«Ja dyosi oj skuse ja ya‘alel sate‘i ja ye‘nle‘i. mixa ti oj ajyuka ja chamelali cho mini ja chamkʼujolili cho mini ja okʼeli cho mini ja syajali. yuj ja chʼakta ekʼuki spetzanil ja jastik junuk iti yuj ja pokoxa.» (Ja swayichi [Apocalipsis] 21:4, Ja yajkʼachil sju‘unil ja dyosi.)

Snajel ja Dyosi mini yeʼnuk wa xyakitik ja wokoliki (Santiago 1:13).

Wa xya kulan jkʼujoltik snajel ja Dyosi wa xyabʼ stojolil ja wokolik wa x-ekʼ jbʼajtiki (Zacarías 2:8).

Meran smajlajel sbʼaja kʼakʼu oj chʼak ja wokoliki (Salmo 37:9-11).

Waniʼa, la kiltik kechanta chabʼ rasonik:

• Ja Dyosi wa xyijnay ja wokoliki soka skʼulajel bʼa mi tojuki. Pensaraʼan sbʼaja jastal yila ja Jyoba yajni ixta iljiye ja xchonabʼ ja bʼa tyempo najate. Ja Biblia wa xyala ja Dyosi jel yaj yabʼ yajni yila jastal wa xtʼenjiye ja xchonabʼi yuja tuk chonabʼiki (Jueces 2:18).

  Ja Dyosi mini tʼun lekuk xyila ja matik wa xyawe yiʼ wokol ja tuki. Ja Biblia wa xyala ja Dyosi wa xyijnay ja matik wa spekʼawe xchikʼel ja ixuk winik mey smuleʼi (Proverbios 6:16, 17).

• Ja Dyosi wa xcham skʼujol bʼa jujuneʼotik. Ja Jyoba wa xyala la katikan bʼa skʼabʼ ja jwokoltiki, pes yujni ja yeʼn «huan nix yaa[wotik] sata» (1 Pedro 5:7, Ja yajcʼachil testamento).

  Ja Dyosi oj ya makunuk ja sGobyerno bʼa ojxta xchʼaysnajel ja wokolik wa x-ekʼ jbʼajtik jujuneʼotik (Mateo 6:9, 10). Malan oj skʼuluk ja jaw, ja yeʼn yaʼawxta wa xyaʼa kulan skʼujol ja matik wa xlejiyuj sok spetsanil skʼujoleʼi (Hechos 17:27; 2 Corintios 1:3, 4).