Pensaraʼan ja it: ja Heather sok ja Mike ayxa chabʼ ixaw smakbʼen sbʼaje, pe ja Heather wa xyabʼ lajansok tolabidaxa ajyele lajan. Tikʼanxta wa sjeka sbʼaje mensaje sok wa skʼuman sbʼaje, sok wanxa snaʼawe jasa oj yal sbʼaje. Pe ja wego, ja Mike ayxa jas mas wa skʼana sok mixa kechan loʼiluk.

Masan wego, ja Mike sok ja Heather kechan wa xloʼilaniye sok yujtsʼanta sbʼaje jujuntik ekʼele. Ja Heather mini skʼana oj jelxuk mas, pe cha mi skʼana oj ajukani. Kechanta ja Mike wa xya ajyuk gusto sok jel tsamal xyabʼ ja Heather. «Ja Mike soka keʼn jel xkʼana jbʼajtikon», xchi ja Heather.

Ta ayxa wa jabʼil bʼa ajyela makbʼen sok wan ekʼela bʼaj jastal ja Heather, ¿jas oja kʼuluk?

Ta ja weʼn waxa kʼana oj jujpan sok ajipakona bʼaj bʼa jun teʼ, ojni awil ja swokolil. Jachni oj cha ekabʼaj ta mi akisa jun ley bʼa skʼulajel ja bʼa toji, jastal ja mok jletik «jmultic soc ja ixuquei ma ja huiniquei» (1 Tesalonicenses 4:3).

¿Jastik ja swokolil oj yijan ta jkʼokotik ja ley jaw? Ja Biblia wa xyala: «Ja sleejel ja mulal soc otro ixuqui [...] jaʼ ni mero huanex yixtalajel ja hua cuerpoex» (1 Corintios 6:18). ¿Jas wa xkʼan yal ja it?

 Ja jas paklubʼali wa sjeʼa jitsan keremtik akʼixuk bʼa ayxa maʼ wayelesok bʼajtanto oj nupanuke wa xbʼobʼ ekʼ sbʼaje ja wokolik it:

• SNAJEL MALAYA. Tʼusan mi spetsaniluk ja keremtik akʼixuk bʼa ayxa maʼ wayelesok bʼajtanto oj nupanuke wa xyalawe wani snaʼawe malaya yuja jach skʼulaneʼi.

• DUDA. Tsaʼan yajni wayeta lajan, jujuntik wa sjobʼo sbʼaje machun mas wayta soka smakbʼeni.

• MIXA SJIPA SKʼUJOLE. Ja bʼa skʼujole, jitsan akʼixuk jani wa skʼanawe oj ajyuke sok june maʼ wa xtalnajiyeyuj, sok mini jaʼuk ja maʼ wa x-ixtalajiye. Sok jitsan keremtik mixani jel skisawe ja akʼixuk bʼa chikanxta maʼ wa skisa.

• Xchʼakulabʼil: Ta ay maʼ wayasok bʼajtanto oj nupanan, wanani yijnajel ja jas jel tsamal awiʼoji (Romanos 1:24). Jawa kwerpo jelni chaʼanyabʼal juntiro. ¡Moka kʼebʼe!

Ajyan tsats sok mok maʼ wayansok bʼajtanto oj nupanan (1 Tesalonicenses 4:3). Yujni ja kʼakʼu la nupani, ojxa bʼobʼa kʼuluk sok ojxa wabʼ stsamalil tsʼikan lek. Pes ja matik wa xwaye bʼajtanto oj nupanuke wa snaʼawe malaya, wa xcham skʼujole sok mi sjipa skʼujole (Proverbios 7:22, 23; 1 Corintios 7:3).

• Ta ay maʼ meran wa skʼanawa, ¿anke wa skʼana lek oj ajyuk jawa kwerpo sok lek oj taxuk jawa kʼujoli?

• Sok ta meran wa xchamskʼujol bʼa weʼna, ¿ay maʼ jas oj skʼanawi oja kʼuluk bʼa oj sjom ja jastal aya soka Dyosi? (Hebreos 13:4).