Tsaʼan yajni ja Adán soka Eva elye ja bʼa kʼachinubʼ bʼa Edén, ajyi jitsan yuntikile. Ja bʼajtani sbʼiʼilan Caín. Ja yeʼn stsʼunu sat tekʼul sok itaj. Jaxa xchabʼili sbʼiʼilan Abel, sok kʼot talnuman chej.

Jun kʼakʼu, ja Caín soka Abel yaweyi majtanal ja Jyoba. Ja majtanal it jelni chaʼanyabʼalil. Ja Jyoba jel skʼulan gusto ja majtanal yaʼa ja Abel, pe miyuk ja bʼa Caín. Ja yuj jel tajki ja Caín. Ja Jyoba yala yabʼ ja Caín ta mi xya eluk ja stajkelali, aynibʼi jas oj skʼuluk bʼa mi lekuk, pe mini skʼuʼan.

Soka Caín yala yabʼ ja Abel: «Wajtik bʼa jobʼ». Yajni stuchʼil aye ja tiw, ja Caín juneta yayi ja smoj-alijeli sok  smila. ¿Jasa skʼulan ja Jyoba? Skʼulan kastigar ja Caín, sjeka najat lek bʼa mixa oj yil ja spamilya. Mixa bʼobʼ kumxuk.

¿Jasa wa xnebʼatik? Ta ja jas wa xkʼulantik mi jach wa x-el jastal wa xkʼanatik, bʼobʼta wala tajkitik. Ta wa xkabʼtik mas wantik tajkel, ma wa xyilawe ja tuk tajkel ayotik, tʼilani stukbʼesel sok skomjel wego ja jastal wa xkabʼ ayotiki bʼajtanto oj skʼulukotik ganar.

Ja Abel jel syajtay ja Jyoba sok toj ajyi, ja yuj ja Jyoba tolabida wa xjul skʼujol. Ja Dyosi oj ya sakʼwuk yajni ja luʼum xpax jun kʼachinubʼ.