuman ja Éxodo 2:11-25.

   Anima jel jitsan jabʼil chapji ja Moisés ja bʼa Egipto, ¿jastal sjeʼa ja yeʼn tojni ajyi sok ja Jyoba sok ja xchonabʼi? (Éxo. 2:11, 12; Heb. 11:24, YT.)

2. Kʼuman ja Hechos 7:22-29.

   ¿Jasa wa xbʼobʼ jnebʼtik soka jas skʼulan ja Moisés yajni yeʼnta sleʼa modo skoltajel ja israʼelenyoʼik ja bʼa mosoʼaye bʼa Egipto? (Hech. 7:23-25; 1 Ped. 5:6, 10.)

Loʼil 30

1. ¿Jas sbʼiʼil ja wits bʼa dibujo?

2. ¿Jas jasunuk yila Moisés jel och spensar yajni waj ja bʼa wits sok ja xchejiki?

3. ¿Jasa yala ja kʼumal eljan ja bʼa yal ibʼe kʼul wan ajleli, sok machunkiluk skʼumal?

4. ¿Jastal sjakʼa ja Moisés yajni ja Dyos yala yabʼ oj ya eluk ja xchonabʼ bʼa Egipto?

5. ¿Jasa yala Dyos oj yal ja Moisés ja ta jobʼji yi maʼ jekubʼal yuj?

6. ¿Jastal oj bʼobʼ skʼuluk ja Moisés bʼa oj sjeʼ ja yeʼn jekubʼal ni yuja Dyosi?

Tuk sjobʼjel:

1. Kʼuman ja Éxodo 3:1-22.

   ¿Jas yuj soka jas ekʼ sbʼaj ja Moisés wa xya jipjkʼujoltik bʼa Jyoba sbʼaja yajni wa xkabʼtik lajansok mi oj bʼobʼ jkʼultik jun cholal wa x-ajikitik bʼa Dyos, ja yeʼn ojni skoltayotika? (Éxo. 3:11, 13; 2 Cor. 3:5, 6.)

2. Kʼuman ja Éxodo 4:1-20.

   1. ¿Jastal tukbʼi ja smodo ja Moisés ja 40 jabʼil ajyi ja bʼa Madián, sok jasun wa xbʼobʼ snebʼe ja matik wa skʼana oj staʼe jun xchol ja bʼa xchonabʼil ja Dyosi? (Éxo. 2:11, 12; 4:10, 13; Miq. 6:8; 1 Tim. 3:1, 6, 10, NM.)

   2. Anima ja Jyoba wa stojowotik yuja xchonabʼili, ¿jasa wa xya jipjkʼujoltik sbʼaja jas ekʼ sbʼaj ja Moisés? (Éxo. 4:12-14; Sal. 103:14; Heb. 12:4-11.)

Loʼil 31

1. ¿Jastal sjeʼawe ja smodoʼe ja israʼelenyo yuj ja senyaʼik skʼulan ja Moisés soka Aarón?

2. ¿Jasa alji yabʼ ja faraón yuja Moisés soka Aaroni, sok jastal sjakʼa ja faraón?

3. Jastal wa x-ilxi bʼa dibujo, ¿jasa ekʼ yajni ja Aarón sjipa ja snajbʼanteʼ ja bʼa luʼumi?

4. ¿Jastal jeʼjiyi ja faraón yuja Jyoba jun jasunuk bʼa snebʼjel, sok jastal yila ja faraón?

5. ¿Jasa ekʼ yajni chʼak ekʼuk ja lajune desgrasya?

Tuk sjobʼjel:

1. Kʼuman ja Éxodo 4:27-31 sok 5:1-23.

   ¿Jas kʼan yal ja faraón soka jas yala: «Mini tʼun xnaʼa sbʼaj ja Jyoba»? (Éxo. 5:2; 1 Sam. 2:12; Rom. 1:21.)

2. Kʼuman ja Éxodo 6:1-13, 26-30.

   1. ¿Jas wa stojolan ja mi yaʼa sbʼaj snajel ja Jyoba sok ja Abrahán, Isaac soka Jacob? (Éxo. 3:13, 14; 6:3; Gén. 12:8.)

   2. ¿Jasa wa xya jpensaraʼuktik sbʼaja Jyoba ja ya makunuk ja Moisés, anima ja Moisés lajansok mi chapanuk ay xyabʼi bʼa oj skʼuluk ja cholal akʼubʼal yiʼi? (Éxo. 6:12, 30; Luc. 21:13-15.)

3. Kʼuman ja Éxodo 7:1-13.

   1. Yajni ja Moisés sok ja Aarón sok mini tʼun xiwel yiʼawe yi och ja faraón ja jasa oj skʼuluk ja Jyoba bʼa oj sijpay ja xchonabʼi. ¿Jasa sjeʼakan kitik ja matik wa xkaʼteltaytik ja Dyosi ja bʼa jtyempotiki? (Éxo. 7:2, 3, 6; Hech. 4:29-31.)

   2. ¿Jastal sjeʼa ja Jyoba kechani yeʼn jel niwana yuj ja dyos jumasaʼ wa stoyowe ja swinkil Egipto? (Éxo. 7:12; 1 Cró. 29:12.)

Loʼil 32

1. Amakunuk ja dibujoʼiki, ala ja oxe bʼajtanik desgrasya ya koʼuk ja Jyoba ja bʼa Egipto.

2. ¿Jasa stukil ja bʼajtan oxe desgrasya sok ja tuki?

3. ¿Jasa waj ja xchanil, ja sjoʼil sok ja swakil desgrasyaʼik koʼ sbʼaj ja Egipto?

4. ¿Jasa waj ja sjukil, ja swaxakil sok ja sbʼalunil desgrasyaʼik koʼ sbʼaj ja Egipto?

5. ¿Jasa yala ja Jyoba oj skʼuluke ja israʼelenyoʼik bʼajtanto oj ekʼuk ja slajunil desgrasya?

6. ¿Jasa waj ja slajunil desgrasya, sok jas ekʼ tsaʼan?

Tuk sjobʼjel:

1. Kʼuman ja Éxodo 7:19–8:23.

   1. Anima ja tantik kʼintanum bʼa Egipto skʼulane ja bʼajtan chabʼ desgrasya skʼulan ja Jyoba, ¿jasa snaʼawe kʼinal yajni mixa bʼobʼ yujile skʼulajel ja yoxil desgrasya? (Éxo. 8:18, 19; Mat. 12:24-28, YT.)

   2. ¿Jastal sjeʼa ja xchanil desgrasya ya koʼuk ja Jyoba ja yip bʼa skoltajel ja xchonabʼi, sok jastal wa xya ajyukotik ja xchonabʼil ja Dyos yajni xjak jbʼajtik ja «niwan wokoli»? (Éxo. 8:22, 23; Apo. 7:13, 14; 2 Cró. 16:9.)

2. Kʼuman ja Éxodo 8:24; 9:3, 6, 10, 11, 14, 16, 23-25 sok Éxodo 10:13-15, 21-23.

   1. Ja lajune desgrasya koʼ ja bʼa Egipto ya chiknajuk ay chabʼ kʼole ixuk winik, ¿machunkiluk ja chabʼ kʼole jaw, sok junxta maʼ ja bʼa jtyempotiki? (Éxo. 8:10, 18, 19; 9:14.)

   2. ¿Jastal wa skoltayotik ja Éxodo 9:16 bʼa oj kabʼtik stojolil jas yuj ja Jyoba yaʼonejto kan sakʼan ja Satanás? (Rom. 9:21, 22, YT.)

3. Kʼuman ja Éxodo 12:21-32.

   ¿Jastal makuni ja kʼin sbʼiʼil Pascua bʼa jachuk jitsan ixuk winik staʼa skoltajele, sok jas wa senyaʼan ja kʼin jaw? (Éxo. 12:21-23; Juan 1:29; Rom. 5:18, 19, 21, YT; 1 Cor. 5:7, NM.)

Loʼil 33

1. ¿Janekʼ winik israʼelenyo, ixuk sok yal untik elye ja bʼa Egipto, sok machʼtik wajye smok?

2. ¿Jasa skʼulan tsaʼan ja faraón yajni ja israʼelenyo elyeta ja bʼa Egipto?

3. ¿Jasa skʼulan ja Jyoba bʼa mi oj miljuke ja israʼelenyo yuj ja skʼakʼanumik ja faraón?

4. ¿Jasa ekʼ yajni ja Moisés sjacha ja snajbʼanteʼ sbʼaja mar Rojo, sok jasa skʼulane ja israʼelenyo?

5. ¿Jasa ekʼ yajni ja faraón soka skʼakʼanum ochye ja bʼa mar bʼa oj yiʼe yi spatik ja israʼelenyo?

6. ¿Jastal sjeʼawe ja israʼelenyo gustoʼaxiye sok yawe yi tsʼakatal ja Jyoba yuj ja ajiyekan sakʼani?

Tuk sjobʼjel:

1. Kʼuman ja Éxodo 12:33-36.

   ¿Jastal skʼulan ja Jyoba bʼa atupjuke ja xchonabʼi yuj ja janekʼ jabʼil ajyiye mosoʼil ja bʼa Egipto? (Éxo. 3:21, 22; 12:35, 36.)

2. Kʼuman ja Éxodo 14:1-31.

   Soka jas yala ja Moisés bʼa Éxodo 14:13, 14, ¿jastal wa xyaʼa kulan jkʼujoltik ja matik wa xkaʼteltaytik ja Jyoba bʼa jtyempotiki yuj ja jelxa mojan ja kʼakʼanel bʼa Armagedoni? (2 Cró. 20:17; Sal. 91:8.)

3. Kʼuman ja Éxodo 15:1-8, 20, 21.

   1. ¿Jas yuj ja matik wa xyaʼteltay ja Jyoba tʼilan a-stsʼebʼontaye yiʼ tsʼebʼoj? (Éxo. 15:1, 2; Sal. 105:2, 3; Apo. 15:3, 4.)

   2. ¿Jasa lekil sjeʼjel sbʼaja stsʼebʼontajel ja Jyoba yaʼakan ja Míriam sok ja tuk ixuke ja bʼa mar Rojo bʼa oj skʼuluke ja ixuke wa xyaʼteltaye Dyos ja bʼa jtyempotiki? (Éxo. 15:20, 21; Sal. 68:11.)

Loʼil 34

1. Ja bʼa dibujo, ¿jasa wane stsomjel ja ixuk winiki sok jasa sbʼiʼil?

2. ¿Jasa yala yabʼ ja Moisés a-skʼuluke ja israʼelenyo ja yajni stsomowe ja maná?

3. ¿Jasa yala ja Jyoba oj skʼuluke ja israʼelenyo ja bʼa swakil kʼakʼuʼi, sok jas yuj?

4. ¿Jasa senya skʼulan ja Jyoba yajni yala anolxukan man bʼa sjukil kʼakʼu ja maná?

5. ¿Janekʼ jabʼil smakʼla ja Jyoba sok maná ja israʼelenyo?

Tuk sjobʼjel:

1. Kʼuman ja Éxodo 16:1-36 sok Números 11:7-9.

   1. ¿Jasa wa sjeʼa ja Éxodo 16:8 sbʼaja matik ay xchol ja bʼa yojol ja bʼa wa stsomo jbʼajtiki tʼilani oj jkistika? (Heb. 13:17.)

   2. ¿Jastal aji julskʼujole kʼakʼu kʼakʼu ja israʼelenyo yeʼnani ja Jyoba ja maʼ wa xtalnaji yujileʼi ja bʼa takin luʼumi? (Éxo. 16:14-16, 35; Deu. 8:2, 3.)

   3. ¿Jastal ya slaj ja Jesús ja maná, sok jastal wa skoltayotik ja «pan koʼel jan bʼa satkʼinali»? (Juan 6:31-35, 40.)

2. Kʼuman ja Josué 5:10-12.

   ¿Janekʼ jabʼil ja israʼelenyo ja swaʼelane ja maná? ¿Jastal aji och preba jastal wa xyila sbʼaje sok ja Dyosi, sok jasa wa xbʼobʼ jnebʼtik sok ja it? (Éxo. 16:35; Núm. 11:4-6; 1 Cor. 10:10, 11.)

Loʼil 35

1. Jun maʼ chabʼ ixaw tsaʼan yajni ja israʼelenyo elyeta ja bʼa Egipto, ¿bʼa kʼot jijlukeʼa?

2. ¿Jasa wa skʼana ja Jyoba oj skʼuluk ja chonabʼi, sok jastal sjakʼawe?

3. ¿Jas yuj Jyoba yaʼ yi ja Moisés chabʼ lechanik ton?

4. Ja bʼa pilan Lajune Mandari, ¿jas tuk mandar yaʼ yi Jyoba ja israʼelenyo?

5. ¿Jas chabʼ mandar yala ja Jesukristo jani ja mas tʼilaniki?

Tuk sjobʼjel:

1. Kʼuman ja Éxodo 19:1-25; 20:1-21; 24:12-18 sok Éxodo 31:18.

   ¿Jastal wa skoltayotik ja jas wa xyala ja Éxodo 19:8 bʼa oj jnatik jas wa stojolan ja kaʼtikta yi ja jsakʼaniltik ja Dyosi? (Mat. 16:24, NM; 1 Ped. 4:1-3, YT.)

2. Kʼuman ja Deuteronomio 6:4-6; Levítico 19:18 sok Mateo 22:36-40.

   ¿Jastal wa sjeʼawe ja snochuman ja Jesusi wa syajtaye ja Dyos sok ja smojeʼi? (Mar. 6:34; Hech. 4:20; Rom. 15:2.)

Loʼil 36

1. ¿Jas wane skʼulajel ja ixuk winik bʼa dibujo sok jas yuj?

2. ¿Jas yuj jel tajkel ay ja Jyoba? ¿Sok jasa skʼulan ja Moisés yajni yila ja jas wane skʼulajel ja ixuk winiki?

3. ¿Jas yala Moisés oj skʼuluke jujuntik winike?

4. ¿Jas wa xya jnebʼtik ja loʼil it?

Tuk sjobʼjel:

1. Kʼuman ja Éxodo 32:1-35.

   1. ¿Jastal wa sjeʼa ja loʼil it sbʼaja jastal wa xyila Jyoba sokjel ja relijyon mi meranuk sok ja relijyon bʼa merani? (Éxo. 32:4-6, 10; 1 Cor. 10:7, 11, YT.)

   2. ¿Jasa tʼilan oj yil-e bʼajtan ja snochuman ja Kristo sbʼaja yajni wa stsaʼawe ja kʼin bʼa smaklajel ma ja chaneli ma chikan jasa wa xya gustoʼaxuk ja jsakʼaniltiki? (Éxo. 32:18, 19; Efe. 5:15, 16; 1 Juan 2:15-17, YT.)

   3. ¿Jastal sjeʼa ja kʼole bʼa Leví jun lekil sjeʼjel sbʼaja skoltajel ja toji? (Éxo. 32:25-28; Sal. 18:25.)

Loʼil 37

1. ¿Jas wa sbʼiʼilan ja naʼits bʼa dibujo, sok jasa yaʼtel?

2. ¿Jas yuj Jyoba yala yabʼ ja Moisés a-skʼuluk ja tabernáculo bʼa jun modo mi wokoluk sjomjel?

3. ¿Maʼ stsaʼa Jyoba bʼa oj och mero olomal ja bʼa naʼits bʼa stoyjel ja Dyosi, sok jasa yaʼteli?

4. ¿Jasunkiluk ja kopre tey bʼa xchikin och ja yal kwarto bʼa tabernáculo, sok jasa yiʼoj ja bʼa yojoli?

5. ¿Jas oxe jasunuk tey ja bʼa yojol ja kwarto mas niwani?

6. ¿Jas chabʼ jasunuk ay ja bʼa spatyoʼil ja tabernáculo, sok jas yaʼtel?

Tuk sjobʼjel:

1. Kʼuman ja Éxodo 25:8-40; 26:1-37; 27:1-8 sok Éxodo 28:1.

   ¿Jasa wa sbʼejan ja chabʼ querubín teye bʼa xchikin ja smajkil ja kopre? (Éxo. 25:20, 22; Núm. 7:89; 2 Rey. 19:15.)

2. Kʼuman ja Éxodo 30:1-10, 17-21; 34:1, 2 sok Hebreos 9:1-5, YT.

   1. ¿Jas yuj Jyoba yala yabʼ ja olomal jumasaʼ tʼilani oj sakʼ ja skʼabʼe sok ja yokeʼi bʼajtanto yuj oj skʼuluke ja yaʼtele bʼa tabernáculo, sok jasa wa xbʼobʼ jnebʼtik ja keʼntiki? (Éxo. 30:18-21; 40:30, 31; Heb. 10:22.)

   2. ¿Jastal wa sjeʼa ja jekabʼanum Pablo ja bʼa tyempo stsʼijbʼan ja juʼun bʼa hebreo mixa xmakuni ja tabernáculo sok ja trato skʼulan ja Dyos soka israʼelenyo? (Heb. 9:1, 9; 10:1.)

Loʼil 38

1. ¿Jastal xa wila ja xchiwanal tsʼusubʼi bʼa dibujo? ¿Bʼa jaka?

2. ¿Jas yuj Moisés sjeka 12 winik ja bʼa Canaán?

3. ¿Jasa yalawe ja lajune nakʼul kʼelwanumi yajni kumxiye ja bʼay ja Moisés?

4. ¿Jastal sjeʼa ja chabʼ nakʼul kʼelwanum wa sjipa skʼujole bʼa Jyoba, sok jas sbʼiʼile?

5. ¿Jas yuj jel tajki ja Jyoba sok jasa yala yabʼ ja Moisés?

Tuk sjobʼjel:

1. Kʼuman ja Números 13:1-33.

   1. ¿Machʼtik tsajiye bʼa oj waj skʼele nakʼul ja Canaán, sok jasa niwan cholal ajyiyujile? (Núm. 13:2, 3, 18-20.)

   2. ¿Jas yuj ja Josué soka Caleb pilan ja jastal ja spensareʼi yuj ja bʼa tuki, sok jasa wa sjeʼa kitik ja it? (Núm. 13:28-30; Mat. 17:20; 2 Cor. 5:7.)

2. Kʼuman ja Números 14:1-38.

   1. ¿Jas wa sjeʼa kitik ja kʼumanel sbʼa mi lekuk ja maʼ yaʼunej och xchol ja Jyoba ja bʼa luʼumi? (Núm. 14:2, 3, 27; Mat. 25:40, 45; 1 Cor. 10:10.)

   2. ¿Jastal wa sjeʼa ja Números 14:24 ja Jyoba wani skisa jujune ja yaʼtijumi? (1 Rey. 19:18; Pro. 15:3.)

Loʼil 39

1. ¿Machʼa mi skʼanawe ja cholal yiʼoj ja Moisés sok ja Aarón, sok jasa yalawe yabʼ ja Moisés?

2. ¿Jasa yala ja Moisés oj skʼuluk ja Coré sok ja 250 smoji?

3. ¿Jasa yala yabʼ ja Moisés ja chonabʼi, sok jasa ekʼi ja yajni chʼak kʼumanuki?

4. ¿Jasa ekʼ sbʼaj ja Coré soka 250 smoji?

5. ¿Jasa skʼulan ja Eleazar, ja yunin ja Aarón, soka stsiku pome ja chamwiniki, sok jas yuj?

6. ¿Jas yuj ja Jyoba ya nichinuk ja sbara ja Aarón? (Kʼela ja dibujo.)

Tuk sjobʼjel:

1. Kʼuman ja Números 16:1-49.

   1. ¿Jasa skʼulan ja Coré sok ja tuk smoji, sok jas yuj waja it jun skʼokjel mandar sbʼaja Jyoba? (Núm. 16:9, 10, 18; Lev. 10:1, 2; Pro. 11:2.)

   2. ¿Jasa pensar bʼa mini sbʼejuk ajyiyuj ja Coré sok ja 250 matik wa xkoltaniye skʼeljel ja chonabʼi? (Núm. 16:1-3; Pro. 15:33; Isa. 49:7.)

2. Kʼuman ja Números 17:1-11 sok 26:10.

   1. ¿Jasa sjeʼa ja nichini ja sbara ja Aarón, sok jas yuj Jyoba yala anolxuk bʼa kopre? (Núm. 17:5, 8, 10.)

   2. ¿Jasa wa xbʼobʼ jnebʼtik sbʼaja nichini ja sbara ja Aarón? (Núm. 17:10; Hech. 20:28, NM; Fili. 2:14; Heb. 13:17.)

Loʼil 40

1. ¿Jastal wa stalnay ja Jyoba ja israʼelenyo yajni ti aye ja bʼa takin luʼumi?

2. ¿Bʼa jastik kʼe kʼumanuke ja israʼelenyo yajni ti jijlele bʼa Qadés?

3. ¿Jasa skʼulan ja Jyoba bʼa oj yaʼ yi jaʼ ja ixuk winik soka chanteʼik?

4. ¿Machunkiluk ja winik bʼa dibujo yeʼnta wan xchʼutjel sbʼaji, sok jas yuj jachʼ wan skʼulajeli?

5. ¿Jas yuj Jyoba tajki sok ja Moisés soka Aarón, sok jasa alji yabʼyeʼi?

6. ¿Jasa ekʼ yajni tixa aye bʼa wits Hor, sok machunkiluk ja yajkʼachil olomal ochkan ja bʼa tabernáculo?

Tuk sjobʼjel:

1. Kʼuman ja Números 20:1-13, 22-29 sok Deuteronomio 29:5.

   1. ¿Jasa wa xya jnebʼtik sbʼaja Jyoba ja jastal stalnay ja israʼelenyo ja bʼa takin luʼumi? (Deu. 29:5; Mat. 6:31; Heb. 13:5; Sant. 1:17.)

   2. ¿Lek maʼ yila Jyoba yuja Moisés soka Aarón mi yawe yi stoyjel ja bʼa stiʼ sat ja israʼelenyo? (Núm. 20:12; 1 Cor. 10:12; Apo. 4:11.)

   3. ¿Jasa wa xbʼobʼ jnebʼtik soka jastal sjeʼa ja smodo ja Moisés yuja tojiyuj ja Jyoba? (Núm. 12:3; 20:12, 27, 28; Deu. 32:4; Heb. 12:7-11.)

Loʼil 41

1. ¿Jasunkiluk ja bʼechʼan ekʼ ja bʼa teʼ tey bʼa dibujo, sok jas yuj ja Jyoba yala yabʼ ja Moisés aya bʼechʼan tiw?

2. ¿Jastal wa sjeʼawe ja ixuk winik mi chaʼanyabʼalil xyilawe ja jastal wa xtalnajiye yuj ja Dyosi?

3. ¿Jasa skʼanawe yi ja Moisés ja ixuk winik yajni ja Jyoba sjeka ja bʼitsʼbʼichanik bʼa oj kʼuxjuke?

4. ¿Jas yuj Jyoba yala yabʼ ja Moisés a-skʼuluk jun bʼitsʼbʼichan bʼa kobre?

5. ¿Jasa wa sjeʼa kitik sok ja jas ekʼ sbʼaje ja israʼelenyo?

Tuk sjobʼjel:

1. Kʼuman ja Números 21:4-9.

   1. ¿Jasa wa sjeʼa bʼa mi oj jkʼuluktik junxta jastal ja israʼelenyo kʼe kʼumanuke sok ja waʼelal wa xyaʼa ja Jyoba? (Núm. 21:5, 6; Rom. 2:4.)

   2. Tsaʼan ja ekʼ ja jabʼil jumasaʼ, ¿jastal ya makunuke ja israʼelenyo ja bʼitsʼbʼichan bʼa kobre, sok jasa skʼulan ja mandaranum Ezequías? (Núm. 21:9; 2 Rey. 18:1-4.)

2. Kʼuman ja Juan 3:14, 15.

   ¿Jasa wa stojolan ja aji lokan ja bʼitsʼbʼichan bʼa kobre bʼa jun teʼ soka jastal milji ja Jesukristo? (Gál. 3:13, NM; 1 Ped. 2:24, NM.)

Loʼil 42

1. ¿Machunkiluk ja Balac, sok jas yuj sjeka slejel ja Balaam?

2. ¿Jas yuj koʼ wukʼan ja snan sbʼuruj ja Balaam?

3. ¿Jasa alji yabʼ ja Balaam yuj ja snan bʼuruji?

4. ¿Jasa alji yabʼ ja Balaam yuj jun anjel?

5. ¿Jasa wa x-ekʼ yajni ja Balaam sleʼa modo bʼa oj waj kʼumanuk sbʼaj kistal ja israʼelenyo?

Tuk sjobʼjel:

1. Kʼuman ja Números 21:21-35.

   ¿Jas yuj ja Israel xchʼaya snajel ja Sehón, ja mandaranum bʼa chonabʼ amorreo, sok ja Og, ja mandaranum bʼa chonabʼ Basán? (Núm. 21:21, 23, 33, 34.)

2. Kʼuman ja Números 22:1-40.

   ¿Jasa iji och ja Balaam bʼa oj kʼumanuk sbʼaj kistal ja israʼelenyo, sok jasa wa xnebʼatik sok ja it? (Núm. 22:16, 17; Pro. 6:16, 18; 2 Ped. 2:15; Jud. 11.)

3. Kʼuman ja Números 23:1-30.

   Anima ja Balaam wa xkʼumani jastal jun yaʼtum Jyoba, ¿jastal sjeʼa soka jastik wa skʼulani mi meranuk? (Núm. 23:3, 11-14; 1 Sam. 15:22.)

4. Kʼuman ja Números 24:1-25.

   Soka loʼil it bʼa Biblia, ¿jastal wa stsatsankʼujolan ja skʼuʼajel kiʼojtik sbʼaja jastal oj ekʼuk ja jas wa skʼana oj skʼuluk ja Jyobaji? (Núm. 24:10; Isa. 54:17.)

Loʼil 43

1. ¿Machunkiluk ja chabʼ winik teye sok ja Moisés bʼa dibujo?

2. ¿Jasa alji yabʼ ja Josué yuja Jyoba?

3. ¿Jas yuj ja Moisés kʼe ja bʼa wits Nebo, sok jasa alji yabʼ yuja Jyoba?

4. ¿Janekʼ sjabʼil yiʼoj ja Moisés yajni chami?

5. ¿Jas yuj ja israʼelenyo tristeʼaye, pe jas yuj wa xcha bʼobʼ ajyuke gusto?

Tuk sjobʼjel:

1. Kʼuman ja Números 27:12-23.

   ¿Jasa chaʼanyabʼalil aʼtel ajiyi ja Josué yuja Jyoba, sok jastal wa sjeʼa ja bʼa jtyempotik ja Jyoba wani skisa ja xchonabʼi? (Núm. 27:15-19; Hech. 20:28, NM; Heb. 13:7.)

2. Kʼuman ja Deuteronomio 3:23-29.

   ¿Jas yuj ja Jyoba mi ya ochuk ja Moisés soka Aarón ja bʼa Luʼum Kʼapubʼal yileʼi, sok jasa wa xya jnebʼtik? (Deu. 3:25-27; Núm. 20:12, 13.)

3. Kʼuman ja Deuteronomio 31:1-8, 14-23.

   ¿Jastal sjeʼa ja Moisés yajni skʼuman kan ja israʼelenyo yaʼa sbʼaj chʼinil yajni toji yuja Jyoba? (Deu. 31:6-8, 23.)

4. Kʼuman ja Deuteronomio 32:45-52.

   ¿Jastal wa stojbʼes ja jsakʼaniltik ja Yabʼal ja Dyosi? (Deu. 32:47; Lev. 18:5; Heb. 4:12.)

5. Kʼuman ja Deuteronomio 34:1-12.

   Ama ja Moisés mini kʼot yil ja mero splanta ja Jyoba, ¿jasa wa sjeʼa ja Deuteronomio 34:10 sbʼaja jastal wa xyila sbʼaj soka Yeʼn? (Éxo. 33:11, 20; Núm. 12:8.)

Loʼil 44

1. ¿Bʼa chonabʼ kulan ja Rahab?

2. ¿Machunkiluk ja chabʼ winik bʼa dibujo, sok jas wanuke ja bʼa chonabʼ Jericó?

3. ¿Jasa alji yabʼ oj skʼuluk ja Rahab yuja mandaranum bʼa Jericó, sok jasa sjakʼa yeʼn?

4. ¿Jastal skolta Rahab ja chabʼ winike, sok jasa skʼana yi?

5. ¿Jasa alji yabʼ ja Rahab yuja chabʼ tsʼelsatinumeʼi?

Tuk sjobʼjel:

1. Kʼuman ja Josué 2:1-24.

   Jastal ni wa xyala ja Éxodo 23:28, ¿jastal kʼot meran ja jas skʼapunej ja Jyoba yajni ja israʼelenyo yawe chʼaysnajel ja chonabʼ Jericó? (Jos. 2:9-11.)

2. Kʼuman ja Hebreos 11:31.

   ¿Jastal wa sjeʼa soka jas skʼulan ja Rahab ja stʼilanil yiʼoj sjipjeljkʼujoltik bʼa Dyos? (Rom. 1:17; Heb. 10:39; Sant. 2:25.)

Loʼil 45

1. ¿Jasa senya skʼulan ja Jyoba bʼa jachuk ja israʼelenyo oj bʼobʼ skʼuts-e ja yok jaʼ Jordán?

2. ¿Jasa skʼulajel bʼa skʼuʼajel tʼilan oj sjeʼe ja israʼelenyo bʼa oj bʼobʼ skʼuts-e ja yok jaʼ Jordán?

3. ¿Jas yuj Jyoba skʼana ja 12 winik a-stul-e 12 niwak ton ja bʼa snalan ja yok jaʼ takini?

4. ¿Jasa ekʼ yajni ja olomalik elyejan ja bʼa tekʼane ekʼi?

Tuk sjobʼjel:

1. Kʼuman ja Josué 3:1-17.

   1. Jastal ni wa sjeʼa ja loʼil it, ¿jasa tʼilan oj jkʼuluktik bʼa jachuk ja Jyoba oj skoltayotik sok oj ya jlekilaltik? (Jos. 3:13, 15; Pro. 3:5; Sant. 2:22, 26.)

   2. ¿Jastal ay ja yok jaʼ Jordán yajni ja israʼelenyo ekʼ skʼuts-e bʼa oj kʼotuke ja bʼa Luʼum Kʼapubʼal yileʼi, sok jastal ja it toyji ja sbʼiʼil ja Jyoba? (Jos. 3:15; 4:18; Sal. 66:5-7.)

2. Kʼuman ja Josué 4:1-18.

   ¿Jasa sbʼejan ja 12 ton stuluwe bʼa Jordán sok waj yaʼekan tsoman man bʼa Guilgal? (Jos. 4:19-24.)

Loʼil 46

1. ¿Jasa yala Jyoba oj skʼuluke ja kʼakʼanum jumasaʼ sok ja olomaliki wake kʼakʼu?

2. ¿Jasa tʼilan oj skʼuluke ja winik jumasaʼ ja bʼa sjukil kʼakʼuʼi?

3. Jastal waxa wila ja bʼa dibujo, ¿jasa wan ekʼel sbʼaj ja sbardaʼil ja Jericó?

4. ¿Jas yuj ja bʼa bentana lokan ekʼ jun chakal laso?

5. ¿Jasa yala Josué oj skʼuluke ja kʼakʼanum jumasaʼ sbʼaja ixuk winik sok ja chonabʼi, sok jas oj skʼuluke sok ja plata, oro, kobre sok ja hierro?

6. ¿Jasa alji yabʼye oj skʼuluke ja chabʼ tsʼelsatinumi?

Tuk sjobʼjel:

1. Kʼuman ja Josué 6:1-25.

   1. ¿Jastal wa xbʼobʼ slaj ja sbʼejyele skʼulane ja israʼelenyo bʼa sjoyanal ja Jericó bʼa sjukil kʼakʼu sok ja xcholjel wa skʼulane ja taʼumantiʼ jumasaʼ bʼa Jyoba ja yan jtyempotiki? (Jos. 6:15, 16; Isa. 60:22; Mat. 24:14; 1 Cor. 9:16.)

   2. ¿Jastal kʼot smeranil ja yaljel wa xtax bʼa Josué 6:26 jun 500 jabʼil tsaʼan, sok jas wa sjeʼa kitik sbʼaja jastik wa x-el stiʼ ja Jyoba? (1 Rey. 16:34; Isa. 55:11.)

Loʼil 47

1. ¿Machunkiluk ja winik waxa wila bʼa dibujo wan smukjel jastik junuk bʼa chaʼan stsʼakol ti yelkʼunejan bʼa Jericó, sok machunkiluk ja matik tey smoki?

2. ¿Jas yuj mini tʼun lekuk ja jas skʼulan ja Acán soka spamilya?

3. ¿Jasa yala Jyoba yajni ja Josué sjobʼo jas yuj kʼuljiye ganar yuja chonabʼ Hai?

4. ¿Jasa ekʼ sbʼaj ja Acán soka spamilya yajni ijiye och bʼa stiʼ sat ja Josué?

5. ¿Jasa wa xnebʼatik sok ja jas ekʼ sbʼaj ja Acani?

Tuk sjobʼjel:

1. Kʼuman ja Josué 7:1-26.

   1. ¿Jasa xchiktes ja yorasyon wa skʼulan ja Josué sbʼaja jastal wa xyila sbʼaj soka Jyoba? (Jos. 7:7-9; Sal. 119:145; 1 Juan 5:14.)

   2. ¿Jas wa sjeʼa ja jas skʼulan ja Acán, sok jasa wa sjeʼa kitik bʼa mi oj jkʼuluktik junxta? (Jos. 7:11, 14, 15; Pro. 15:3; 1 Tim. 5:24, YT; Heb. 4:13.)

2. Kʼuman ja Josué 8:1-29.

   ¿Jasa cholal kiʼojtik jujune bʼa keʼntik ja bʼa kongregasyoni? (Jos. 7:13; Lev. 5:1; Pro. 28:13.)

Loʼil 48

1. ¿Jasa stukil sjeʼa sbʼaje ja swinkil Gabaón soka tuk swinkil Canaán, ja sbesinoʼeʼi?

2. Jastal waxa wila bʼa dibujo, ¿jasa skʼulane ja swinkil Gabaón, sok jas yuj?

3. ¿Jasa el ja bʼa stiʼe ja Josué soka olomalik sbʼaja swinkil Gabaón, pe jasa kʼot snaʼe ja bʼa yoxil kʼakʼu?

4. ¿Jasa ekʼ yajni ja mandaranumik ja bʼa tuk chonabʼik yabʼye ja swinkil Gabaón yaweta slamanil soka israʼelenyo?

Tuk sjobʼjel:

1. Kʼuman ja Josué 9:1-27.

   1. Yujni ja Jyoba yalunej yabʼ ja chonabʼ Israel aya chʼaysnajel spetsanil ja swinkil ja chonabʼiki, ¿jasa lekil smodo sjeʼa ja Jyoba ja mi xchʼaya snajel ja swinkil Gabaoni? (Jos. 9:22, 24; Mat. 9:13; Hech. 10:34, 35, YT; 2 Ped. 3:9.)

   2. Yuja ya kʼotuk ja akwerdo skʼulan ja Josué soka swinkil Gabaón, ¿jastal sjeʼa soka it jun lekil sjeʼjel sbʼaja matik wa xyaʼteltay ja Dyos bʼa jtyempotiki? (Jos. 9:18, 19; Mat. 5:37; Efe. 4:25.)

2. Kʼuman ja Josué 10:1-5.

   ¿Jastal wa sjeʼawe ja bʼa jtyempotik ja niwan kʼole ixuk winik wa xyaʼteltaye Dyos wa snochowe ja lekil smodo sjeʼawe ja swinkil Gabaón, sok yuja jaw jastik wa xjak sbʼaje? (Jos. 10:4; Zac. 8:23; Mat. 25:35-40; Apo. 12:17.)

Loʼil 49

1. ¿Jasa wan yaljel ja Josué ja bʼa dibujo, sok jas yuj?

2. ¿Jastal skolta Jyoba ja Josué soka skʼakʼanum jumasaʼ?

3. ¿Janekʼ mandaranum xchʼaya snajel ja Josué, sok janekʼ tyempo yiʼaj yuj?

4. ¿Jas yuj Josué spila ja luʼum bʼa Canaán?

5. ¿Janekʼ jabʼil yiʼoj ja Josué ja chami, sok jasa skʼulane tsaʼan ja ixuk winiki?

Tuk sjobʼjel:

1. Kʼuman ja Josué 10:6-15.

   ¿Jasa sjipjeljkʼujoltik wa xya kitik yuja Jyoba ya kʼot tekʼan ja Kʼaʼuji soka Luna bʼa skoltajel ja israʼelenyo? (Jos. 10:8, 10, 12, 13; Sal. 18:3; Pro. 18:10.)

2. Kʼuman ja Josué 12:7-24.

   ¿Machʼa waj ja mani xchʼaya snajel ja 31 mandaranum bʼa Canaán, sok jas yuj jel tʼilan bʼa keʼntik ja bʼa jtyempotiki? (Jos. 12:7; 24:11-13; Deu. 31:8; Luc. 21:9, 25-28.)

3. Kʼuman ja Josué 14:1-5.

   ¿Jastal pilji ja luʼumi ja bʼa kʼoleʼik bʼa Israel, sok jas wa stojolan ja it sbʼaja dote oj ajuk ja bʼa Kʼachinubʼi? (Jos. 14:2; Isa. 65:21; Eze. 47:21-23; 1 Cor. 14:33.)

4. Kʼuman ja Jueces 2:8-13.

   Junxta jastal skʼulan ja Josué bʼa Israel, ¿machʼtijunkiluk ja bʼa jkʼakʼujiltiki wa skoltayotik sbʼaja matik wa spila sbʼaje sok wa xkʼumaniye sbʼaj mi lekuk ja bʼa skʼuʼajeli? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9, NM; Apo. 1:1; 2:1, 2, NM.)

Loʼil 50

1. ¿Jasa yaʼtele ja jwesiki, sok jasa sbʼiʼilane jujuntik bʼa yeʼnle?

2. ¿Jasa cholal yiʼoj ja Débora bʼa jel chaʼanyabʼalil, sok jasa chʼikan soka aʼtel jaw?

3. Yajni ja chonabʼ Israel xiwel aye bʼa oj tiroʼanuke smok ja mandaranum Jabín soka Sísara, ja maʼ wa skʼela ja kʼakʼanum jumasaʼ, ¿jasa rason alji yabʼ ja Débora yuja Jyoba aya ekʼ yi ja jwes Barac, sok machʼa yala ja Débora oj ajuk yi stoyjeli?

4. ¿Jastal sjeʼa ja Jael jun ixuk mix xiwi?

5. ¿Jasa ekʼ tsaʼan yajni ja mandaranum Jabín chami?

Tuk sjobʼjel:

1. Kʼuman ja Jueces 2:14-22.

   ¿Jas yuj Jyoba jel kʼe yolom soka israʼelenyo, sok jasa wa xnebʼatik soka it? (Jue. 2:20; Pro. 3:1, 2; Eze. 18:21-23.)

2. Kʼuman ja Jueces 4:1-24.

   ¿Jasa slekilal wa xbʼobʼ snebʼ-e ja ixuk matik wa xyaʼteltaye Dyos sbʼaja skʼuʼajel sok yuja mi xiwye ja Débora soka Jael? (Jue. 4:4, 8, 9, 14, 21, 22; Pro. 31:30; 1 Cor. 16:13.)

3. Kʼuman ja Jueces 5:1-31.

   Junxta soka tsʼebʼoj stsʼebʼantaye ja Barac soka Débora yuja skʼulane ganari, ¿jasa wa xbʼobʼ jkʼantik yi bʼa orasyon ja Jyoba sbʼaja niwan kʼakʼanel bʼa Armagedón jakumtoʼi? (Jue. 5:3, 31; 1 Cró. 16:8-10; Apo. 7:9, 10; 16:16; 19:19-21.)

Loʼil 51

1. ¿Jas yuj Noemí waj man bʼa slujmalil Moab?

2. ¿Machunkiluk ja Rut sok ja Orpá?

3. ¿Jastal sjakʼa ja Rut soka Orpá yajni ja Noemí yala akumxuke bʼa xchonabʼe?

4. ¿Machunkiluk ja Boaz, sok jastal skolta ja Rut soka Noemí?

5. ¿Jas sbʼiʼil ja yunin ja Boaz soka Rut, sok jas yuj tʼilan ajuluk jkʼujoltik?

Tuk sjobʼjel:

1. Kʼuman ja Rut 1:1-17.

   1. ¿Jas tsamal yaljel bʼa lekilalkʼujol yala ja Rut? (Rut 1:16, 17.)

   2. Jastal ni ja Rut mini tʼenji bʼa oj skʼuluk ja jas skʼulani, ¿jastal wa snochowe ja pilan chejiki sbʼaja skʼuʼajel ja tʼusanxta snochuman ja Jesús aye bʼa Luʼum ojto wajuke bʼa satkʼinali? (Juan 10:16; Zac. 8:23.)

2. Kʼuman ja Rut 2:1-23.

   ¿Jastik tikʼe modo sjeʼa ja Rut oj stsajlaye ja akʼixuk bʼa jtyempotiki? (Rut 2:17, 18; Pro. 23:22; 31:15.)

3. Kʼuman ja Rut 3:5-13.

   1. ¿Jastal yila ja Boaz yajni Rut yala oj nupanuk sok ja yeʼn sok mi sleʼa june bʼa mas keremto?

   2. ¿Jasa wa sjeʼa kitik soka smodo ja Rut sbʼaja lekilkʼujolali? (Rut 3:10; 1 Cor. 13:4, 5.)

4. Kʼuman ja Rut 4:7-17.

   ¿Jastal oj bʼobʼ snoch-e ja keremtik matik wa xyaʼteltaye Dyos ja smodo ja Boaz? (Rut 4:9, 10; 1 Tim. 3:1, 12, 13, NM; 1 Tim 5:8.)

Loʼil 52

1. ¿Bʼa jas wokolil aye ja israʼelenyo, sok jas yuj?

2. ¿Jas yuj Jyoba yala yabʼ ja Gedeón jel jitsan ja skʼakʼanumiki?

3. ¿Janekʼto kʼakʼanum kanye yajni Gedeón sjeka bʼa snaj ja matik wa xiwyeʼi?

4. Jastal wa sjeʼa ja dibujo, ¿jastal ya tʼusanbʼuk ja Jyoba ja skʼakʼanum ja Gedeón bʼa kechanxta 300 winik?

5. ¿Jasa skʼulan ja Gedeón soka 300 swiniki, sok jastal skʼulan ganar ja israʼelenyo ja kʼakʼaneli?

Tuk sjobʼjel:

1. Kʼuman ja Jueces 6:36-40.

   1. ¿Jasa skʼulan ja Gedeón bʼa oj snaʼe ja jasa wa skʼana ja Jyoba?

   2. ¿Jastal oj bʼobʼ jnatik ja bʼa jtyempotik ja jasa wa skʼana oj skʼuluk ja Jyoba? (Pro. 2:3-6; Mat. 7:7-11; 2 Tim. 3:16, 17, YT.)

2. Kʼuman ja Jueces 7:1-25.

   1. ¿Jas wa xnebʼatik ja bʼa 300 winik ajyiye kʼelan jakan sok sbʼaja matik miyuki? (Jue. 7:3, 6; Rom. 13:11, 12; Efe. 5:15-17, YT.)

   2. Jastal ni ja 300 kʼakʼanum snebʼawe sbʼaja Gedeón, ¿jastal wa xbʼobʼ jnebʼtik ja keʼntiki sbʼaja Bʼankilal Gedeón, Jesukristo? (Jue. 7:17; Mat. 11:29, 30; 28:19, 20, YT; 1 Ped. 2:21.)

   3. ¿Jastal wa skoltayotik ja sjuʼunil Jueces 7:21 bʼa oj awal oj wajan chikan bʼa wala jekji ja bʼa yaʼteltajel ja bʼa xchonabʼil ja Jyobaji? (1 Cor. 4:2; 12:14-18; Sant. 4:10.)

3. Kʼuman ja Jueces 8:1-3.

   Yajni waxa tojbʼes jun kʼumal sok juna moj-aljel, ¿jasa wa xnebʼatik soka jastal stojbʼes ja Gedeón ja kʼumal yiʼoj sok ja swinkil Efraín? (Pro. 15:1; Mat. 5:23, 24; Luc. 9:48.)

Loʼil 53

1. ¿Machunkiluk ja Jefté, sok jas tyempoʼil ajyi sakʼan?

2. ¿Jasa kʼapji yi ja Jyoba yuja Jefté?

3. ¿Jas yuj Jefté jel och stristeʼil yajni kumxi ja bʼa snaj tsaʼan yajni skʼulan ganar ja kʼakʼanel sbʼaja swinkil Ammón?

4. ¿Jasa yala ja yakʼix ja Jefté yajni yabʼ ja jasa skʼapunej ja stati?

5. ¿Jas yuj ja ixuk winiki jel syajtaye ja yakʼix ja Jefté?

Tuk sjobʼjel:

1. Kʼuman ja Jueces 10:6-18.

   Jasa wa sjeʼa kitik bʼa mi oj jkʼuluktik ja jastal jitsan ekʼele ja israʼelenyo yaʼawekan yaʼteltajel ja Jyoba? (Jue. 10:6, 15, 16; Rom. 15:4; Apo. 2:10.)

2. Kʼuman ja Jueces 11:1-11, 29-40.

   1. ¿Jastal wa xnaʼatik yajni Jefté yaʼa ja yakʼixi jastal jun majtanal tsikubʼal mi wa stojolan oj smile? (Jue. 11:31; Lev. 16:24; Deu. 18:10, 12.)

   2. ¿Jas wa stojolan ja Jefté yaʼa ja yunin akʼixi jastal jun majtanal?

   3. ¿Jas wa xnebʼatik sok ja jastal sjeʼa ja smodo ja Jefté sbʼaja jas skʼapa yi ja Jyoba? (Jue. 11:35, 39; Ecl. 5:4, 5; Mat. 16:24, NM.)

   4. ¿Jas oj bʼobʼ skʼuluke ja kerem akʼixuki bʼa oj snoch-e ja lekil sjeʼjel ja yakʼix ja Jefté sbʼaja yajni xkʼe yaʼteltaye ja Jyoba bʼa tyempo tsʼikan? (Jue. 11:36; Mat. 6:33; Fili. 3:8.)

Loʼil 54

1. ¿Jas sbʼiʼil ja winik ajyi sakʼan mas jel ja yip yuja tuki, sok maʼ ajiyi yuja yipi?

2. Jastal wa x-ilxi bʼa dibujo, ¿jas skʼulan jun ekʼele ja Sansón sok jun choj?

3. Jastal wa x-ilxi bʼa dibujo, ¿jas jasunuk bʼa mi abʼubʼaluk wan xcholjel yi ja Sansón ja Dalila, sok jas yuj ja it iji och bʼa oj yamjuk?

4. ¿Jastal skʼulan ja Sansón bʼa jachuk chʼak chamuk 3,000 filisteo kontraʼanum ja kʼakʼu cham ja yeʼn?

Tuk sjobʼjel:

1. Kʼuman ja Jueces 13:1-14.

   ¿Jas yuj ja Manóah soka xcheʼum yawekan jun lekil sjeʼjel sbʼaja nantatal bʼa jastal oj yawe kʼiʼuk ja yuntikileʼi? (Jue. 13:8; Sal. 127:3; Efe. 6:4.)

2. Kʼuman ja Jueces 14:5-9 sok 15:9-16.

   1. ¿Jasa wa sjeʼa kitik ja jastal ya makunuk ja yip ja Jyoba ja Sansón yajni smila ja choji, skʼutsu ja yajkʼachil laso bʼa mochjisoki sok ya makunuk ja sbʼakel sjuʼ tiʼ jun bʼuruj bʼa smila 1,000 filisteoʼik?

   2. ¿Jastal wa skoltayotik ja yip ja Jyoba ja bʼa jtyempotiki? (Jue. 14:6; 15:14; Zac. 4:6; Hech. 4:31, YT.)

3. Kʼuman ja Jueces 16:18-31.

   ¿Jastal jomji yi ja sakʼanil ja Sansón smojtajel ja matik mi xyaʼteltaye ja Jyoba, sok jas wa xnebʼatik sbʼaja it? (Jue. 16:18, 19; 1 Cor. 15:33.)

Loʼil 55

1. ¿Jas sbʼiʼil ja yal kerem bʼa dibujo, sok machʼtik ja tuki?

2. ¿Jasa yala bʼa yorasyon skʼulan ja Ana yajni waj ulatanel bʼa tabernáculo, sok jastal sjakʼa yi ja Jyoba?

3. ¿Janekʼ xa sjabʼil yiʼoj ja Samuel yajni iji och bʼa oj yaʼteltay ja Dyos ja bʼa stabernáculo, sok jasa wa skʼulan och yi ja snan jabʼil jabʼil?

4. ¿Jas sbʼiʼil ja skeremtik ja Elí, sok jas tikʼe winike?

5. ¿Jasa skʼulan ja Jyoba bʼa oj ya snaʼ ja Samuel wa skʼana oj skʼumuk sok jasa yala yabʼ?

6. ¿Jasa xchol kʼot staʼ ja Samuel yajni ayxa sjabʼili, sok jasa ekʼ yajni awel xa?

Tuk sjobʼjel:

1. Kʼuman ja 1 Samuel 1:1-28.

   1. ¿Jasa lekil sjeʼjel sbʼaja matik olomal aye ja bʼa yojol ja pamilya yaʼakan ja Elqaná yuja yeʼn bʼajtani ay ja bʼa yaʼteltajel ja Dyosi? (1 Sam. 1:3, 21; Mat. 6:33; Fili. 1:10.)

   2. ¿Jasa wa xnebʼatik soka jastal skʼulan ja Ana yuj jun wokol ekʼ sbʼaj? (1 Sam. 1:10, 11; Sal. 55:22; Rom. 12:12.)

2. Kʼuman ja 1 Samuel 2:11-36.

   ¿Jastal sjeʼa ja Elí jani jel skisa ja skeremtiki sok mi jaʼuk ja Jyoba, sok jasa wa sjeʼa kitik ja it? (1 Sam. 2:22-24, 27, 29; Deu. 21:18-21; Mat. 10:36, 37.)

3. Kʼuman ja 1 Samuel 4:16-18.

   ¿Jas chane rason bʼa mini tʼun lekuk eljan ja bʼay ja kʼakʼaneli, sok jasa ekʼ yajni ja Elí yabʼ ja rason jumasaʼ?

4. Kʼuman ja 1 Samuel 8:4-9.

   ¿Jasa skʼulane ja israʼelenyo bʼa mi lek yabʼ ja Jyoba, sok jastal oj bʼobʼ jeʼtik ja bʼa jtyempotik jaʼ wa xkʼanatik ayaʼotik mandar ja sGobyerno ja Dyosi? (1 Sam. 8:5, 7; Juan 17:16; Sant. 4:4.)

Loʼil 56

1. ¿Jas wanuk ja Samuel ja bʼa dibujo, sok jas yuj?

2. ¿Jas yuj Jyoba lek wa xyila ja Saúl, sok jas tikʼe winikil ja yeʼn?

3. ¿Jas sbʼiʼil ja skerem ja Saúl, sok jasa skʼulan?

4. ¿Jas yuj ja Saúl yeʼn skʼapa ja majtanal sok mi ja smajla ja Samuel bʼa yeʼn oj skʼape?

5. ¿Jasa wa xnebʼatik soka jas skʼulan ja Saúl?

Tuk sjobʼjel:

1. Kʼuman ja 1 Samuel 9:15-21 sok 10:17-27.

   Yuja smodo bʼa chʼin yajel sbʼaj ja Saúl, ¿jastal koltaji bʼa skomjel sbʼaj bʼa mi oj skʼuluk yi jun jasunuk mi lekuk yajni mi kisji yuj jujuntik winik? (1 Sam. 9:21; 10:21, 22, 27; Pro. 17:27.)

2. Kʼuman ja 1 Samuel 13:5-14.

   ¿Jasa smul staʼa ja Saúl ja bʼa Guilgal? (1 Sam. 10:8; 13:8, 9, 13.)

3. Kʼuman ja 1 Samuel 15:1-35.

   1. ¿Jas smul jel chaʼanyabʼalil skʼulan ja Saúl sbʼaja Agag, ja mandaranum bʼa chonabʼ Amaleq? (1 Sam. 15:2, 3, 8, 9, 22.)

   2. ¿Jastal sleʼa modo ja Saúl bʼa mi yeʼn oj skuch ja jas skʼulani sok ya smuluk ja tuki? (1 Sam. 15:24.)

   3. ¿Jasa mi oj jkʼuluktik yajni wa x-ajikitik jun rasoni? (1 Sam. 15:19-21; Sal. 141:5; Pro. 9:8, 9; 11:2.)

Loʼil 57

1. ¿Jas sbʼiʼil ja yal kerem bʼa dibujo, sok jastal wa xnaʼatik ja yeʼn mini xiwa?

2. ¿Bʼa kulan ja David, sok jas sbʼiʼil ja stat soka statawelo?

3. ¿Jas yuj Jyoba yala yabʼ ja Samuel awajuk bʼa snaj ja Jesé man bʼa Belén?

4. ¿Jasa ekʼ yajni Jesé ya ekʼyi ja Samuel juke yuntikili?

5. ¿Jasa alji yabʼ ja Samuel yuja Jyoba yajni ijijan yi ja David?

Tuk sjobʼjel:

1. Kʼuman ja 1 Samuel 17:34, 35.

   ¿Jastal wa sjeʼa ja jastik ekʼi ja David mini xiwi soka sjipjelskʼujol yiʼoj sbʼaja Jyoba? (1 Sam. 17:37.)

2. Kʼuman ja 1 Samuel 16:1-14.

   1. ¿Jastal wa skoltayotik ja jasa yala Jyoba bʼa 1 Samuel 16:7 bʼa junxta oj kiltike spetsanile sok mi kechanukta ja oj kiltik ja splantaʼe? (Hech. 10:34, 35, YT; 1 Tim. 2:4.)

   2. Jyoba ya jitsuk ja yip sbʼaja Saúl, sok tsaʼan och ja bʼa skʼujoli pensar jumasaʼ bʼa oj skʼuluk ja bʼa mi lekuki. ¿Jasa wa sjeʼa kitik ja it? (1 Sam. 16:14; Mat. 12:43-45; Gál. 5:16, YT.)

Loʼil 58

1. ¿Jasa yala Goliat a-skʼuluke ja kʼakʼanumik israʼelenyo?

2. ¿Jaye xchaʼanil ja Goliat, sok jasa yala Saúl oj yaʼ yi ja winik maʼ oj smil ja Goliat?

3. ¿Jastal sjakʼa David yajni Saúl yala ja yeʼn mini xbʼobʼ tiroʼanuk sok ja Goliat yujni kechanta jun yal kerem?

4. ¿Jastal sjeʼa David wa sjipa skʼujol bʼa Jyoba yajni sjakʼa yi ja Goliat?

5. Jastal ni wa sjeʼa ja dibujo, ¿jasa ya makunuk ja David bʼa smila ja Goliat, sok jasa ekʼ sok ja filisteoʼiki?

Tuk sjobʼjel:

1. Kʼuman ja 1 Samuel 17:1-54.

   1. ¿Jas yuj David mini tʼun xiwi, sok jastal oj bʼobʼ jnochtik ja lekil sjeʼjeli? (1 Sam. 17:37, 45; Efe. 6:10, 11, YT.)

   2. Ja Goliat jel skʼulan gusto tiroʼanel sok sjeʼjel mas jel chapan yuja tuki. ¿Jas yuj jel stʼilanil ja yaʼtum Jyoba mok snoch-e ja modoʼal it ja bʼa tajneli soka bʼa tuktukil jas junuk wa skʼulane bʼa gusto wa x-ekʼ yujileʼi? (1 Sam. 17:8; Gál. 5:26; 1 Tim. 4:8.)

   3. ¿Jastal sjeʼa ja David sok ja jas yala wani sjipa skʼujol oj koltajuk yuja Dyosi? (1 Sam. 17:45-47; 2 Cró. 20:15.)

   4. ¿Jastal wa sjeʼa ja loʼil it mi kechanuk ita waj jun kʼakʼanel bʼa chabʼ kʼole kontraʼanum, wajni jun kʼakʼanel sbʼaja Dyos smeranil, Jyoba, soka kʼulubʼal dyosiki? (1 Sam. 17:43, 46, 47.)

   5. ¿Jastal wa sjeʼa ja kʼole matik ojto wajuke bʼa satkʼinali wa snochowe ja lekil sjeʼjel bʼa David yuja sjipa skʼujol bʼa Jyoba? (1 Sam. 17:37; Jer. 1:17-19; Apo. 12:17.)

Loʼil 59

1. ¿Jas yuj ja Saúl wa xyilkʼujolan ja David, pe jasa stukil yiʼoj ja Saúl yuja yunin Jonatán?

2. ¿Jasa ekʼ jun kʼakʼu yajni ja David wan yajel okʼuk yi ja arpa ja Saúl?

3. ¿Jasa yala Saúl oj skʼuluk ja David bʼajtanto yuj oj nupanuk sok ja yakʼix Mical, sok jas yuj jachʼ yala oj skʼuluki?

4. Jastal ni wa sjeʼa bʼa dibujo, ¿jasa ekʼ ja bʼa yoxil ekʼele yajni ja David wan yajel okʼuk yi ja arpa ja Saúl?

5. ¿Jastal skʼulan ja Mical bʼa mi oj miljuk ja David, sok jasa tʼilan skʼulan ja David tʼusan mi juke jabʼiluk?

Tuk sjobʼjel:

1. Kʼuman ja 1 Samuel 18:1-30.

   1. Ja jastal jel syajtay sbʼaje ja David soka Jonatán, ¿jastal wa sjeʼa it jachʼ wane skʼulajel ja «pilan chejiki» soka «chʼin kʼole chejiki»? (1 Sam. 18:1; Juan 10:16; Luc. 12:32; Zac. 8:23.)

   2. Ja Jonatán yeʼnani oj sbʼajukan ajyi ja xchol ja Saúl. ¿Pe jastal wa sjeʼa ja 1 Samuel 18:4 ja yeʼn skisani lek ja maʼ tsaʼubʼal xa bʼa oj och mandaranumi?

   3. ¿Jastal wa sjeʼa sok ja jas skʼulan ja Saúl ja ilkʼujolaneli wani xbʼobʼ yiʼotik och bʼa oj kokotik jun chaʼanil mulal, sok jas wa sjeʼa kitik ja it? (1 Sam. 18:7-9, 25; Sant. 3:14-16.)

2. Kʼuman ja 1 Samuel 19:1-17.

   ¿Jastal sjeʼa Jonatán ja yajni mi akwerdo ajyi sok ja Saúl chikan jas x-ekʼ sbʼaj? (1 Sam. 19:1, 4-6.)

Loʼil 60

1. ¿Jas sbʼiʼil ja ixuk bʼa dibujo jakum staʼ ja David, sok jastal ja yeʼn?

2. ¿Machunkiluk ja Nabal?

3. ¿Jas yuj David sjeka jujuntik swinik bʼa oj waj skʼan yi jun pabor ja Nabal?

4. ¿Jasa yala yabʼ ja Nabal ja swinik ja David, sok jasa skʼulan ja David?

5. ¿Jastal sjeʼa ja Abigail juni ixuk jel snaʼa ja jas wa skʼulani?

Tuk sjobʼjel:

1. Kʼuman ja 1 Samuel 22:1-4.

   ¿Jasa lekil sjeʼjel wa xtaʼatik sbʼaja spamilya ja David bʼa jastal oj bʼobʼ jkoltay jbʼajtik soka jmoj-aljeltiki? (Pro. 17:17; 1 Tes. 5:14.)

2. Kʼuman ja 1 Samuel 25:1-43.

   1. ¿Jas yuj wa xkʼumaniye sbʼaj kistal ja Nabali? (1 Sam. 25:2-5, 10, 14, 21, 25.)

   2. ¿Jasa wa xbʼobʼ snebʼ-e ja cheʼumalik wa xyaʼteltaye Dyos sbʼaja lekil sjeʼjel yaʼakan ja Abigail? (1 Sam. 25:32, 33; Pro. 31:26; Efe. 5:24, YT.)

   3. Sok yuja jas skʼulan ja Abigail, ¿jas chabʼ jasunuk bʼa mi lekuk mixa ni skʼulan ja David? (1 Sam. 25:31, 33; Rom. 12:19; Efe. 4:26.)

   4. Soka jastal skʼulan ja David sbʼaja jas alji yabʼ yuja Abigail, ¿jastal wa xkoltajiye ja winike bʼa junxta oj yil-e ja ixuke jastal wa xyila ja Jyoba? (Hech. 21:8, 9; Rom. 2:11; 1 Ped. 3:7, YT.)

Loʼil 61

1. ¿Jasa skʼulan ja David soka Abisai yajni ja Saúl wan wayel ja bʼa kanel jijlukeʼi?

2. ¿Jastik jobʼji yi ja Saúl yuja David?

3. ¿Bʼa waj ja David yajni chʼak loʼlanuk sok ja Saúl?

4. ¿Jas yuj ja David jel och stristeʼil sok stsʼijbʼan jun tsamal tsʼebʼoj?

5. ¿Janekʼ sjabʼil yiʼoj ja David yajni aji och mandaranum ja bʼa Hebrón, sok jastik sbʼiʼile jujuntik ja yuntikili?

6. ¿Bʼa yaʼa mandar tsaʼan ja David?

Tuk sjobʼjel:

1. Kʼuman ja 1 Samuel 26:1-25.

   1. Soka jas tsʼijbʼunubʼal bʼa 1 Samuel 26:11, ¿jasa wa xnebʼatik sbʼaja David soka jastal skisa ja mandaranumik yaʼunej ochuk ja Jyoba? (Sal. 37:7; Rom. 13:2.)

   2. Ta weʼn waxa kʼujolan sjeʼjel ja lekil akʼujol soka tuki, pe mi x-ajiwi tsʼakatal, ¿jastal wa xbʼobʼ skoltaya ja jas yala ja David bʼa 1 Samuel 26:23? (1 Rey. 8:32; Sal. 18:20.)

2. Kʼuman ja 2 Samuel 1:26.

   ¿Jastal oj bʼobʼ ajyuk yujile ja yaʼtum Dyos bʼa yaj oj yabʼ sbʼaje jastal ajyiyujile ja David soka Jonatán? (1 Ped. 4:8; Col. 3:14; 1 Juan 4:12.)

3. Kʼuman ja 2 Samuel 5:1-10.

   1. ¿Janekʼ jabʼil yaʼa mandar ja David, sok jastal spila sbʼaj ja smandaraneli? (2 Sam. 5:4, 5.)

   2. ¿Jasa waji bʼa jel kʼot najuk sbʼaj ja David, sok jas wa xya juljkʼujoltik ja it ja bʼa jtyempotiki? (2 Sam. 5:10; 1 Sam. 16:13; 1 Cor. 1:31; Fili. 4:13.)

Loʼil 62

1. Soka skoltajel ja Jyoba, ¿jasa ekʼ soka luʼum bʼa Canaán?

2. ¿Jasa ekʼ yajni jun och akʼwal ja David tey bʼa yolom snaj?

3. ¿Jas yuj Jyoba jel tajki soka David?

4. ¿Machunkiluk ja winik bʼa dibujo ja maʼ sjeka ja Jyoba bʼa waj yalyabʼ ja David sbʼaja smuliki, sok jasa yala ja yeʼn oj ekʼ sbʼaj ja David?

5. ¿Jastik wokolik ajyiyuj ja David?

6. ¿Machunkiluk ochkan mandaranum yajni cham ja David?

Tuk sjobʼjel:

1. Kʼuman ja 2 Samuel 11:1-27.

   1. ¿Jastal wa skoltayotik yajni jaʼ wajel jkʼujoltik yaʼteltajel ja Jyoba?

   2. ¿Jastal iji och ja David bʼa koʼel mulal, sok jasa wa sjeʼa kitik ja yaʼtijumotik Dyos bʼa jtyempotik soka jas ekʼi? (2 Sam. 11:2; Mat. 5:27-29; 1 Cor. 10:12; Sant. 1:14, 15.)

2. Kʼuman ja 2 Samuel 12:1-18.

   1. ¿Jasa wa xbʼobʼ snebʼ-e ja ansyanoʼik soka tatalik jastal ja Natán yaʼ yi rason ja David? (2 Sam. 12:1-4; Pro. 12:18; Mat. 13:34.)

   2. ¿Jas yuj Jyoba sjeʼa yi yajulal skʼujol ja David? (2 Sam. 12:13; Sal. 32:5; 2 Cor. 7:9, 10.)

Loʼil 63

1. ¿Jasa jobʼji yi ja Salomón yuja Jyoba, sok jastal sjakʼa?

2. Pes ja Jyoba lekni yabʼ ja jasa skʼana ja Salomón, ¿jasa skʼapa oj yaʼ yi?

3. ¿Jasa kʼumal yiʼoje chabʼ ixuk yalawe yabʼ ja Salomón?

4. Jastal ni wa sjeʼa ja dibujo, ¿jastal stojbʼes ja kʼumal ja Salomón?

5. ¿Jastal ajyi ja tyempo albʼi ja smandaranel ja Salomón, sok jas yuj?

Tuk sjobʼjel:

1. Kʼuman ja 1 Reyes 3:3-28.

   1. ¿Jasa wa snebʼawe ja winik matik akʼubʼalyile xchol ja bʼa xchonabʼil ja Dyosi sbʼaja ja jas yala ja Salomón ja bʼa 1 Reyes 3:7? (Sal. 119:105; Pro. 3:5, 6.)

   2. ¿Jas yuj ja jas skʼana bʼa yorasyon ja Salomón juni lekil sjeʼjel sbʼaja jas oj kʼantik ja bʼa korasyontiki? (1 Rey. 3:9, 11; Pro. 30:8, 9; 1 Juan 5:14.)

   3. Soka jastal stojbʼes ja Salomón ja kʼumal yiʼoje chabʼ ixuke, ¿jastal wa xya jipjkʼujoltik sbʼaja tyempo jakumto ja jas oj skʼuluk ja Jesukristo, ja bʼankilal Salomón? (1 Rey. 3:28; Isa. 9:6, 7; 11:2-4.)

2. Kʼuman ja 1 Reyes 4:29-34.

   1. ¿Jastal sjakʼa Jyoba yajni ja Salomón skʼana jun kʼujol kʼuʼabʼal? (1 Rey. 4:29.)

   2. Soka jastal skʼulane ja ixuk winike yuja tuktukil najtik lugar elyejan bʼa oj jak smaklaye ja Salomón, ¿jastal oj kiltik ja keʼntiki ja spaklajel ja Yabʼal ja Dyosi? (1 Rey. 4:29, 34; Juan 17:3; 2 Tim. 3:16.)

Loʼil 64

1. ¿Janekʼ tyempo yiʼaj yuj ja Salomón yajel kʼeʼuk ja templo bʼa Jyoba, sok jas yuj jel yiʼaj jitsan takʼin?

2. ¿Janekʼ kwarto jel tʼilan yiʼoj ja templo, sok jasa aji ja bʼa kwarto mas chʼikan ochi?

3. ¿Jas junuk yala bʼa yorasyon ja Salomón yajni chʼak tojbʼuk ja templo?

4. ¿Jastal sjeʼa Jyoba gustoniʼay soka yorasyon skʼulan ja Salomón?

5. ¿Jasa bʼobʼ yujile ja xcheʼumik ja Salomón oj skʼuluk, sok jasa kʼe ekʼuki?

6. ¿Jas yuj Jyoba tajki soka Salomón sok jas yala yabʼ?

Tuk sjobʼjel:

1. Kʼuman ja 1 Crónicas 28:9, 10.

   Soka jas yala ja David wa xtax tsʼijbʼunubʼal bʼa 1 Crónicas 28:9, 10, ¿jasa tʼilan oj jkʼujoluktik skʼulajel kʼakʼu kʼakʼu ja bʼa jsakʼaniltiki? (Sal. 19:14; Fili. 4:8, 9.)

2. Kʼuman ja 2 Crónicas 6:12-21, 32-42.

   1. ¿Jastal sjeʼa Salomón mini bʼa jun naʼits kʼulubʼal yuj winik wa xbʼobʼ ajyuk ja Jyobaji? (2 Cró. 6:18; Hech. 17:24, 25.)

   2. ¿Jasa wa sjeʼa kitik sbʼaja Jyoba soka jas yala ja Salomón bʼa 2 Crónicas 6:32, 33? (Hech. 10:34, 35, YT; Gál. 2:6.)

3. Kʼuman ja 2 Crónicas 7:1-5.

   Junxta jastal nijkesi yi ja skʼujol ja israʼelenyo stoyjel ja Jyoba yajni yilawe koʼ ja yijlabʼ ja Yeʼn bʼa yojol ja templo, ¿jastal wa skoltayotik ja keʼntiki yuja wa xkilatik jastal ja Jyoba wa xya koʼ slekilal ja xchonabʼi? (2 Cró. 7:3; Sal. 22:22; 34:1; 96:2.)

4. Kʼuman ja 1 Reyes 11:9-13.

   ¿Jastal wa sjeʼa soka jas skʼulan ja Salomón tʼilani tolabida toj oj ajyukotik soka Jyoba? (1 Rey. 11:4, 9; Mat. 10:22; Apo. 2:10.)

Loʼil 65

1. ¿Jas sbʼiʼile ja chabʼ winik tey bʼa dibujo sok machʼtike?

2. ¿Jas skʼulan soka skʼu lapan yuj ja Ahíya, sok jas wa sbʼejan ja jasa skʼulani?

3. ¿Jasa sleʼa modo ja Salomón oj skʼul yi ja Jeroboán?

4. ¿Jas yuj ja ixuk winik yawe och mandaranum ja Jeroboán ja bʼa lajune kʼole israʼelenyo?

5. ¿Jas yuj Jeroboán skʼulan chabʼ yal beserro bʼa oro, sok tʼusan tsaʼan jas ekʼ sbʼaj ja chonabʼi?

6. ¿Jasa ekʼ sbʼaj ja bʼa chabʼ kʼoleʼik bʼa Israel soka stemplo ja Jyoba bʼa Jerusalén?

Tuk sjobʼjel:

1. Kʼuman ja 1 Reyes 11:26-43.

   ¿Jas tikʼe winikil ja Jeroboán, sok jasa skʼapa yi ja Jyoba ta kʼuʼabʼal ajyi sok ja yeʼn? (1 Rey. 11:28, 38.)

2. Kʼuman ja 1 Reyes 12:1-33.

   1. ¿Jasa wa xbʼobʼ snebʼ-e ja tatalik, ja ansyanoʼik soka jasa mi lek skʼulan ja Rehoboam bʼa mi oj jelxuke soka xchol yiʼojeʼi? (1 Rey. 12:13; Ecl. 7:7; 1 Ped. 5:2, 3.)

   2. ¿Machʼa oj bʼobʼ sjipskʼujole ja keremtik akʼixuk bʼa oj skʼan-e yi skoltajel ja bʼa sakʼanileʼi? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)

   3. ¿Jas yuj Jeroboán yaʼa kulan chabʼ lugar bʼa skʼapjel yi majtanal ja kʼulubʼal beserro bʼa oro, soka it jastal sjeʼa mini sjipa skʼujol bʼa Jyoba? (1 Rey. 11:37; 12:26-28.)

   4. ¿Maʼ ya kʼejan ja wokol ja bʼa lajune kʼole israʼelenyo sbʼaja yaʼteltajel ja Dyos smeranili? (1 Rey. 12:32, 33.)

Loʼil 66

1. ¿Machunkiluk ja Jezabel?

2. ¿Jas yuj jun kʼakʼu ja mandaranum Acab jel tristeʼay?

3. ¿Jasa skʼulan ja Jezabel bʼa oj ya sbʼajukan ja statam, ja Acab, ja yalajil stsʼusubʼil ja Nabot?

4. ¿Machʼa sjeka Jyoba bʼa oj skʼul kastigar ja Jezabel?

5. Jastal wa x-ilxi bʼa dibujo, ¿jasa ekʼ yajni Jehú kʼot ja bʼa niwan snaj ja Jezabel?

Tuk sjobʼjel:

1. Kʼuman ja 1 Reyes 16:29-33 sok 18:3, 4.

   ¿Bʼa man kʼot ja skistalil ja jastik junuk wa xkʼulaxi bʼa Israel ja bʼa janekʼ albʼi ja smandaranel ja Acab? (1 Rey. 14:9.)

2. Kʼuman ja 1 Reyes 21:1-16.

   1. ¿Jastal sjeʼa Nabot jun winik mini xiwa sok tojni ajyi soka Jyoba? (1 Rey. 21:1-3; Lev. 25:23-28.)

   2. ¿Jasa wa sjeʼa kitik soka jas skʼulan ja Acab bʼa jastal oj jkʼuluktik yajni mi x-ekʼ ja jastal wa xkʼanatiki? (1 Rey. 21:4; Rom. 5:3-5.)

3. Kʼuman ja 2 Reyes 9:30-37.

   ¿Jasa wa xnebʼatik soka jastal weʼgo skʼulan ja Jehú ja jasa skʼana ja Jyoba? (2 Rey. 9:4-10; 2 Cor. 9:1, 2; 2 Tim. 4:2.)

Loʼil 67

1. ¿Machunuk ja Jehosafat, sok jas tyempoʼil ajyi sakʼan?

2. ¿Jas yuj wa xiwye ja israʼelenyo, sok jas skʼulane jitsan bʼa yeʼnle?

3. ¿Jastal sjakʼa Jyoba ja yorasyon ja Jehosafat?

4. ¿Jasa skʼulan ja Jyoba aʼekʼuk bʼajtanto yuj oj kʼotuke ja israʼelenyo bʼa kʼakʼaneli?

5. ¿Jasa wa xbʼobʼ jnebʼtik sbʼaja Jehosafat?

Tuk sjobʼjel:

1. Kʼuman ja 2 Crónicas 20:1-30.

   1. ¿Jastal sjeʼa Jehosafat ja jasa oj skʼuluke ja yaʼtum Dyos yajni wa x-alji ay jas oj kʼulajuk yileʼi? (2 Cró. 20:12; Sal. 25:15; 62:1.)

   2. Jyoba tolanibida ay jas ya makunuk bʼa ya ekʼ yi rasonik ja xchonabʼi, ¿jas wa xya makunuk ja bʼa jtyempotiki? (2 Cró. 20:14, 15; Mat. 24:45-47; Juan 15:15.)

   3. Yajni Jyoba xyiʼaj kon ja «kʼakʼanel ja bʼa niwan skʼakʼuʼil ja Dyos» jel juntiro yipi, ¿jastal wa slaja sbʼaj soka jas oj jkʼuluktik ja bʼa niwan kʼakʼanel jakumto soka jastal skʼulan ja Jehosafat? (2 Cró. 20:15, 17; 32:8; Apo. 16:14, 16.)

   4. Jastal ni skʼulane ja levita jumasaʼ, ¿jastal wa xkoltaniye ja matik wa x-aʼtiye bʼa tyempo tsʼikan soka matik wa xwajye bʼa tuktukil chonabʼ ja bʼa xcholjel ekʼ ja lekil rasoni? (2 Cró. 20:19, 21; Rom. 10:13-15; 2 Tim. 4:2.)

Loʼil 68

1. ¿Machunkil ja winik, ja ixuk sok ja yal kerem wa x-ilxi bʼa dibujo, sok jasa ekʼ sbʼaj jun kʼakʼu ja yal keremi?

2. ¿Jasa skʼana bʼa orasyon ja Elías sbʼaja yal keremi, sok jasa ekʼi?

3. ¿Jas sbʼiʼil ja maʼ skolta ja Eliasi?

4. ¿Jas yuj ja Eliseo tʼilan waj bʼa snaj jun ixuk ti sbʼaj bʼa chonabʼ Sunem?

5. ¿Jasa skʼulan ja Eliseo, sok jasa ekʼ sok ja yal kerem chameli?

6. ¿Jastal sjeʼa soka jas skʼulan ja Elías soka Eliseo ja janekʼ yip yiʼoj ja Jyoba?

Tuk sjobʼjel:

1. Kʼuman ja 1 Reyes 17:8-24.

   1. ¿Jastal aji och preba ja skʼuʼajel soka sjipjelskʼujol yiʼoj ja Elías sbʼaja Jyoba? (1 Rey. 17:9; 19:1-4, 10.)

   2. ¿Jas yuj jel niwan waj ja sjipjelskʼujol bʼa Jyoba ja biguda bʼa chonabʼ Sarepta? (1 Rey. 17:12-16; Luc. 4:25, 26.)

   3. ¿Jastal wa sjeʼa ja jas ekʼ sok ja biguda bʼa Sarepta soka jas yala ja Jesús bʼa Mateo 10:41, 42? (1 Rey. 17:10-12, 17, 23, 24.)

2. Kʼuman ja 2 Reyes 4:8-37.

   1. ¿Jasa wa sjeʼa kitik soka jastal jel lek sjeʼa ja smodo ja biguda? (2 Rey. 4:8; Luc. 6:38; Rom. 12:13; 1 Juan 3:17.)

   2. ¿Jastal oj bʼobʼ jeʼ lekilal jkʼujoltik sbʼaja matik wa xyaʼteltay ja Dyos ja bʼa jtyempotiki? (Hech. 20:35; 28:1, 2; Gál. 6:9, 10; Heb. 6:10.)

Loʼil 69

1. ¿Jasa wan yaljel yabʼ ja yal akʼix ja ixuk bʼa dibujo?

2. ¿Machunkiluk ja ixuk bʼa dibujo, sok jas yuj ja yal akʼixi tey bʼa snaj?

3. ¿Jasa yala yabʼ ja Eliseo ja maʼ wa xkoltajiyuji ayalyabʼ ja Naamán, sok jas yuj ja Naamán tajki?

4. ¿Jasa ekʼ yajni ja Naamán skʼuʼan ja jas alji yabʼ yuja yaʼtijumiki?

5. ¿Jas yuj ja Eliseo mi yiʼajkan ja majtanal wa x-aji yi yuja Naamán, pe jas skʼulan ja Guehazí?

6. ¿Jasa ekʼ sbʼaj ja Guehazí, sok jasa wa xnebʼatik?

Tuk sjobʼjel:

1. Kʼuman ja 2 Reyes 5:1-27.

   1. ¿Jastal wa skoltay ja keremtik akʼixuk jumasaʼ ja lekil sjeʼjel ja yal akʼix israʼelenya? (2 Rey. 5:3; Sal. 8:2; 148:12, 13.)

   2. ¿Jas yuj jel tʼilan oj katik juljkʼujoltik ja lekil sjeʼjel ja Naamán yajni wa x-ajikitik jun rason bʼa Biblia? (2 Rey. 5:15; Heb. 12:5, 6; Sant. 4:6.)

   3. ¿Jastik wa xnebʼatik soka jastal tuk sjeʼa ja smodo ja Eliseo soka tuk sjeʼa ja Guehazí? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)

Loʼil 70

1. ¿Machunkiluk ja Jonás, sok jas alji yabʼ yuja Jyoba oj skʼuluk?

2. Yuja mi skʼana oj wajuk ja bʼa jekji yuja Jyoba, ¿jasa skʼulan ja Jonás?

3. ¿Jasa skʼana oj kʼulajuk yi ja Jonás bʼa oj lamxuk ja tsatsal chawuk jaʼi?

4. Jastal ni waxa wila bʼa dibujo, ¿jasa ekʼ yajni ja Jonás mukxi koʼ ja bʼa yojol ja mari?

5. ¿Janekʼ kʼakʼu albʼi ja bʼa yoj slukum ja chayi, sok jasa skʼulan ja tiw?

6. ¿Bʼa waj ja yajni el ja bʼa slukum ja niwan chayi, sok jasa wa sjeʼa kitik ja it?

Tuk sjobʼjel:

1. Kʼuman ja Jonás 1:1-17.

   ¿Jastal maʼ yila Jonás ja aʼtel akʼubʼal yi yuja Jyoba bʼa xcholjel yabʼ ja ixuk winik bʼa Nínive? (Jon. 1:2, 3; Pro. 3:7; Ecl. 8:12.)

2. Kʼuman ja Jonás 2:1, 2, 10.

   ¿Jastal wa sjeʼa kitik soka jas skʼulan ja Jonás ojni jbʼobʼ jipjkʼujoltik bʼa Jyoba ja yeʼn ojni sjakʼ ja orasyon wa xkatik yiʼi? (Sal. 22:24; 34:6; 1 Juan 5:14.)

3. Kʼuman ja Jonás 3:1-10.

   1. ¿Jastal wa skoltayotik snajel ja Jyoba yato ni makunuk ja Jonás anima mi skʼuʼan jan ja bʼajtani? (Sal. 103:14; 1 Ped. 5:10.)

   2. ¿Jasa wa sjeʼa kitik ja Jonás soka swinkil bʼa Nínive mini lekuk spensarajel bʼajtan mi oj skis-e ja matik wa xcholotik yabʼ ja lekil rason bʼa jkomontiki? (Jon. 3:6-9; Ecl. 11:6; Hech. 13:48.)

Loʼil 71

1. ¿Jas wa stojolan ja sat loʼil kʼachinubʼ, sok jas wa xya juljkʼujoltik?

2. ¿Jas yuj xchʼayawe ja Adán soka Eva ja tsamal snajeʼi?

3. ¿Jasa wa skʼapa Jyoba sbʼaja matik kʼuʼabʼal wa x-ajyiye smoki?

4. ¿Machʼa waj ja Isaías, jas tyempoʼil ajyi sakʼan, sok jas sjeʼa yi ja Jyoba?

5. ¿Jasa yala yabʼ ja Jyoba ja Isaías a-stsʼijbʼuk sbʼaja yajkʼachil Kʼachinubʼ jakumtoʼi?

Tuk sjobʼjel:

1. Kʼuman ja Isaías 11:6-9.

   1. ¿Jastal wa xcholo ja Yabʼal ja Dyos ja lamanil oj ajyuk ja sakʼanil ja chante soka winik ja bʼa Kʼachinubʼi? (Sal. 148:10, 13; Isa. 65:25; Eze. 34:25.)

   2. ¿Jastal wan ekʼel ja bʼa jtyempotik ja jas yala Isaías sbʼaja xchonabʼ ja Jyoba? (Rom. 12:2; Efe. 4:23, 24.)

   3. ¿Machʼa wa sbʼajin ja toyjel yuja jitsan ixuk winik stukbʼeseta ja smodoʼe ja bʼa jtyempotik, soka ojto ekʼuk ja bʼa Kʼachinubʼ jakumtoʼi? (Isa. 48:17, 18; Gál. 5:22, 23; Fili. 4:7.)

2. Kʼuman ja Apocalipsis 21:3, 4.

   1. ¿Jastal wa sjeʼa ja Biblia yajni wa xyala ja Dyos teysok ja ixuk winik bʼa Luʼum mi wa stojolan oj kiltik? (Lev. 26:11, 12; 2 Cró. 6:18; Isa. 66:1; Apo. 21:2, 3, 22-24.)

   2. ¿Jastik oj chʼayuk snajel bʼa wa xya okotik sok bʼa yaj xkabʼtik? (Luc. 8:49-52; Rom. 8:21, 22; Apo. 21:4.)

Loʼil 72

1. ¿Machunkiluk ja winik bʼa dibujo, sok jas yuj wa xtax bʼa niwakik wokol?

2. ¿Jas wa xyala ja kartaʼik yaʼoj ja Ezequías ja bʼa stiʼ sat ja Jyoba, sok jasa skʼana yi bʼa orasyon?

3. ¿Jas tikʼe mandaranum ja Ezequías, sok jasa rason jekji yi yuja Jyoba ya ekʼ yi ja Isaías?

4. Jastal wa sjeʼa ja dibujo, ¿jas skʼulan ja anjel sbʼaja kʼakʼanumik bʼa Asiria?

5. Anke bʼa jun tyempo ja chabʼ kʼole bʼa Israel ajyi slamanile, ¿jasa ekʼ tsaʼan yajni cham ja Ezequías?

Tuk sjobʼjel:

1. Kʼuman ja 2 Reyes 18:1-36.

   1. ¿Jastal sleʼa modo ja Rabsaqué, ja maʼ bʼajtan wa xkʼumani bʼa tuk kʼakʼanumiki, bʼa oj ya tsʼujuk ja skʼuʼajel yiʼoje ja israʼelenyo sbʼaja Dyos bʼa mini oj skʼuluke ganar? (2 Rey. 18:19, 21; Éxo. 5:2; Sal. 64:3.)

   2. ¿Jastal wa sjeʼawe ja taʼumantiʼ bʼa Jyoba wa snochowe ja lekil sjeʼjel ja Ezequías yajni mi lek x-iljiyeʼi? (2 Rey. 18:36; Sal. 39:1; Pro. 26:4; 2 Tim. 2:24.)

2. Kʼuman ja 2 Reyes 19:1-37.

   1. Yajni aye bʼa wokol, ¿jastal wa snochowe ja xchonabʼ ja Jyoba ja bʼa jtyempotik ja lekil smodo ja Ezequías? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)

   2. ¿Jas oxe ekʼele kʼulaji ganar ja mandaranum Senaquerib, sok machʼa wa senyaʼan? (2 Rey. 19:32, 35, 37; Apo. 20:2, 3.)

3. Kʼuman ja 2 Reyes 21:1-6, 16.

   ¿Jas yuj wa x-alxi june ja bʼa mandaranumik bʼa jelxel xa yaʼa ja smandar ja bʼa Jerusalén jani waj ja Manasés? (2 Cró. 33:4-6, 9.)

Loʼil 73

1. ¿Janekʼ jabʼil yiʼoj ja Josías yajni och mandaranum, sok jasa kʼe skʼuluk yajni ayxa juke jabʼil wan yajel mandari?

2. ¿Jas wan skʼulajel ja Josías ja bʼa bʼajtan dibujo?

3. ¿Jasa staʼa ja Hilquías ja bʼa wane stojbʼesel ja templo?

4. ¿Jas yuj Josías xchʼiʼa ja skʼuʼi?

5. ¿Jasa rason bʼa Jyoba yaʼ ekʼ yi ja aluman Huldá sbʼaja Josías?

Tuk sjobʼjel:

1. Kʼuman ja 2 Crónicas 34:1-28.

   1. ¿Jasa sjeʼjel yaʼakan kitik ja Josías sbʼaja matik ajyel jun skʼiʼelal bʼa wokol? (2 Cró. 33:21-25; 34:1, 2; Sal. 27:10.)

   2. ¿Jasa kʼe skʼuluk ja Josías bʼa oj kʼe aʼteltaxuk ja Dyos smeranil ja bʼa waxake, 12 sok ja bʼa 18 jabʼil ja bʼa smandaraneli? (2 Cró. 34:3, 8.)

   3. ¿Jasa wa sjeʼakan kitik ja mandaranum Josías soka mero olomal Hilquías sbʼaja tʼilan tsamalxta oj katik ajyuk ja lugar wa stsomo jbʼajtiki? (2 Cró. 34:9-13; Pro. 11:14; 1 Cor. 10:31.)

Loʼil 74

1. ¿Machunkiluk ja winik bʼa dibujo?

2. ¿Jastal maʼ spensaraʼan ja yeʼn ja oj och alumani, pe jasa yala yabʼ ja Jyoba?

3. ¿Jasa rason wa xyala ekʼ yabʼ ja ixuk winik ja Jeremías?

4. ¿Jastal sleʼawe modo ja olomalik bʼa oj yakan skʼulajel ja jas wan yaljel ekʼ ja Jeremiasi, pe jastal sjeʼa ja yeʼn mini tʼun xiwa?

5. ¿Jasa ekʼ sbʼaj ja israʼelenyoʼik yuja mi yaʼawekan skʼulajel ja jastik junuk bʼa mi lekuki?

Tuk sjobʼjel:

1. Kʼuman ja Jeremías 1:1-8.

   1. Jastal ni wa sjeʼa ja Jeremías, ¿jasa wa xchapji yuj jun ixuk winik bʼa yaʼteltajel ja Jyoba? (2 Cor. 3:5, 6.)

   2. ¿Jastal wa xkoltaji ja keremtik akʼixuk wa xyaʼteltaye ja Dyos ja lekil sjeʼjel ja Jeremías? (Ecl. 12:1; 1 Tim. 4:12.)

2. Kʼuman ja Jeremías 10:1-5.

   ¿Jasa ya makunuk ja Jeremías bʼa oj sjeʼ mini xmakuni sjipjeljkʼujoltik bʼa kʼulubʼal dyosik? (Jer. 10:5; Isa. 46:7; Hab. 2:19.)

3. Kʼuman ja Jeremías 26:1-16.

   1. Ja wa xcholotik ja jasa oj skʼuluk ja Dyos ja bʼa jtyempotik, ¿jastal yaʼuneje yi stʼilanil ja tʼusanxta snochuman ja Jesús aye bʼa Luʼum sok ojto wajuke bʼa satkʼinali ja mandar yaʼ yi Jyoba ja Jeremías bʼa «yaljel tsʼikan ja abʼal bʼa Jyoba»? (Jer. 26:2; Deu. 4:2; Hech. 20:27.)

   2. ¿Jasa lekil sjeʼjel bʼa jtyempotik yaʼakan ja Jeremías sbʼaja taʼumantiʼ bʼa Jyoba ja bʼa xcholjel ekʼ yabʼ ja chonabʼik ja jasa oj skʼuluk ja Jyoba? (Jer. 26:8, 12, 14, 15; 2 Tim. 4:1-5.)

4. Kʼuman ja 2 Reyes 24:1-17.

   ¿Jastal elye kʼot ja swinkil Judá yuja mi kʼuʼabʼal ajiye soka Jyoba? (2 Rey. 24:2-4, 14.)

Loʼil 75

1. ¿Machunuke ja chane kerem bʼa dibujo, sok jas wanuke bʼa Babilonia?

2. ¿Jasa wa skʼana oj skʼul soka chane kerem ja Nabucodonosor, sok jas yala yabʼ oj skʼuluk ja yaʼtijumiki?

3. ¿Jasa skʼana ja Daniel soka bʼa oxe yamigo bʼa oj yabʼye sok bʼa oj yuʼe?

4. Yajni ekʼta lajune kʼakʼu wane yabʼjel waʼelal wa xkʼi bʼa luʼum, ¿jastal xa skʼeljele ja Daniel soka oxe yamigo yajni aji slasbʼaje soka tuk keremtiki?

5. ¿Jas yuj Daniel soka oxe yamigo ijiye och ja bʼay ja mandaranumi, sok jasa wa stojolan mas lekik ja yeʼnle yuja kʼintanum jumasaʼ?

Tuk sjobʼjel:

1. Kʼuman ja Daniel 1:1-21.

   1. ¿Jasa tʼilan oj jkʼuluktik yajni xkʼankʼuni jkʼujoltik skʼulajel ja bʼa mi lekuki sok stajel kiptik bʼa yajel kani? (Dan. 1:8; Gén. 39:7, 10; Gál. 6:9.)

   2. ¿Jastal oj bʼobʼ tʼenjuke ja keremtik akʼixuk bʼa oj skʼuluke ja jasa wa xyalawe ja tuk jelni lek skʼulajela? (Dan. 1:8; Pro. 20:1; 2 Cor. 6:17–7:1.)

   3. Yajni wa xpaklaytik ja loʼil it sbʼaja chane keremtik israʼelenyo, ¿jasa wa skoltayotik snajel sbʼaja chapjelal wa xyaʼa ja luʼumkʼinal it? (Dan. 1:20; Isa. 54:13; 1 Cor. 3:18-20.)

Loʼil 76

1. ¿Jasa wan ekʼel sbʼaj ja Jerusalén soka israʼelenyoʼiki?

2. ¿Machunkiluk ja Ezequiel, sok jastik junuk bʼa jel kistal wa xjeʼji yi yuja Jyoba?

3. Yuja israʼelenyo mi skisawe ja Jyoba, ¿jasa yala ja Jyoba?

4. ¿Jasa skʼulan ja mandaranum Nabucodonosor tsaʼan yajni ja israʼelenyoʼik skʼokowe ja smandari?

5. ¿Jas yuj Jyoba yaʼakan ajak sbʼaje ja kastigo it ja israʼelenyo?

6. ¿Jas yuj mini jun swinkil kan ja bʼa chonabʼ Jerusalén, sok janekʼ tyempo albʼi jachuk?

Tuk sjobʼjel:

1. Kʼuman ja 2 Reyes 25:1-26.

   1. ¿Machunkiluk ja Sedequías, jasa ekʼ sbʼaj, sok jastal ja it kʼot smeranil jun jasunuk tsʼijbʼunubʼalkan bʼa Biblia? (2 Rey. 25:5-7; Eze. 12:13-15.)

   2. ¿Machʼa ya smuluk ja Jyoba yuja chonabʼ Israel yaʼawekan ja smandari? (2 Rey. 25:9, 11, 12, 18, 19; 2 Cró. 36:14, 17.)

2. Kʼuman ja Ezequiel 8:1-18.

   ¿Jastal wa sjeʼawe ja matik wa xyalawe snochumane Kristo jachuke jastal ja israʼelenyoʼik yawe yi stoyjel ja Kʼaʼuji? (Eze. 8:16; Isa. 5:20, 21; Juan 3:19-21; 2 Tim. 4:3.)

Loʼil 77

1. ¿Jasa mandar yaʼa ja Nabucodonosor, ja mandaranum bʼa Babilonia?

2. ¿Jas yuj ja oxe yamigoʼik ja Daniel mi koʼye sbʼaj mekʼan ja niwan splanta kʼulubʼal dyos bʼa oro?

3. Yajni ja Nabucodonosor yaʼato kan pilan ekʼele akoʼuke sbʼaj mekʼan ja splanta dyos ja oxe keremtik, ¿jastal sjeʼawe ja yeʼnle wani sjipawe skʼujol bʼa Jyoba?

4. ¿Jasa yala ja Nabucodonosor a-skʼuluke ja swinike sbʼaja Sadrac, Mesac soka Abednego?

5. ¿Jasa yila ja Nabucodonosor ja bʼa yojol ja orno?

6. ¿Jas yuj ja mandaranumi stoyo ja sDyos ja Sadrac, Mesac soka Abednego, sok jasa wa sjeʼa kitik ja it?

Tuk sjobʼjel:

1. Kʼuman ja Daniel 3:1-30.

   1. ¿Jas modoʼal bʼa lek sjeʼawe ja oxwane israʼelenyo tʼilan oj jnochtik ja yaʼtum Dyos yajni xjak jbʼajtik wokol bʼa wa x-aji och preba ja jastal toj aytik soka Dyosi? (Dan. 3:17, 18; Mat. 10:28; Rom. 14:7, 8.)

   2. ¿Jasa sjeʼa yi Jyoba bʼa snebʼjel ja Nabucodonosor? (Dan. 3:28, 29; 4:34, 35.)

Loʼil 78

1. ¿Jasa ekʼ yajni ja mandaranum bʼa Babilonia yaʼa jun niwan kʼin sok jaʼ ya makunuke ja bʼis soka basijaʼik bʼa stemplo ja Jyoba bʼa Jerusalén?

2. ¿Jasa yala Belsasar a-skʼuluke ja skʼintanumiki, pe jasa mi bʼobʼ yujile skʼulajeli?

3. ¿Jasa skʼana ja snan a-skʼuluk ja Belsasar?

4. Jastal ni alji yabʼ ja mandaranum yuja Daniel, ¿jas yuj ja Dyos skʼulan jun yal kʼabʼal a-tsʼijbʼanuk ja bʼa sat naʼitsi?

5. ¿Jastal xcholo ja Daniel ja stojolil ja jas tsʼijbʼunubʼal ja bʼa sat naʼitsi?

6. ¿Jasa ekʼ yajni ja Daniel wanto kʼumal?

Tuk sjobʼjel:

1. Kʼuman ja Daniel 5:1-31.

   1. ¿Jasa stukil ja xiwelal bʼa Dyos soka xiwelal yiʼoj ja Belsasar yajni yila ja jas tsʼijbʼunubʼal bʼa sat naʼitsi? (Dan. 5:6, 7; Sal. 19:9; Rom. 8:35-39.)

   2. ¿Jastal sjeʼa ja Daniel mini tʼun xiwa yajni kʼumani bʼa stiʼ sat ja Belsasar soka matik ay niwak xcholi? (Dan. 5:17, 18, 22, 26-28; Hech. 4:29.)

   3. ¿Jastal wa sjeʼa ja kapitulo 5 bʼa Daniel ja Jyoba kechanta ni yeʼn wa xbʼobʼ skʼul mandar bʼa spetsanil ja luʼumkʼinali? (Dan. 4:17, 25; 5:21.)

Loʼil 79

1. ¿Machunkiluk ja Darío, sok jastal wa spensaraʼan sbʼaja Daniel?

2. ¿Jasa bʼobʼ yujile jujuntik winik ilkʼujolanum a-skʼuluk ja Darío?

3. ¿Jasa skʼulan ja Daniel yajni yabʼ ja ajkʼach mandar kʼulaxi?

4. ¿Jas yuj och stristeʼil ja Darío sok yuja jaw mi bʼobʼ och swayel, sok jas skʼulan yajni kʼe chiknajuk ja yijlabʼ ja Kʼaʼuji?

5. ¿Jasa sjakʼa ja Daniel yajni kʼumaji yuj ja Darío?

6. ¿Jasa ekʼ sbʼaj ja winike matik sleʼawe modo oj smil-e ja Daniel, sok jasa stsʼijbʼan ja Darío bʼa spetsanil ja chonabʼ tey bʼa yoj skʼabʼi?

Tuk sjobʼjel:

1. Kʼuman ja Daniel 6:1-28.

   1. Soka jas kʼulaji yi ja Daniel yuja skontraʼiki, ¿jasa wa xya juljkʼujoltik soka jas wa skʼulane ja matik wa x-ilwaniye kontra bʼa jtyempotiki bʼa oj yawe kʼot tekʼan ja yaʼtele ja taʼumantiʼ bʼa Jyoba? (Dan. 6:7; Sal. 94:20; Isa. 10:1; Rom. 8:31.)

   2. ¿Jastal wa xbʼobʼ jnochtik ja yaʼtijumotik Dyos ja jas skʼulan ja Daniel sbʼaja gobyerno jumasaʼ? (Dan. 6:5, 10; Rom. 13:1; Hech. 5:29.)

   3. ¿Jastal oj bʼobʼ kaʼteltaytik ja Jyoba kʼakʼu akʼwal jastal skʼulan ja Daniel? (Dan. 6:16, 20; Fili. 3:16; Apo. 7:15.)

Loʼil 80

1. Jastal wa x-ilxi ja bʼa dibujo, ¿jas wane skʼulajel ja israʼelenyo?

2. ¿Jastal ya kʼot smeranil ja Ciro ja jas yala ja Jyoba ya ekʼ yi ja Isaías?

3. ¿Jasa yala yabʼ ja Ciro ja israʼelenyoʼik matik mixa xbʼobʼ wajuke ja bʼa Jerusalén?

4. ¿Jasa yaʼa ja Ciro oj yiʼe och ja ixuk winik ja bʼa Jerusalén?

5. ¿Janekʼ tyempo albʼiye ja israʼelenyo bʼa oj kʼotuke ja bʼa Jerusalén?

6. ¿Janekʼ jabʼil ekʼel man ja Jerusalén mini jun swinkil kanel?

Tuk sjobʼjel:

1. Kʼuman ja Isaías 44:28 sok 45:1-4.

   1. ¿Jastal sjeʼa Jyoba kʼotni smeranil ja jas yalunej sbʼaja Ciro? (Isa. 55:10, 11; Rom. 4:17.)

   2. Soka jas yala ja Isaías sbʼaja Ciro, ¿jastal wa sjeʼa ja it ja Jyoba wani snaʼa ja jas ojto ekʼuki? (Isa. 42:9; 45:21; 46:10, 11; 2 Ped. 1:20.)

2. Kʼuman ja Esdras 1:1-11.

   Jastal skʼulane ja israʼelenyoʼik matik mixa wajye bʼa Jerusalén, ¿jastal oj bʼobʼ jkʼuluktik ja bʼa jtyempotik skoltajel soka bʼa yaʼtele ja matik wa xkʼe yaʼteltaye ja Jyoba bʼa tyempo tsʼikan? (Esd. 1:4, 6; Rom. 12:13; Col. 4:12.)

Loʼil 81

1. ¿Janekʼ ixuk winik elye bʼa Babilonia sok yaʼawe yi ja najat bʼejyel man Jerusalén, sok jasa staʼawe yajni kʼotyeʼi?

2. ¿Jasa kʼe stul-e yi yajel kʼeʼuk ja israʼelenyoʼik yajni kʼotye bʼa Jerusalén, pe jasa skʼulane ja skontraʼeʼi?

3. ¿Machunkiluk ja Ageo soka Zacarías, sok jas yalawe yabʼ ja ixuk winiki?

4. ¿Jas yuj ja Tatenai sjeka jun juʼun man Babilonia, sok jastal jakʼji yi?

5. ¿Jasa skʼulan ja Esdras yajni yabʼ ja stʼilanil yiʼoj oj ajuk tojbʼuk ja stemplo ja Dyosi?

6. Jastal waxa wila bʼa dibujo, ¿jasa skʼana ja Esdras bʼa yorasyon? ¿Jastal sjakʼa yi ja Jyoba? ¿Sok jas wa sjeʼa kitik ja it?

Tuk sjobʼjel:

1. Kʼuman ja Esdras 3:1-13.

   Ta wala taxtik bʼa jun lugar mey jmoj-aljeltik bʼa stsomjel jbʼajtik ja bʼa xchonabʼil ja Dyos, ¿jas tʼilan mini oj katikan yajel? (Esd. 3:3, 6; Hech. 17:16, 17; Heb. 13:15.)

2. Kʼuman ja Esdras 4:1-7.

   ¿Jasa lekil sjeʼjel yaʼakan ja Zorobabel sbʼaja xchonabʼil ja Jyoba bʼa jtyempotik bʼa mi lek sokjel ja skʼuʼajel kiʼojtik sok tuk relijyon? (Éxo. 34:12; 1 Cor. 15:33; 2 Cor. 6:14-17.)

3. Kʼuman ja Esdras 5:1-5, 17 sok 6:1-22.

   1. ¿Jas yuj ja kontraʼanumiki mi bʼobʼ yawe kʼot tekʼan ja yajel kʼeʼuk ja stemplo ja Jyoba? (Esd. 5:5; Isa. 54:17.)

   2. ¿Jastal wa stsatsankʼujolaji ja ansyano jumasaʼ bʼa jtyempotik ja lekil sjeʼjel ja ansyanoʼik judío bʼa slejel ja skoltajel ja Jyoba yajni kontra wa x-iljiye? (Esd. 6:14; Sal. 32:8; Rom. 8:31; Sant. 1:5.)

4. Kʼuman ja Esdras 8:21-23, 28-36.

   Bʼajtanto yuj oj jkʼultik jun jasunuk, ¿jasa lekil sjeʼjel bʼa Esdras tʼilan oj jnochtik? (Esd. 8:23; Sal. 127:1; Pro. 10:22; Sant. 4:13-15.)

Loʼil 82

1. ¿Machunkiluk ja Mardoqueo soka Ester?

2. ¿Jas yuj ja mandaranum Asuero stsaʼa pilan xcheʼum, sok maʼ stsaʼa?

3. ¿Machunkiluk ja Hamán sok jas yuj kʼe skoraja?

4. ¿Jasa mandar kʼulaji, sok jas skʼulan ja Ester yajni kʼot sbʼaj ja rason sbʼa Mardoqueo?

5. ¿Jas ekʼ sbʼaj ja Hamán, sok jasa ekʼ sbʼaj ja Mardoqueo?

6. ¿Jastal skoltay sbʼaje ja israʼelenyo bʼa mi oj miljuke yuja skontraʼe?

Tuk sjobʼjel:

1. Kʼuman ja Ester 2:12-18.

   ¿Jastal sjeʼa ja Ester ja stʼilanil yiʼoj sjeʼjel jun kʼujolal bʼa laman? (Est. 2:15; 1 Ped. 3:1-5.)

2. Kʼuman ja Ester 4:1-17.

   Junxta jastal ja Ester stsaʼa skoltajel ja bʼa yaʼteltajel ja Dyos smeranil, ¿jastal oj bʼobʼ jeʼtik ja bʼa jtyempotik ja yajtanel sok yajeljbʼajtik bʼa kechanta yaʼteltajel ja Dyosi? (Est. 4:13, 14; Mat. 5:14-16; 24:14.)

3. Kʼuman ja Ester 7:1-6.

   Junxta jastal Ester, ¿jastal wala taxtik bʼa wokol ja yaʼtum jumasaʼ Dyos ja bʼa jtyempotiki? (Est. 7:4; Mat. 10:16-22; 1 Ped. 2:12.)

Loʼil 83

1. ¿Jastal aye xyabʼ ja ixuk winik yuja mi kʼeʼeluk ja sbardaʼil ja Jerusalén?

2. ¿Machunkiluk ja Nehemías?

3. ¿Jasa yaʼtel ja Nehemías, sok jas yuj jel tʼilan?

4. ¿Jas jasunuk aji tristeʼaxuk ja Nehemías, sok jasa skʼulan?

5. ¿Jastal sjeʼa ja slekil skʼujol ja mandaranum Artajerjes sbʼaja Nehemías?

6. ¿Jastal xchapa ja Nehemías ja yajel kʼeʼuk ja sbardaʼil ja Jerusalén bʼa jachuk ja kontraʼanum jumasaʼ mi oj yawe kʼot tekʼan ja aʼteli?

Tuk sjobʼjel:

1. Kʼuman ja Nehemías 1:4-6 sok 2:1-20.

   ¿Jastal sleʼa skoltajel ja Nehemías bʼa Jyoba? (Neh. 2:4, 5; Rom. 12:12; 1 Ped. 4:7.)

2. Kʼuman ja Nehemías 3:3-5.

   ¿Jasa wa xbʼobʼ snebʼ ja ansyanoʼik soka matik wa xkoltaji yujileʼi sbʼaja jastik skʼulan ja swinkil Teqoa soka winik jumasaʼ jel niwan skʼulan sbʼajeʼi? (Neh. 3:5, 27; 2 Tes. 3:7-10; 1 Ped. 5:5.)

3. Kʼuman ja Nehemías 4:1-23.

   1. ¿Jasa nikji yujile ja israʼelenyo bʼa mi oj yaʼekan ja aʼtel bʼa yajel kʼeʼuk ja sbardaʼil ja Jerusalén anima wa xkʼan miljuke? (Neh. 4:6, 8, 9; Sal. 50:15; Isa. 65:13, 14.)

   2. ¿Jastal wa stsatsankʼujolanotik ja bʼa jtyempotik ja lekil sjeʼjel ja israʼelenyo?

4. Kʼuman ja Nehemías 6:15.

   ¿Jasa wa sjeʼa sbʼaja yip yiʼoj sjipjeljkʼujoltik bʼa Dyos yuja mi yiʼaj chabʼ ixaw ja yajel kʼeʼuk ja sbardaʼil ja Jerusalén? (Sal. 56:3, 4; Mat. 17:20; 19:26.)

Loʼil 84

1. ¿Machunkiluk ja ixuk bʼa dibujo?

2. ¿Jasa alji yabʼ ja María yuja anjel Gabriel?

3. ¿Jastal xcholo yi ja Gabriel ja María oj ajyuk yuj jun yal skerem anima mi ajyeluk sok jun winik?

4. ¿Jasa ekʼ yajni ja María waj yulatay ja sprima Elisabet?

5. ¿Jasa spensaraʼan ja José yajni yabʼ ja María oj ajyuk yuj jun yal skerem, pe jasa skʼulan?

Tuk sjobʼjel:

1. Kʼuman ja Lucas 1:26-56, YT.

   1. Jastal ni wa xyala ja Lucas 1:35, ¿jas yuj mi ekʼ sbʼaj ja yunin ja Dyos ja mulal yaʼakan ja Adán anima ti kʼe skʼul sbʼaj ja sakʼanil bʼa slukum ja María? (Ageo 2:11-13; Juan 6:69; Heb. 7:26; 10:5.)

   2. ¿Jastal kʼe toyxuk ja Jesús bʼajtanto yuj oj pojkuk? (Luc. 1:41-43, YT.)

   3. ¿Jasa lekil sjeʼjel yaʼakan ja María sbʼaja jun cholal jel tʼilan wa x-ajikitik ja bʼa xchonabʼil ja Dyosi? (Luc. 1:38, 46-49, YT; 17:10; Pro. 11:2.)

2. Kʼuman ja Mateo 1:18-25, YT.

   Anima ja Jesús mi aji sbʼiʼiluk Emmanuel, ¿jastal sjeʼa soka sakʼanil ja stojolil ja bʼiʼilal jaw? (Mat. 1:22, 23; Juan 14:8-10; Heb. 1:1-3.)

Loʼil 85

1. ¿Machʼa ja yal alats bʼa dibujo, sok bʼa wan yajel bʼaʼan ja María?

2. ¿Jas yuj Jesús ti pojki bʼa jun lugar wa xnolxi chante?

3. ¿Machʼa ja winike ochumejan bʼa wa xnolxi ja chante, sok jas alji yabʼye yuj jun anjel?

4. ¿Jas yuj ja Jesús jel tʼilan?

5. ¿Jas yuj Jesús wa xnaji sbʼaj jastal Yunin Dyos?

Tuk sjobʼjel:

1. Kʼuman ja Lucas 2:1-20.

   1. ¿Jasa skʼulan ja César Augusto bʼa oj ekʼuk ja jas alxi sbʼaja spojkelal ja Jesús? (Luc. 2:1-4; Miq. 5:2.)

   2. ¿Jastal oj bʼobʼ kʼot june bʼa lek oj iljuk yuja Dyosi? (Luc. 2:14; Mat. 16:24, NM; Juan 17:3; Hech. 3:19; Heb. 11:6.)

   3. Ta ja ala talnachej jumasaʼ bʼa Judea gustoʼaxiye yuja pojki ja yal alats oj koltanuki, ¿jasa niwan rason kiʼojtik bʼa gusto oj ajyukotik ja yaʼtijumotik Dyos bʼa jtyempotiki? (Luc. 2:10, 11; Efe. 3:8, 9; Apo. 11:15; 14:6.)

Loʼil 86

1. ¿Machunkiluk ja winike bʼa dibujo, sok jas yuj june bʼa yeʼnle wan xchʼutjel ja kʼanal jel xlijpi?

2. ¿Jas yuj kʼe yolom ja mandaranum Herodesi, sok jas skʼulan?

3. ¿Bʼa ijiye och ja winike yuja kʼanal jel xlijpi, sok jas yuj pilan bʼej stojowe yajni kumxiye bʼa slugareʼi?

4. ¿Jas mandar yaʼa ja Herodes, sok jas yuj?

5. ¿Jasa alji yabʼ ja José bʼa jun wayichal yuja Jyoba?

6. ¿Maʼ skʼulan jel alijpuk ja kʼanali, sok jas yuj?

Tuk sjobʼjel:

1. Kʼuman ja Mateo 2:1-23, NM.

   ¿Janekʼ jabʼil yiʼoj ja Jesús sok bʼa chonabʼ kulan yajni waj ulatajuk yuja kʼintanumeʼi? (Mat. 2:1, 11, 16.)

Loʼil 87

1. ¿Janekʼ jabʼil yiʼoj ja Jesús ja bʼa dibujo, sok bʼaxa aya?

2. ¿Jas wa skʼulan ja José soka spamilya jabʼil jabʼil?

3. Tsaʼan yajni ja José soka María yaweta yi jun kʼakʼu bʼejyel ja wajume xa bʼa snaje, ¿jas yuj cha kumxiye bʼa Jerusaleni?

4. ¿Bʼa taji kʼot ja Jesús yuja José soka María, sok jas yuj ja ixuk winik jel chamkʼujol aye?

5. ¿Jasa alji yabʼ ja María yuja skerem Jesusi?

6. ¿Jastal oj bʼobʼ jnochtik ja lekil smodo ja Jesús sbʼaja snebʼjel bʼa Dyos?

Tuk sjobʼjel:

1. Kʼuman ja Lucas 2:41-52.

   1. Anima ja mandar wa xyala kechanta ja winik wa xbʼobʼ wajuke ja kʼin Pascua jabʼil jabʼil, ¿jas lekil sjeʼjel yaʼakan ja José soka María sbʼaja nantatal bʼa jtyempotiki? (Luc. 2:41; Deu. 16:16; 31:12; Pro. 22:6.)

   2. ¿Jas lekil snebʼjel yaʼakan yi ja Jesús ja keremtik akʼixuk bʼa jtyempotik sbʼaja kʼuʼabʼal oj ajyuke soka snantateʼi? (Luc. 2:51; Deu. 5:16; Pro. 23:22; Col. 3:20.)

2. Kʼuman ja Mateo 13:53-56.

   ¿Jas sbʼiʼil ja chane yijtsʼin ja Jesús wa staʼa tiʼal ja Biblia, sok jastal aji makunuke tsaʼan chawane bʼa yeʼnle ja bʼa kongregasyoni? (Mat. 13:55; Hech. 12:17; 15:6, 13; 21:18; Gál. 1:19; Sant. 1:1; Jud. 1.)

Loʼil 88

1. ¿Machunkiluk ja chabʼ winik bʼa dibujo?

2. ¿Jastal wa x-aji yiʼ jaʼ jun ixuk winik?

3. ¿Machʼtik wa xya yiʼ jaʼ ja Juani?

4. ¿Jas rason yiʼoj ja Jesús bʼa tʼilan skʼana aʼajuk yiʼ jaʼ yuja Juani?

5. ¿Jastal sjeʼa ja Dyos lekni yila ja yiʼaj jaʼ ja Jesús?

6. ¿Jasa ekʼ yajni Jesús waj 40 kʼakʼu bʼa jun chʼayan lugar?

7. ¿Jas sbʼiʼil jujuntik ja bʼajtan snebʼuman ja Jesús, sok jasa bʼajtan senya skʼulani?

Tuk sjobʼjel:

1. Kʼuman ja Mateo 3:13-17.

   ¿Jasa sjeʼakan ja Jesús sbʼaja yijel jaʼ bʼa oj snoch ja snebʼuman jumasaʼ? (Sal. 40:7, 8; Mat. 28:19, 20, YT; Luc. 3:21, 22, YT.)

2. Kʼuman ja Mateo 4:1-11.

   Jesús jel snaʼa yajel makunuk ja Yabʼal ja Dyos. ¿Jastal wa skoltayotik ja it sbʼaja spaklajel kʼakʼu kʼakʼu ja Biblia? (Mat. 4:5-7; 2 Ped. 3:17, 18; 1 Juan 4:1.)

3. Kʼuman ja Juan 1:29-51, YT.

   ¿Machunkiluk yala ja Juan a-snoch-e ja snebʼumaniki, sok jastal oj bʼobʼ jnochtik ja lekil sjeʼjeli? (Juan 1:29, 35, 36; 3:30; Mat. 23:10.)

4. Kʼuman ja Juan 2:1-12.

   ¿Jastal sjeʼa ja Jesús soka bʼajtan senya skʼulani ja Jyoba mini xyaʼakan yajel yi ja jastik junuk bʼa lek ja matik wa x-aʼteltajiyuji? (Juan 2:9, 10; Sal. 84:11; Sant. 1:17.)

Loʼil 89

1. ¿Jas yuj wan chonjel chanteʼik ja bʼa templo?

2. ¿Jas yuj tajki ja Jesús?

3. Jastal wa x-ilxi bʼa dibujo, ¿jas skʼulan ja Jesús, sok jas yala yabʼ ja matik wane xchonjel pichoni?

4. ¿Jasa julskʼujole ja snebʼuman ja Jesús yajni yilawe ja jas skʼulani?

5. ¿Bʼa slujmalil ekʼ ja Jesús yajni kumxi bʼa Galilea?

Tuk sjobʼjel:

1. Kʼuman ja Juan 2:13-25.

   Soka jastal tajki ja Jesús yuja jas wane skʼulajel ja chonbʼanumik bʼa templo, ¿jastal oj kiltik ja keʼntik sbʼaja xchapjel ma xchonjel chikan jasunuk bʼa yojol ja Naʼits wa sTsomo jbʼajtiki? (Juan 2:15, 16; 1 Cor. 10:24, 31-33, YT.)

Loʼil 90

1. ¿Jas yuj Jesús wa xtax bʼa stsʼeʼel jun poso bʼa Samaria, sok jasa yala yabʼ ja ixuk jakel kuchu jaʼ bʼa poso?

2. ¿Jasa chamyabʼ ja ixuki, jas alji yabʼ yuja Jesús, sok jas yuj?

3. ¿Jas tikʼe jaʼ wa spensaraʼan ja ixuk wan yaljel ja Jesús, pe jasa wa stojolan?

4. ¿Jas yuj ja ixuki chamyabʼ ja jas wa snaʼa ja Jesús sbʼaja yeʼn, sok jastal chʼak snaʼ ja Jesús ja jastik junuk it?

5. ¿Jasa wa xnebʼatik sbʼaja loʼil it?

Tuk sjobʼjel:

1. Kʼuman ja Juan 4:5-43, YT.

   1. Snochjel ja lekil sjeʼjel ja Jesús, ¿jastal oj jeʼ ja jmodotik soka ixuk winik jakele bʼa tuktukil chonabʼ sok tuktukil tikʼe yelawe? (Juan 4:9; 1 Cor. 9:22; 1 Tim. 2:3, 4; Tito 2:11.)

   2. ¿Jastik slekilal bʼa Dyos wa staʼa ja matik wa xkʼotye snochuman bʼa Jesús? (Juan 4:14; Isa. 58:11; 2 Cor. 4:16.)

   3. ¿Jastal oj bʼobʼ jeʼtik chaʼanyabʼalil jastal skʼulan ja ixuk bʼa Samaria yuja jel lek chʼak xchol yi ja tuki sbʼaja jas snebʼuneji? (Juan 4:7, 28; Mat. 6:33; Luc. 10:40-42.)

Loʼil 91

1. Jastal ni wa sjeʼa ja dibujo, ¿bʼa wan sjeʼjel ja Jesús, sok machunkiluke ja matik kulan ekʼ bʼa stsʼeʼeli?

2. ¿Jas sbʼiʼil ja 12 sjekabʼanum ja Jesús?

3. ¿Jasa Gobyerno kʼe xchol ja Jesús?

4. ¿Jasa wa sjeʼa yi ja Jesús a-skʼan-e bʼa orasyon ja ixuk winiki?

5. ¿Jasa yala Jesús sbʼaja jastal oj sjeʼ ja smodo ja ixuk winik soka tuki?

Tuk sjobʼjel:

1. Kʼuman ja Mateo 5:1-12.

   ¿Jastal wa xjeʼatik wa xkʼana oj mojxukotik soka Dyosi? (Mat. 5:3; Rom. 10:13-15; 1 Tim. 4:13, 15, 16.)

2. Kʼuman ja Mateo 5:21-26.

   ¿Jastal wa sjeʼa Mateo 5:23, 24 ja jastal wa xkila jbʼajtik soka tuki wani xcha syama jastal wa xkila jbʼajtik soka Jyoba? (Mat. 6:14, 15; Sal. 133:1; Col. 3:13; 1 Juan 4:20.)

3. Kʼuman ja Mateo 6:1-8.

   ¿Jas jujuntik modoʼal bʼa mi lekuk ajyiyujile ja fariseo mok jnochtik ja keʼntiki? (Luc. 18:11, 12; 1 Cor. 4:6, 7; 2 Cor. 9:7.)

4. Kʼuman ja Mateo 6:25-34.

   ¿Jasa sjeʼa Jesús sbʼaja stʼilanil oj jipjkʼujoltik bʼa Jyoba ojni yakitik ja jas wa xmakunikujtiki? (Éxo. 16:4; Sal. 37:25; Fili. 4:6.)

5. Kʼuman ja Mateo 7:1-11.

   ¿Jasa wa xnebʼatik sbʼaja jas yala ja Jesús wa xtaʼatik bʼa Mateo 7:5? (Pro. 26:12; Rom. 2:1; 14:10; Sant. 4:11, 12.)

Loʼil 92

1. ¿Machunkiluk ja stat ja yal akʼix bʼa dibujo, sok jas yuj jel chamkʼujol ay ja yeʼn soka xcheʼumi?

2. ¿Jasa skʼulan ja Jairo yajni staʼa kʼot ja Jesús?

3. ¿Jasa ekʼ yajni Jesús wajume bʼa snaj ja Jairo, sok jasa rason kʼot sbʼaj ja Jairo yajni wajume ochi?

4. ¿Jas yuj ja ixuk winiki matik teye bʼa snaj Jairo kʼe stseʼlaye ja Jesús?

5. ¿Jasa skʼulan ja Jesús yajni och och ja yeʼn, ja snantat ja yal akʼixi sok oxe ja bʼa snebʼumani ja bʼa kwarto bʼay ja yal akʼixi?

6. ¿Machʼtik yaʼunej sakʼwuk ja Jesús, sok jasa wa sjeʼa kitik ja it?

Tuk sjobʼjel:

1. Kʼuman ja Lucas 8:40-56.

   ¿Jas yuj wa xbʼobʼ alxuk ja Jesús snaʼa syajulal ja ixuk wa xpekʼ xchikʼeli sok mi yutaj, sok jasa wa xbʼobʼ snebʼ-e ja ansyanoʼiki? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)

2. Kʼuman ja Lucas 7:11-17.

   ¿Jas yuj ja matik ay maʼ chamelyujile wa xbʼobʼ ajuk kulanskʼujole soka jastal ja Jesús ya sakʼwuk ja skerem jun biguda bʼa chonabʼ Naín? (Luc. 7:13; 2 Cor. 1:3, 4; Heb. 4:15, YT.)

3. Kʼuman ja Juan 11:17-44.

   ¿Jastal sjeʼa Jesús mini maloʼuk ja wala okʼtik yajni ay maʼ wa xchamkujtiki? (Juan 11:33-36, 38; 2 Sam. 18:33; 19:1-4.)

Loʼil 93

1. ¿Jasa jasunuk bʼa jel xiwela sbʼaj ekʼ sbʼaj ja Juan ja maʼ wa xyaʼa yijel jaʼi, sok jastal ay xyabʼ ja Jesús?

2. Yajni jitsan ixuk winik snochowe ja Jesús, ¿jasa skʼulan ja yeʼn bʼa yajel waʼuk, sok janekʼto waʼelal kani?

3. ¿Jas yuj ja nebʼumaniki jel xiwye bʼa yojol ja akʼwali, sok jasa ekʼ sbʼaj ja Pedro?

4. Bʼa xchabʼil ekʼele, ¿jasa skʼulan ja Jesús bʼa yajel waʼuk jitsan mil ixuk winik?

5. ¿Jas yuj jel tsamal oj ajyuk yajni ja Jesús xyaʼa smandar ja bʼa Luʼum jastal ja mandaranum tsaʼubʼal yuja Dyosi?

Tuk sjobʼjel:

1. Kʼuman ja Mateo 14:1-32.

   1. ¿Jasa wa sjeʼa kitik ja loʼil bʼa Mateo 14:23-32 sbʼaja jastal sjeʼa ja smodo ja Pedro?

   2. ¿Jastal wa sjeʼa ja jas kanel tsʼijbʼunubʼal bʼa Biblia ja Pedro stojbʼes sok skomo ja smodo? (Mat. 14:27-30; Juan 18:10; 21:7; Hech. 2:14, 37-40, YT; 1 Ped. 5:6, 10.)

2. Kʼuman ja Mateo 15:29-38.

   ¿Jastal sjeʼa Jesús wa syajtay ja waʼelal yaʼa ja sTati? (Mat. 15:37; Juan 6:12; Col. 3:15.)

3. Kʼuman ja Juan 6:1-21.

   ¿Jastal oj bʼobʼ jnochtik ja lekil sjeʼjel ja Jesús sbʼaja gobyernoʼiki? (Juan 6:15; Mat. 22:21; Rom. 12:2; 13:1-4.)

Loʼil 94

1. ¿Jas yuj ja snebʼumanik ja Jesús ajyiyujile jun tsatsal kʼumal ja bʼa najat sbʼejyeleʼi?

2. ¿Jas yuj Jesús spayajan jun yal kerem sok ti yaʼa tekʼan bʼa snalan ja snebʼumaniki?

3. ¿Jas wa stojolan ja nebʼumaniki oj skʼul sbʼaje jastal ja yal untiki?

4. Ixawik tsaʼan, ¿jastal sjeʼa Jesús wani syajtay ja yal untiki?

Tuk sjobʼjel:

1. Kʼuman ja Mateo 18:1-4.

   ¿Jas yuj ja Jesús ya makunuk sjeʼjelik bʼa oj sjeʼ yi ja ixuk winiki? (Mat. 13:34, 36; Mar. 4:33, 34.)

2. Kʼuman ja Mateo 19:13-15.

   Ta wa xkʼanatik oj ya jlekilaltik ja Dyosi, ¿jasa lekil modoʼal bʼa yal untik tʼilan oj jnebʼtik? (Sal. 25:9; 138:6; 1 Cor. 14:20.)

3. Kʼuman ja Marcos 9:33-37.

   ¿Jasa sjeʼa yile Jesús ja snebʼumaniki sbʼaja slejel cholal bʼa chaʼan lek oj yaʼ sbʼaje? (Mar. 9:35; Mat. 20:25, 26; Gál. 6:3; Fili. 2:5-8.)

4. Kʼuman ja Marcos 10:13-16.

   ¿Jastal sjeʼa Jesús wani xyaʼa sbʼaj leʼjel, sok jas wa xbʼobʼ snebʼ-e ja ansyanoʼiki? (Mar. 6:30-34; Fili. 2:1-4; 1 Tim. 4:12.)

Loʼil 95

1. ¿Jasa jobʼji yi ja Jesús yuj jun winik, sok jas yuj?

2. ¿Jasa wa xya makunuk jujuntik ekʼele ja Jesús yajni wa sjeʼa, sok jasa jnebʼunejtik xa sbʼaja judíoʼik soka swinkil Samaria?

3. Ja bʼa loʼil xcholo ja Jesús, ¿jasa ekʼ sbʼaj jun judío yajni koʼumkoʼ bʼa bʼej man Jericó?

4. ¿Jasa ekʼi yajni jun judío, olomal wa x-aʼtiji bʼa templo, sok jun levita ekʼye ja bʼay ja winik yajbʼesnubʼali?

5. Jastal ni wa sjeʼa bʼa dibujo, ¿machʼa wan skoltajel ja winik maʼ yajbʼesnubʼali?

6. Yajni Jesús chʼak xchol ja loʼili, ¿jasa sjobʼjel yaʼa, sok jastal sjakʼa ja winiki?

Tuk sjobʼjel:

1. Kʼuman ja Lucas 10:25-37.

   1. ¿Jastal skoltay ja Jesús jun winik wa snaʼa sbʼej ja mandar bʼa Moisés bʼa yeʼn ita aʼelkʼot sok stojolil? (Luc. 10:26; Mat. 16:13-16.)

   2. ¿Jastal ya makunuk ja Jesús ja sjeʼjelik bʼa jachuk ja ixuk winiki aya eluke ja yijnajel yiʼoje soka tuk smojeʼi? (Luc. 10:36, 37; 18:9-14; Tito 1:9.)

Loʼil 96

1. ¿Jasa wa skʼulan ja Jesús yajni ekʼum bʼej ay ekʼ ja bʼa chonabʼi?

2. Ekʼel xa tʼusan ja oxe jabʼil yajni ja Juan ya yiʼ jaʼ ja Jesús. Ja yan, ¿jasa yala yabʼ ja Jesús ja snebʼumaniki?

3. ¿Machtik junuk ja ixuk winik ja bʼa dibujo, sok jastal skoltay ja Jesús jun ixuk?

4. ¿Jas yuj jel aji kʼixwuke ja olomalik bʼa templo soka jas sjakʼa yile ja Jesús?

5. Yajni Jesús soka snebʼumaniki mojan xa aye ja bʼa xchonabʼil Jericó, ¿jasa skʼulan sbʼaja chabʼ winik kʼana limosna mi xyilawe kʼinal?

6. ¿Jas yuj wa skʼulan senyaʼik ja Jesús?

Tuk sjobʼjel:

1. Kʼuman ja Mateo 15:30, 31.

   ¿Jastik junuk jel tsamalik bʼobʼ yuj skʼulajel ja Jesús yuja yip ja Jyoba, sok jasa oj skʼuluk ja bʼa Kʼachinubʼi? (Sal. 37:29; Isa. 33:24.)

2. Kʼuman ja Lucas 13:10-17.

   Sok ja jujuntik niwak senya skʼulan ja Jesús bʼa skʼakʼuʼil sábado, ¿jastal wa sjeʼa ja it ja jastik oj yijan ja bʼa luʼum ja bʼa mil jabʼil oj ya ja smandari? (Luc. 13:10-13; Sal. 46:9; Mat. 12:8; Col. 2:16, 17; Apo. 21:1-4.)

3. Kʼuman ja Mateo 20:29-34.

   ¿Jastal wa sjeʼa ja loʼil it ja Jesús spilani tyempo bʼa oj skoltay ja ixuk winiki ama jeluk ja yaʼteli, sok jasa wa xbʼobʼ jnebʼtik? (Deu. 15:7; Sant. 2:15, 16; 1 Juan 3:17.)

Loʼil 97

1. Yajni Jesús wajum bʼa jun chʼin chonabʼ bʼa stsʼeʼel Jerusalén, ¿jasa sjeka a-skʼuluk ja chawane bʼa snebʼumani?

2. Jastal ni wa x-ilxi bʼa dibujo, ¿jasa ekʼ yajni Jesús mojan xa yiʼoj ja Jerusaleni?

3. ¿Jasa skʼulane ja yal untiki yajni yilawe ja Jesús wan stojbʼesel ja matik mi xyilawe kʼinal, matik renkoʼaye sok ja matik tsats ay skwerpoʼeʼi?

4. ¿Jasa yala yabʼ ja Jesús ja tantik olomalik bʼa templo kʼeʼel yolomeʼi?

5. Soka jastal skʼulane ja yal untik stoyowe ja Jesús, ¿jastal oj bʼobʼ jnochtik ja keʼntiki ja lekil sjeʼjel it?

6. ¿Jasa wa skʼana oj snaʼe ja snebʼumanik ja Jesús?

Tuk sjobʼjel:

1. Kʼuman ja Mateo 21:1-17.

   1. Soka jastal wa x-ochye kʼot ja bʼa xchonabʼe ja mandaranumik bʼa Roma yajni skʼulaneta kan ganar jun kʼakʼanel, ¿jasa stukil yiʼoj soka Jesús yajni och kʼot ja bʼa Jerusalén jastal jun mandaranum? (Mat. 21:4, 5; Zac. 9:9; Fili. 2:5-8, NM; Col. 2:15.)

   2. ¿Jasa wa xbʼobʼ snebʼ-e ja keremtik akʼixuk sbʼaja yal untik israʼelenyo ja ya makunuke ja Salmo 118 bʼa oj stoy-e ja Jesús yajni ochum kʼot ja bʼa templo? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

2. Kʼuman ja Juan 12:12-16.

   ¿Jasa wa stojolan ja yawe makunuk skʼabʼ xaʼan ja ixuk winik stoyowe ja Jesús? (Juan 12:13; Fili. 2:10; Apo. 7:9, 10.)

Loʼil 98

1. ¿Machunkiluk ja Jesús ja bʼa winike wa x-ilxi bʼa dibujo, sok machʼtike ja winike teyesoki?

2. ¿Jasa sleʼawe modo skʼulajel ja olomalik wa xyilkʼujolane ja Jesús ja bʼa templo, sok jasa alji yabʼye yuja Jesús?

3. ¿Jasa sjobʼowe yi ja Jesús ja snebʼumaniki?

4. ¿Jas yuj ja Jesús yala yabʼ ja snebʼumaniki jujuntik jasunuk oj ekʼuk ja bʼa Luʼumi yajni wanxa yajel ja smandar ja bʼa satkʼinali?

5. ¿Jasa yala Jesús oj ekʼuk bʼajtanto yuj oj ya chʼaysnajel ja jastik junuk mi lekuk wan kʼulaxel ja bʼa Luʼumi?

Tuk sjobʼjel:

1. Kʼuman ja Mateo 23:1-39.

   1. Anima ja Yabʼal ja Dyosi mi wa xyala ta mi lekuk yajel yi sbʼiʼil ja matik ay chaʼan yaʼteleʼi, ¿jas wa sjeʼa soka jas yala ja Jesús bʼa Mateo 23:8-11 sbʼaja stoyjel ja matik ay xchol ja bʼa kongregasyoni? (Hech. 26:25; Rom. 13:7; 1 Ped. 2:13, 14.)

   2. ¿Jasa ya makunuke ja fariseoʼik bʼa mi oj snoch-e ja Jesús ja ixuk winik jumasaʼ, sok jastal wa skʼulane ja olomalik bʼa relijyon ja bʼa jtyempotiki? (Mat. 23:13; Luc. 11:52; Juan 9:22; 12:42; 1 Tes. 2:16.)

2. Kʼuman ja Mateo 24:1-14.

   1. ¿Jastal wa xyala ja Mateo 24:13 ja stʼilanil yiʼoj ja skuchjelkujtiki?

   2. ¿Jasa wa stojolan ja yaljel «man xkʼot tikʼan ja tyempo» bʼa Mateo 24:13? (Mat. 16:27; Rom. 14:10-12; 2 Cor. 5:10.)

3. Kʼuman ja Marcos 13:3-10.

   ¿Jas yaljel wa xtax bʼa Marcos 13:10 bʼa wa xyala ja stʼilanil yiʼoj mok jchʼaytik tyempo xcholjel ja lekil rasonik bʼa Dyosi, sok jastal oj kiltik ja jas yalakan ja Jesusi? (Rom. 13:11, 12; 1 Cor. 7:29-31; 2 Tim. 4:2.)

Loʼil 99

1. Jastal ni wa x-ilxi bʼa dibujo, ¿jas yuj ja Jesús tey tsoman soka 12 snebʼumaniki bʼa jun kwarto niwan?

2. ¿Jasa wa xya julskʼujole ja israʼelenyo yajni wa skʼintaye ja Pascua?

3. ¿Machunkiluk ja maʼ elum-eli, sok jas wajum skʼuluk?

4. ¿Jas waʼelal bʼa jel chaʼanyabʼalil stulu yi ja Jesús yajni chʼak yabʼye ja waʼelal bʼa Pascua, sok jasa oj julskʼujole ja snebʼumanik ja Jesús soka waʼelal it?

5. Yajni chʼak waʼuke ja bʼa Cena ja Kajwaltiki, ¿jasa yala yabʼ ja Jesús ja snebʼumaniki, sok jasa skʼulane ja yeʼnleʼi?

Tuk sjobʼjel:

1. Kʼuman ja Mateo 26:14-30, NM.

   1. ¿Jastal wa sjeʼa ja Mateo 26:15 ja Judasi ganani skʼulan ja yiʼaj yi spatik ja Jesusi?

   2. ¿Jas chabʼ xchol wa xmakuni ja xchikʼel spekʼa ja Jesusi? (Mat. 26:27, 28; Jer. 31:31-33; Efe. 1:7; Heb. 9:19, 20, YT.)

2. Kʼuman ja Lucas 22:1-39.

   ¿Jastal xchʼika sbʼaj ja Satanás ja bʼa sakʼanil ja Judasi? (Luc. 22:3; Juan 13:2; Hech. 1:24, 25.)

3. Kʼuman ja Juan 13:1-20.

   1. Soka jas wa xyala ja Juan 13:2, ¿wan maʼ xbʼobʼ smuluk ja Judas soka jas skʼulani, sok jasa wa xnebʼatik ja keʼntik jastal yaʼtijumotik Dyosi? (Gén. 4:7; 2 Cor. 2:11; Gál. 6:1, YT; Sant. 1:13, 14.)

   2. ¿Jasa jasunuk jel chaʼanyabʼalil sjeʼakan ja Jesusi? (Juan 13:15; Mat. 23:11; 1 Ped. 2:21.)

4. Kʼuman ja Juan 17:1-26.

   ¿Jas kʼan yal ja Jesús yajni skʼana yi ja Dyos «jun ita» aʼajyuke ja snebʼumaniki? (Juan 17:11, 21-23; Rom. 13:8; 14:19; Col. 3:14.)

Loʼil 100

1. Yajni Jesús soka snebʼumaniki elye ja bʼa niwan kwarto, ¿bʼa wajyeʼa, sok jasa yala yabʼ oj skʼuluke ja snebʼumaniki?

2. ¿Jas wane skʼulajel ja nebʼumaniki yajni ja Jesús wa xkumxi ja bʼayeʼi, sok jaye ekʼele ekʼi?

3. Jastal wa sjeʼa bʼa dibujo, ¿machʼtik junkiluk ja ochye kʼot ja bʼa Getsemaní, sok jasa skʼulan ja Judas Iscariote?

4. ¿Jas yuj Judasi yujtsʼan ja Jesús, sok jasa skʼulan ja Pedro?

5. ¿Jasa alji yabʼ ja Pedro yuja Jesús, sok jas yuj ja Jesús mi skʼana yi ja Dyos a-sjekon yi anjelik bʼa ajak koltajuk?

Tuk sjobʼjel:

1. Kʼuman ja Mateo 26:36-56.

   1. ¿Jas yuj jun lekil sjeʼjel sbʼaja ansyanoʼiki soka jastal ja Jesús ya yi rason ja snebʼumaniki? (Mat. 20:25-28; 26:40, 41; Gál. 5:17, YT; Efe. 4:29, 31, 32.)

   2. ¿Lek maʼ yila ja Jesús ja yajel makunuk yamkʼabʼal jumasaʼ bʼa syajbʼesel ja tuki? (Mat. 26:52; Luc. 6:27, 28; Juan 18:36.)

2. Kʼuman ja Lucas 22:39-53.

   Yajni jak ajuk tsatsbʼuk ja skʼuʼajel ja Jesús yuj jun anjel bʼa Getsemaní, ¿wan maʼ stojolan ja it yuj mixa jel tsatsuk ja skʼuʼajel yiʼoj ja Jesusi? Cholo (Luc. 22:41-43; Isa. 49:8; Mat. 4:10, 11; Heb. 5:7).

3. Kʼuman ja Juan 18:1-12.

   ¿Jastal stalnay ja Jesús ja snebʼumaniki yuja skontraʼiki, sok jasa wa xnebʼatik soka jas skʼulani? (Juan 10:11, 12; 18:1, 6-9; Heb. 13:6; Sant. 2:25.)

Loʼil 101

1. ¿Maʼ mero smul ja milji ja Jesusi?

2. ¿Jasa skʼulane ja jekabʼanumiki yajni ja Jesús iji och yuja olomaliki?

3. ¿Jasa ekʼ ja bʼa snaj ja mero olomal Caifás?

4. ¿Jas yuj ja Pedro waji sok och okʼuk?

5. Ja bʼa yajkʼachil ekʼele iji och ja Jesús ja bʼa Pilato, ¿jasa kʼe awanuke yaljel ja olomaliki?

6. ¿Jasa ekʼ soka Jesús ja bʼa ochkʼaʼujil viernesi, sok jasa skʼapa yi jun mulanum ti aji kʼe lokan bʼa stsʼeʼel?

7. ¿Bʼaxa oj ajyuk ja Kʼachinubʼ skʼapa ja Jesusi?

Tuk sjobʼjel:

1. Kʼuman ja Mateo 26:57-75.

   ¿Jastal sjeʼawe ja kʼole olomalik judíoʼik bʼa Sanedrini mini lekuk ja skʼujoleʼi? (Mat. 26:59, 67, 68.)

2. Kʼuman ja Mateo 27:1-50, NM.

   ¿Jas yuj wa xbʼobʼ alxuk ja snaʼa malaya ja Judasi mini meranuka? (Mat. 27:3, 4, NM; Mar. 3:29, YT; 14:21; 2 Cor. 7:10, 11.)

3. Kʼuman ja Lucas 22:54-71.

   ¿Jas wa xnebʼatik yajni ja Pedro yala mi snaʼa sbʼaj ja Jesús ja akʼwalil iji spatiki soka yamjiʼi? (Luc. 22:60-62; Mat. 26:31-35; 1 Cor. 10:12.)

4. Kʼuman ja Lucas 23:1-49, NM.

   ¿Jastal sjeʼa ja smodo Jesús soka jas kʼulaji yiʼi, sok jas wa xnebʼatik ja keʼntiki? (Luc. 23:33, 34; Rom. 12:17-19; 1 Ped. 2:23.)

5. Kʼuman ja Juan 18:12-40, NM.

   Pedro och xiwuk yuja winiki, pe tsaʼan yaʼa kulan sok kʼot jun tʼilan lekil jekabʼanum. ¿Jasa wa xnebʼatik? (Juan 18:25-27; 1 Cor. 4:2; 1 Ped. 3:14, 15; 5:8, 9.)

6. Kʼuman ja Juan 19:1-30, NM.

   1. ¿Jastal sjeʼa ja Jesús mini jaʼ waj skʼujol slejel jastik bʼa chaʼanyabʼalil? (Juan 2:1, 2, 9, 10; 19:23, 24, NM; Mat. 6:31, 32; 8:20.)

   2. ¿Jasa yala ja Jesús yajni ojxta chamuki? ¿Jastal sjeʼa soka jas yala kechantani jaʼa Jyoba ja maʼ yiʼoj derecho bʼa oj yaʼotik mandari? (Juan 16:33; 19:30; 2 Ped. 3:14; 1 Juan 5:4.)

Loʼil 102

1. ¿Machunkiluk ja ixuk bʼa dibujo, ja chabʼ winiki, sok bʼa ayeʼa?

2. ¿Jas yuj ja Pilato yala yabʼ ja olomaliki a-sjek kʼakʼanumik bʼa oj waj stalnay ja kʼeʼen bʼa mukan ja Jesusi?

3. Sajto lek ja bʼa yoxil kʼakʼu chamel ja Jesusi, ¿jasa skʼulan jun anjel, pe jasa skʼulane ja olomaliki?

4. ¿Jas yuj jujuntik ixuk jel chamyilawe yajni waj yulataye ja kʼeʼen bʼa mukubʼal ja Jesusi?

5. ¿Jas yuj weʼgoxta waj ja Pedro soka Juan ja bʼa mukubʼal ja Jesusi sok jasa staʼawe kʼot?

6. ¿Jasa ekʼ soka skwerpo ja Jesusi, sok jasa skʼulan bʼa oj skʼuʼuk ja snebʼumaniki ja yeʼn sakʼan ay?

Tuk sjobʼjel:

1. Kʼuman ja Mateo 27:62-66 sok 28:1-15, NM.

   Yajni sakʼwi ja Jesús, ¿jastal koʼye mulal sbʼaja yip ja Dyosi ja mero olomaliki, ja fariseoʼiki sok ja tuk olomaliki? (Mat. 12:24, 31, 32, YT; 28:11-15, NM.)

2. Kʼuman ja Lucas 24:1-12.

   ¿Jastal wa sjeʼa soka jas ekʼ ja bʼa sakʼwelal ja Jesús ja Jyoba wani sjipa skʼujol sbʼaja ixuke jastal staʼumantiʼ? (Luc. 24:4, 9, 10; Mat. 28:1-7, NM.)

3. Kʼuman ja Juan 20:1-12.

   ¿Jastal wa skoltayotik ja Juan 20:8, 9 bʼa oj kiltik ja stʼilanil yiʼoj oj ajyuk jpasensyatik sbʼaja yajni mi xkabʼtik stojolil jun jasunuk wa xyala ja Biblia ojto ekʼuki? (Pro. 4:18; Mat. 17:22, 23; Luc. 24:5-8, NM; Juan 16:12.)

Loʼil 103

1. ¿Jasa yala yabʼ ja María ja winik it ekʼ skʼujol yeʼn wa stalnay ja tiwi, pe jastal snaʼa sbʼaj ja winik jaw jani ja Jesusi?

2. ¿Jasa ekʼ yajni ja chabʼ nebʼumaniki wajume ja bʼa lugar Emaús?

3. ¿Jasa jel chamyabʼalil ekʼi yajni ja chabʼ nebʼumaniki wane yaljel yabʼ ja jekabʼanumiki yilaweta ja Jesús?

4. ¿Janekʼ xa ekʼele sjeʼa ta sbʼaj ja Jesús soka snebʼumaniki?

5. ¿Jasa yala ja Tomás yajni alji yabʼ ja nebʼumaniki yilaweta ja Jesusi, pe jasa ekʼ waxake kʼakʼu tsaʼan?

Tuk sjobʼjel:

1. Kʼuman ja Juan 20:11-29, YT.

   ¿Wan maʼ yaljel ja Jesús ja bʼa Juan 20:23 ja ixuk winiki wa xbʼobʼ skus ja mulaliki? Cholo (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).

2. Kʼuman ja Lucas 24:13-43, NM.

   ¿Jastal oj jchap ja jkʼujoltiki bʼa oj ochjbʼajtik ja smeranil wa xyala ja Biblia? (Luc. 24:32, 33; Esd. 7:10; Mat. 5:3, YT; Hech. 16:14; Heb. 5:11-14.)

Loʼil 104

1. Bʼa jun ekʼele, ¿janekʼ nebʼumanik yilawe ja Jesús, sok jasa kʼe sjeʼ yile?

2. ¿Jasunkiluk ja sGobyerno ja Dyos, sok jas maʼ oj ekʼuk ja bʼa Luʼumi yajni Jesús xyaʼa smandar mil jabʼil?

3. ¿Janekʼ xa kʼakʼu wan sjeʼjel sbʼaj ja Jesús soka snebʼumaniki, sok jasa styempoʼil xa?

4. ¿Jasa mandar yaʼa yile ja snebʼumanik ja Jesús yajni ojxta kumxuk ja bʼa satkʼinali?

5. ¿Jasa wan ekʼel ja bʼa dibujo, sok jastal xchʼaya sbʼaj ja Jesús bʼa mixa oj iljuk?

Tuk sjobʼjel:

1. Kʼuman ja 1 Corintios 15:3-8.

   ¿Jas yuj ja jekabʼanum Pablo bʼobʼ yuj yaljel sok jun skʼuʼajel lek sbʼaja sakʼwelal ja Jesusi ekʼniʼa, sok jastik junuk wa xbʼobʼ xchol-e jastal jaw ja yaʼtijumik Dyos ja bʼa jtyempotiki? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

2. Kʼuman ja Hechos 1:1-11, YT.

   Jastal ni yala oj ekʼuk ja Hechos 1:8, ¿bʼa man spuku ekʼ sbʼaj ja xcholjeli? (Hech. 6:7, NM; Hech. 9:31, NM; Hech. 11:19-21; Col. 1:23.)

Loʼil 105

1. Jastal ni wa sjeʼa bʼa dibujo, ¿jasa ekʼ yajni ja nochumaniki wane majlanel bʼa Jerusalén?

2. ¿Jasa jel chamyabʼjel yiʼaje ja ulatanumik bʼa Jerusalén?

3. ¿Jasa kʼe xchol yabʼ ja ixuk winike ja Pedro?

4. ¿Jastal waj ja yaltsile jitsan ixuk winik yajni chʼak yabʼye ja jas yala ja Pedro, sok jasa tʼilan oj skʼulukeʼi?

5. ¿Janekʼ yiʼaje jaʼ ja bʼa Pentecostés bʼa jabʼil 33?

Tuk sjobʼjel:

1. Kʼuman ja Hechos 2:1-47, NM.

   1. ¿Jastal wa sjeʼa soka jas yala ja Pedro bʼa Hechos 2:23, 36 ja judíoʼiki yeʼnani mero smule ja milji ja Jesusi? (1 Tes. 2:14, 15.)

   2. Ja Pedro jel snaʼa yajel makunuk ja juʼunik tsʼijbʼunubʼal bʼa Yabʼal Dyosi bʼa tyempo jaw. ¿Jasa wa xnebʼatik soka lekil sjeʼjeli? (Hech. 2:16, 17, 29, 31, 36, 39, NM; Col. 4:6.)

   3. ¿Jastal ya makunuk ja Pedro june ja bʼa «yabeʼik» ajikan yi yuja Jesusi? (Hech. 2:14, 22-24, 37, 38, YT; Mat. 16:19.)

Loʼil 106

1. ¿Jasa ekʼ jun ochkʼakʼu yajni ja Pedro soka Juan ochume och ja bʼa templo?

2. ¿Jasa yala yabʼ ja Pedro ja winik it mi xbʼobʼ bʼejyuki, pe jasa mas jel chaʼanyabʼalil yuja takʼini ya yi ja winik it ja Pedro?

3. ¿Jas yuj jel tajkiye ja tantik olomaliki, sok jasa skʼulane yi ja Pedro soka Juani?

4. ¿Jasa yala yabʼ ja Pedro ja tantik olomaliki, sok jasa orden ajiyile ja nebʼumaniki?

5. ¿Jas yuj ja ilkʼujolajel yiʼoje ja tantik olomaliki, pe jasa ekʼi yajni ja nebʼumaniki lutjiye bʼa xchabʼil ekʼeleʼi?

6. ¿Jasa sjakʼawe ja nebʼumaniki yajni ijiye och ja bʼa Sanedrín?

Tuk sjobʼjel:

1. Kʼuman ja Hechos 3:1-10.

   Anima ja bʼa jtyempotiki mixa xbʼobʼ jkʼuluktik senyaʼik, ¿jastal wa skoltayotik ja jas yalakan ja Pedro bʼa Hechos 3:6 bʼa oj kiltik chaʼanyabʼalil ja xcholjeli? (Juan 17:3; 2 Cor. 5:18-20; Fili. 3:8.)

2. Kʼuman ja Hechos 4:1-31, NM.

   Yajni wa xjuljbʼajtik wokol ja bʼa xcholjeli, ¿jastal wa xbʼobʼ jnochtik ja smodoʼe ja snochumane Kristo? (Hech. 4:29, 31; Efe. 6:18-20, YT; 1 Tes. 2:2.)

3. Kʼuman ja Hechos 5:17-42, NM.

   ¿Jastal wa sjeʼawe jun modoʼal bʼa lek sbʼaja xcholjeli jujuntik mi taʼumantiʼuke bʼa Jyoba ja bʼa tyempo najate soka bʼa jtyempotiki? (Hech. 5:34-39.)

Loʼil 107

1. ¿Machunkiluk ja Estebani, sok jasa wan koltajel jan yuja Dyosi?

2. ¿Jasa yala ja Esteban bʼa kʼe ilkʼujolajuk mas yuja olomalik skontraʼe ja Jesusi?

3. Yajni skichaweʼel ja Esteban bʼa stiʼ ja chonabʼi, ¿jasa skʼulane yi?

4. Jastal ni waxa wila bʼa dibujo, ¿machunkiluk ja kerem tekʼan ekʼ bʼa stsʼeʼel ja pal kʼuʼaliki?

5. Bʼajtanto yuj oj chamuk ja Estebani, ¿jasa skʼana yi ja Jyoba?

6. ¿Jastal oj bʼobʼ jnochtik ja lekil smodo ja Esteban yajni ay maʼ wa skʼulankitik jun jasunuk mi lekuk?

Tuk sjobʼjel:

1. Kʼuman ja Hechos 6:8-15, NM.

   ¿Jastik abʼal yaʼuneje makunuk ja tantik olomalik bʼa jtyempotik bʼa slejel yajel kʼot tekʼan ja aʼtel bʼa xcholjel wa skʼulane ja taʼumantiʼik bʼa Jyoba? (Hech. 6:9, 11, 13.)

2. Kʼuman ja Hechos 7:1-60.

   1. ¿Jasa koltaji yuj ja Estebani bʼa jel snaʼa xcholjel ja lekil rasoni ja bʼa stiʼ sat ja winike bʼa Sanedrini, sok jasa wa xnebʼatik? (Hech. 7:51-53, YT; Rom. 15:4; 2 Tim. 3:14-17, YT; 1 Ped. 3:15.)

   2. ¿Jastal oj jeʼtik ja jmodotik soka matik wa xtimwani bʼa mi oj jkʼuluktik ja aʼtel bʼa xcholjeli? (Hech. 7:58-60, NM; Mat. 5:44; Luc. 23:33, 34.)

Loʼil 108

1. ¿Jasa skʼulan ja Saulo tsaʼan yajni milji ja Estebani?

2. ¿Jasa jel chaʼanyabʼalil ekʼi yajni Saulo wajum bʼa Damasco?

3. ¿Jasa yala ja Jesús oj skʼuluk ja Saulo?

4. ¿Jasa yala yabʼ ja Jesús a-skʼuluk ja Ananías, sok jastal bʼobʼ yilkʼinal yajkʼachil ekʼele ja Saulo?

5. ¿Jas sbʼiʼil kʼot najuk sbʼaj ja Saulo, sok jastal ja yeʼn jelni makuniʼa?

Tuk sjobʼjel:

1. Kʼuman ja Hechos 8:1-4; YT.

   ¿Jastal koltani ja jitsan wokol jak sbʼaje ja ajkʼach yal tsome nochuman bʼa Jesús bʼa spuktesel ja skʼuʼajel yiʼoje, sok jastal wa slaja sbʼaj soka bʼa jtyempotiki? (Hech. 8:4; Isa. 54:17.)

2. Kʼuman ja Hechos 9:1-20, NM.

   ¿Jas oxe cholal yiʼoj ja Jesús sbʼaja Saulo? (Hech. 9:15; 13:5; 26:1, YT; Hech. 27:24; Rom. 11:13.)

3. Kʼuman ja Hechos 22:6-16.

   ¿Jastal wa xbʼobʼ jnochtik ja Ananiasi, sok jas yuj jel stʼilanili? (Hech. 22:12; 1 Tim. 3:7; 1 Ped. 1:14-16; 2:12.)

4. Kʼuman ja Hechos 26:8-20.

   ¿Jastal wa stsatsankʼujolajiye ja matik ay snup mi kʼuʼumanuk Dyos ja jastal pax nebʼumanil ja Saulo? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)

Loʼil 109

1. ¿Machunkiluk ja winik koʼel mekʼani?

2. ¿Jasa alji yabʼ ja Cornelio yuj jun anjel?

3. ¿Jasa skʼulan ja Dyos a-spensaraʼuk lajansok wan yiljel ja Pedro yajni tey bʼa yolom snaj ja Simón bʼa Jope?

4. ¿Jas yuj ja Pedro yala yabʼ ja Cornelio mok koʼ sbʼaj mekʼan bʼa stoyjel?

5. ¿Jas yuj jel chamyilawe ja nebʼumanik judíoʼik teye sok ja Pedro?

6. ¿Jas jasunuk tʼilan oj jnebʼtik ja bʼa ulatanel skʼulan ja Pedro bʼa snaj ja Cornelio?

Tuk sjobʼjel:

1. Kʼuman ja Hechos 10:1-48, NM.

   ¿Jasa sjeʼa ja Pedro ja bʼa jas tsʼijbʼunubʼalkan bʼa Hechos 10:42 sbʼaja aʼtel bʼa xcholjel ja lekil rasoni bʼa sGobyerno ja Dyosi? (Mat. 28:19, YT; Mar. 13:10, YT; Hech. 1:8, YT.)

2. Kʼuman ja Hechos 11:1-18, YT.

   ¿Jasa skʼulan ja Pedro yajni yabʼ stojolil ja jasa wa spensaraʼan ja Dyos sbʼaja matik mi judíoʼukeʼi, sok jastal wa xbʼobʼ jnochtik ja lekil smodo? (Hech. 11:17, 18, YT; 2 Cor. 10:5; Efe. 5:17.)

Loʼil 110

1. ¿Machunkiluk ja kerem bʼa dibujo, bʼay ja snaji sok jas sbʼiʼil ja snan soka smexepi?

2. ¿Jasa sjakʼa Timoteo yajni jobʼjiyi yuja Pablo ta wa skʼana oj wajsok ja yeʼn soka Silasi bʼa xcholjel bʼa najtik lugarik?

3. ¿Bʼa aji sbʼiʼiluke sbʼajtanil ekʼele ja ixuk winik nebʼumanik bʼa Kristo?

4. ¿Jas jujuntik chonabʼ yulatay ja Pablo, Silas soka Timoteo yajni elye bʼa chonabʼ Listra?

5. ¿Jastal koltaji ja Pablo yuja Timoteo, sok jasa sjobʼjel tʼilan oj skʼul sbʼaje ja keremtik akʼixuk bʼa jtyempotiki?

Tuk sjobʼjel:

1. Kʼuman ja Hechos 9:19-30.

   ¿Jastal sjeʼa jel snaʼa skʼulajel ja Pablo yajni ekʼ sbʼaj wokolik yuja lekil rasoniki? (Hech. 9:22-25, 29, 30; Mat. 10:16.)

2. Kʼuman ja Hechos 11:19-26.

   ¿Jastal wa sjeʼa soka jas wa xyala ja Hechos 11:19-21, 26 ja yip ja Jyoba wani tojwanel ja bʼa xcholjeli?

3. Kʼuman ja Hechos 13:13-16, 42-52.

   ¿Jastal wa sjeʼa ja Hechos 13:51, 52 ja nebʼumanik bʼa Kristo mini yaʼawekan skʼulajel ja choljel yuja wokolik ekʼ sbʼajeʼi? (Mat. 10:14; Hech. 18:6; 1 Ped. 4:14, YT.)

4. Kʼuman ja Hechos 14:1-6, 19-28, NM.

   Ja Pablo soka Bernabé skoltaye jitsan ixuk winik bʼa oj snebʼe bʼa Jyoba sok yalawe sbʼa yeʼnle ja it: «Ti wa xkaʼatikon bʼa wa kʼabʼ, Jyoba». ¿Jastal wa skoltayotik ja yaljel it bʼa mok jelxuk chamjkʼujoltik sbʼaja ajkʼach nebʼumaniki? (Hech. 14:21-23; 20:32; Juan 6:44.)

5. Kʼuman ja Hechos 16:1-5.

   ¿Jasa wa sjeʼa ja yaʼa sbʼaj akʼulajuk yi jun senya bʼa skwerpo ja Timoteo soka stʼilanil yiʼoj skʼulajel ja yibʼanal ja jastik junuki yuja lekil rasoni? (Hech. 16:3; 1 Cor. 9:23; 1 Tes. 2:8.)

6. Kʼuman ja Hechos 18:1-11, 18-22, NM.

   ¿Jasa wa sjeʼa ja Hechos 18:9, 10 sbʼaja yeʼnani mero ja Jesús wa skʼela ja choljeli, sok jasa wa xya kulan jkʼujoltik ja it ja bʼa yan jkʼakʼujtiki? (Mat. 28:20.)

Loʼil 111

1. ¿Machunkiluk ja yal kerem tey jawan bʼa luʼumi, sok jasa ekʼel sbʼaj?

2. ¿Jasa skʼulan ja Pablo yajni yila ja yal kerem chamel xa?

3. ¿Bʼa wajum ja Pablo, ja Timoteo soka matik ay smokeʼi, sok jasa ekʼ yajni kʼotye tekʼan bʼa Mileto?

4. ¿Jasa aji snaʼ ja Pablo yuja Ágabo, sok jastal kʼot smeranil ja jas yala ja alumani?

Tuk sjobʼjel:

1. Kʼuman ja Hechos 20:7-38, NM.

   1. ¿Jasa oj jkʼuluktik bʼa mi oj jmuluktik ja xchikʼel ja ixuk winiki, ja jastal wa xyala ja Pablo bʼa Hechos 20:26, 27? (Eze. 33:8; Hech. 18:6, 7.)

   2. ¿Jas yuj ja ansyanoʼik bʼa kongregasyon tʼilan tsats oj ajyuke soka smeranil abʼal toji yajni wa sjeʼaweʼi? (Hech. 20:17, 29, 30, NM; Tito 1:7-9; 2 Tim. 1:13.)

2. Kʼuman ja Hechos 26:24-32.

   Yuja ti sbʼaj bʼa Roma, ¿jastal ya makunuk ja it ja Pablo bʼa skʼulajel ja aʼtel bʼa xcholjel akʼubʼal yi yuja Jesusi? (Hech. 9:15; 16:37, 38; 25:11, 12; 26:32; Luc. 21:12, 13.)

Loʼil 112

1. ¿Jasa ekʼ sbʼaj ja barko bʼa wajum ja Pablo yajni ekʼume mojan ja bʼa xen luʼum joyubʼal yuj jaʼ sbʼiʼil Creta?

2. ¿Jas yala yabʼ ja Pablo ja matik wajume bʼa barko?

3. ¿Jas yuj chʼak xetʼuk-el ja barko?

4. ¿Jasa yala ja maʼ kajan sbʼaj skʼeljel ja barko, sok janekʼ elye kʼot sakʼan ja man stiʼ jaʼi?

5. ¿Jasa sbʼiʼil ja xen luʼum joyubʼal yuj jaʼ bʼa kʼotyeʼi, sok jasa kʼulaji yi ja Pablo yajni lamxi ja chawuk ikʼ jaʼi?

Tuk sjobʼjel:

1. Kʼuman ja Hechos 27:1-44.

   ¿Jastal wa stsatsankʼujolanotik ja jastal kanel tsʼijbʼunubʼal bʼa Biblia sbʼaja spetsanil ja jastik chʼak ekʼ sbʼaj ja Pablo yajni wajum bʼa Roma? (Hech. 27:16-19, 27-32; Luc. 1:3; 2 Tim. 3:16, 17, YT.)

2. Kʼuman ja Hechos 28:1-14.

   Ta ja swinkil Malta, mi kʼuʼumanuke Dyos, jel lek juntiro sjeʼawe ja skʼujole soka jekabʼanum Pablo soka tuk teye bʼa barko, ¿jasa wa snijkesotik ja keʼntiki ja kʼuʼumanotik Dyosi, sok jastal oj bʼobʼ oj jeʼtik? (Hech. 28:1, 2; Heb. 13:1, 2; 1 Ped. 4:9.)

Loʼil 113

1. ¿Machʼa kʼe xchol yi ja Pablo yajni ti ajyi lutan bʼa Roma?

2. ¿Machʼa ja ulatanum kulan ay bʼa mesa, sok jastal wan skoltajel ja Pablo?

3. ¿Machʼa ja Epafrodito, sok jasa yiʼaj och ja kumxi bʼa Filiposi?

4. ¿Jas yuj Pablo stsʼijbʼan jun karta sbʼaja lekil yamigo Filemoni?

5. ¿Jas skʼulan ja Pablo yajni aji eluk bʼa preso, sok jasa ekʼ sbʼaj tsaʼan?

6. ¿Machʼa ya makunuk ja Jyoba bʼa oj stsʼijbʼuk ja tsaʼanik xta juʼunik bʼa Biblia, sok jasa wa staʼa tiʼal ja juʼun bʼa Apocalipsisi?

Tuk sjobʼjel:

1. Kʼuman ja Hechos 28:16-31, YT; Filipenses 1:13.

   ¿Jastal ya makunuk ja styempo yiʼoj ja Pablo yajni ajyi lutan bʼa Roma, sok jastal yilawe ja kongregasyoniki ja stsatsal skʼuʼajel yiʼoji? (Hech. 28:23, 30; Fili. 1:14.)

2. Kʼuman ja Filipenses 2:19-30.

   ¿Jastik yaljel ja bʼa karta stsʼijbʼan ja Pablo wa sjeʼa wa syajtay ja Timoteo soka Epafrodito, sok jastal oj bʼobʼ jnochtik ja lekil smodoʼi? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)

3. Kʼuman ja Filemón 1-25.

   1. ¿Jasa ya makunuk ja Pablo bʼa yaljel yabʼ ja Filemón bʼa a-skʼuluk ja bʼa toji, sok jastal wa xmakuni ja it sbʼaja ansyanoʼik bʼa jtyempotiki? (File. 9; 2 Cor. 8:8; Gál. 5:13.)

   2. ¿Jastal sjeʼa ja Pablo soka yaljelik wa xtax bʼa Filemón 13, 14 wani skisa bʼa mi oj syajbʼes ja jastal wa xtax ja spensar ja tuk smoj-alijelik bʼa kongregasyoni? (1 Cor. 8:7, 13; 10:31-33, YT.)

4. Kʼuman ja 2 Timoteo 4:7-9.

   Jastal ni ja jekabʼanum Pablo, ¿jas yuj wa xbʼobʼ jipjkʼujoltik bʼa Jyoba oj ya jlekilaltik ta toj wala ajyitik man xjak ja jchʼakelaltiki? (Mat. 24:13; Heb. 6:10.)

Loʼil 114

1. ¿Jas yuj ja Biblia wa staʼa tiʼal kawujik ja bʼa satkʼinali?

2. ¿Jas sbʼiʼil ja skʼakʼanel ja Dyos sbʼaja matik mi lekuke ja bʼa Luʼumi, sok jas xchol ja kʼakʼanel it?

3. Jastal wa x-ilxi bʼa dibujoʼi, ¿machʼa kajan sbʼaj oj skʼel ja kʼakʼanel it, jas yuj lapan yuj jun skorona, sok jasa wa sbʼejan ja yespada yaman yuji?

4. Soka jas ilxi bʼa loʼilik 10, 15 soka 33, ¿jas yuj mini chamyabʼjel oj kabʼtik yajni ja Dyos xchʼaya snajel ja ixuk winike bʼa mi lekukeʼi?

5. ¿Jastal wa sjeʼa ja loʼil 36 soka 76 ja Dyos ojni xchʼaysnajel ja ixuk winike mi lekuke anima xyalawe wane yaʼteltajel ja Dyosi?

Tuk sjobʼjel:

1. Kʼuman ja Apocalipsis 19:11-16.

   1. ¿Jastal wa sjeʼa jaman lek ja Yabʼal ja Dyosi ja maʼ kajan ja bʼa sakal kawuj jaʼa Jesukristo? (Apo. 1:5; 3:14, NM; Apo. 19:11; Isa. 11:4.)

   2. ¿Jastal wa sjeʼa ja chikʼ tsʼijtel ja bʼa spal kʼu ja Jesús merani lek oj skʼul ganar ja kʼakʼaneli? (Apo. 14:18-20; 19:13.)

   3. ¿Machʼtik bʼobʼta chʼikane ja bʼa kʼakʼanumik wa snochowe ja Jesús ja bʼa sakal skawuj kajani? (Apo. 12:7; 19:14; Mat. 25:31, 32.)

Loʼil 115

1. Jastal wa xyala ja Biblia, ¿jastik jun oj kabʼtik stsamalil ja bʼa Kʼachinubʼ bʼa Luʼumi?

2. ¿Jasa wa skʼapa ja Biblia sbʼaja matik oj ajyuke sakʼan ja bʼa Kʼachinubʼi?

3. ¿Jas tyempo oj skʼuluk ja Jesús bʼa oj ekʼuk ja jastik junuk it jel tsamali?

4. Yajni Jesús ti ajyi bʼa Luʼumi, ¿jasa skʼulan bʼa sjeʼa ja jasa oj skʼuluk jastal mandaranum ja bʼa sGobyerno ja Dyosi?

5. ¿Jasa oj skʼuluk ja Jesús soka tuk smojik yajni xyaʼawe mandar lajan bʼa Luʼum masan bʼa satkʼinali?

Tuk sjobʼjel:

1. Kʼuman ja Apocalipsis 5:9, 10, YT.

   ¿Jas yuj wa xbʼobʼ jipjkʼujoltik ja olomaliki soka mandaranumiki oj yaʼe mandar sbʼaja Luʼumi ja bʼa mil jabʼili oj stalna jyajulaltik? (Efe. 4:20-24, YT; 1 Ped. 1:7; 3:8; 5:6-10.)

2. Kʼuman ja Apocalipsis 14:1-3.

   ¿Jasa wa stojolan ja tsʼijbʼunubʼal ja sbʼiʼil ja Tatali soka sbʼiʼil ja Cheji bʼa spatane ja 144,000? (1 Cor. 3:23; 2 Tim. 2:19; Apo. 3:12.)

Loʼil 116

1. ¿Jasa tʼilan oj jnebʼtik ta wa xkʼana oj ajyukotik sakʼan tolabida?

2. Jastal ni wane skʼulajel ja yal akʼix soka smojiki bʼa dibujo, ¿jas modoʼal oj jnebʼtik sbʼaja Dyos Jyoba soka bʼa Jesús?

3. ¿Jas pilan juʼun tey ja bʼa dibujo, sok jas yuj tʼilan oj jkʼumuktik tikʼan?

4. ¿Malan ita maʼ snebʼjel bʼa Jyoba sok bʼa Jesús bʼa oj jtatik ja jsakʼaniltik bʼa tolabida?

5. ¿Jasa wa xnebʼatik ja bʼa loʼil 69?

6. Jastal wa sjeʼa ja loʼil 55, ¿jasa lekil sjeʼjel wa sjeʼa kitik sbʼaja yal kerem Samuel?

7. ¿Jastal oj bʼobʼ jnochtik ja smodo ja Jesusi, sok ta jkʼulantiki, jasa oj kabʼtik stsamalil ja bʼa tyempo jakumto?

Tuk sjobʼjel:

1. Kʼuman ja Juan 17:3.

   ¿Jastal wa sjeʼa ja Biblia ja snebʼjel sbʼaja Jyoba soka bʼa Jesukristo mi kechanuk ita sbʼutʼjel ja kolomtik sok jastik junuk bʼa Biblia? (Mat. 7:21; Sant. 2:18-20; 1 Juan 2:17.)

2. Kʼuman ja Salmo 145:1-21.

   1. ¿Jastik jitsan rason kiʼojtik bʼa oj jtoytik ja Jyoba? (Sal. 145:8-11; Apo. 4:11.)

   2. ¿Jastal wa sjeʼa Jyoba slekilal skʼujol jmoktik, sok jastal ja it ojni snijkesotik bʼa oj mojxukotik mas soka yeʼn? (Sal. 145:9; Mat. 5:43-45.)

   3. Ta meran lek wa xyajtaytik ja Jyoba, ¿jasa oj snijkesotik skʼulajel? (Sal. 119:171, 172, 175; 145:11, 12, 21.)