AKOMODADORIK. Ja akomodadorik teye bʼa oj skoltaya. Koltay ja yeʼnle bʼa spetsanil sok snochjel ja jas wa xyalawe sbʼaja estacionamiento, ekʼel ja bʼa pasiyoʼiki, ja spiljel ja kujlayubʼi sok tuk jasunuk.

DONASYONIK. Ajyel jitsan gastoʼik bʼa tojbʼesxel ja kujlayubʼiki, ja aparato bʼa sonido, bʼa bideo sok bʼa tuk jastik junuk bʼa jachuk oj kabʼtik stsamalil ja niwan tsomjeli sok mojxel mas soka Jyoba. Jawa donasyoni wa xkoltani ja bʼa gastoʼik it sok ja aʼtel wa xkʼulaxi bʼa yibʼanal ja luʼumi. Ja bʼa sjoyanal ja lugar it ay kajaʼik bʼa chʼikubʼal ja sbʼiʼili bʼa oja wa ochuk ja donasyoniki. Cha ojni bʼobʼa wa donasyonik jach bʼa Internet, bʼa donate.pr418.com. Jelni wa x-axi tsʼakatal yuja wa donasyon. Ja Tsome Tojwanumi jel wa xyawi tsʼakatal yuja jaman akʼujol wala koltani sbʼaja sGobyerno ja Dyosi.

KOLTAJEL TA AY MAʼ MALOʼAXI. Ajuluka kʼujol ja departamento it kechanta ta ajyi jun emergencia.

KUJLAYUBʼIK. Wa xlokowextikon jeʼa lekil amodo soka tuki. Ajuluka kʼujol kechan oj bʼobʼa pil kujlayubʼik sbʼaja wa pamilya, ja matik amoj bʼa junxta karro, ja matik teyex bʼa junta naʼits ma ja matik waxa wayi estudio. Mok jasa wakan ja bʼa kujlayubʼ mi oj makunukawuj.

OPISINA BʼA JASTIK CHʼAYEL. Ta ay jas ataʼa mi abʼajuk, kax akan ja bʼa Opisina bʼa Jastik Chʼayel. Ta ay jas chʼayelawuj, kax leʼa ja bʼa lugar jaw. Chomajkil tini oja wiʼoch ja yal untik bʼa chʼayele. Pe bʼa mi oj ajyuk chamkʼujolik bʼa mey stʼilanil, talnay jawa wuntikili sok ti x-ajyiye ekʼ amoka.

SKʼAPJEL ABʼAJ KOLTANEL. Ta waxa kʼana oj koltanan ja bʼa aʼtelik wa xkʼulaxi ja bʼa niwan tsomjeli, kax ja bʼa opisina bʼa Skʼanjel koltajel ma ja bʼa Opisina bʼa skʼapjel abʼaj koltanel.

YIJEL JAʼ. Oj pilxuk ja slugare ja matik oj yi jaʼ bʼa stiʼ ja plataporma, kechan miyuk ta alxi pilan jas oj kʼulaxuk. Ja matik oj yiʼ jaʼi tʼilan oj wajuke kulan bʼajtanto oj kʼeʼuk ja loʼil bʼa yijel jaʼ oj ekʼuk ja bʼa saʼan sakbʼel sábado. Tʼilan oj yiʼejan stuayaʼe sok skʼuʼe bʼa lek skʼeljel.

Eskwela bʼa cholumanik sbʼaja sGobyerno ja Dyosi. Wa xlokxi ja precursorik bʼa ayiʼoje 23 man 65 jabʼil bʼa wa skʼana oj yaʼteltaye mas ja Dyos awajuke ja bʼa tsomjelal oj kʼulaxuk ja bʼa domingo bʼa ochkʼakʼu. Ja ora soka lugar bʼa oj kʼulaxuki ti oj alxuk bʼa plataporma.