Skʼeʼulabʼil ja bʼa xetʼan 1
Ja Biblia wa xkʼe xchol ja bʼa jastik kʼulaji, wa xyala kabʼtik ja bʼa jastik jel tsamalik skʼulan ja Jyoba ja bʼa satkʼinal sok ja bʼa luʼum. Ta aya wuntikil, koltay bʼa yiljel stʼilanil ja tuktukil tikʼe jastik kʼulubʼali. Chiktes ja Jyoba skʼulan ja ixuk winik bʼa masto ekʼxel yuja chanteʼiki, pes wani xbʼobʼ loʼilanuke, wa spensarane, wa stojbʼese jastik, wa stsʼebʼaniye sok yajelyi orasyon. Koltay bʼa ayil-e chaʼanyabʼal ja yip sok ja sbiboʼil yiʼoj ja Jyoba, pe mas sbʼaja syajal skʼujol yiʼoj ja bʼa jastik skʼuluneji, bʼa ti chʼikanotik jujune ja keʼntiki.
JA BʼA XETʼAN IT
SJEJEL 1
Ja Dyos skʼulan ja satkʼinal sok ja luʼum
¿Jas yuj ja Jyoba skʼulan bʼajtanto jun anjel jel chaʼanyabʼalil sok tsaʼan skʼulan ja tuki?
SJEJEL 2
Ja Dyos skʼulan ja bʼajtan winik sok ja bʼajtan ixuk
Ja Dyos skʼulan ja Adán soka Eva sok ti yaʼa bʼa kʼachinubʼ bʼa Edén. Wani skʼana ayawe ajyuk yuntikile sok yajel paxuk ja luʼum jun kʼachinubʼ.
