Ja xetʼan it wa xcholo ja sakʼanile ja mandaranum Saúl soka David, sok ekʼ junuk 80 jabʼil. Ja bʼajtanto, ja Saúl chʼin yaʼa sbʼaj sok ajyi kʼuʼabʼal soka Dyos. Tixta sjomo sbʼaj sok mixa skʼana ja stojelal ja Jyoba. Ja Jyoba mixa lek yila ja Saúl, sok yayi xchol ja Samuel bʼa stsajel ja David bʼa yeʼn akʼot mandaranum bʼa Israel. Ja Saúl jel skorajaʼan ja David sok jitsan ekʼele sleʼa modo smiljel. Pe ja David mi ya stupe. Ja Jonatán, ja skerem ja Saúl, wa snaʼa ja Jyoba yeʼn stsaʼunej ja David, ja yuj tojni ajyi soka David. Ama ja David sleʼa chaʼan mulalik, tolabida skisa ja stojelal ja Jyoba. Ta aya wuntikil, koltay bʼa ayil-e ja stʼilanil yiʼoj bʼa skʼuʼajel ja jastik wa skʼana ja Dyosi.