Ja jastal oja wa el jitsan slekilal ja estudio it bʼa Biblia
Bʼajtanto oj kʼeʼan ja estudio, kʼuman ja bʼa it. Tsaʼan kʼela ja BIDEO.
BʼAJTAN PARTE
Bʼajtanto ja bʼa westudio, kʼumana tuchʼil ja bʼajtan parte bʼa kada sjejel. Ja sjobʼjelik bʼa ayiʼoj snumeroʼil (A) sok ja tekstoʼik bʼa Biblia bʼa kʼikʼ ay (B) wa xchiktes jasa mas tʼilan. Ila ke jujuntik teksto wa xyala «Kʼuman».
XCHABʼIL PARTE
Ja bʼajtan parrapo ja bʼa «La jnebʼtik mas» wa xcholo ja jas oj nebʼxuk ja bʼa sjejeli (C). Ja spilulabʼilik bʼa ayiʼoj snumeroʼil wa xchiktes jasa mas tʼilan (D).
BIDEOʼIK. Ja bʼa recuadroʼik it oja taʼ bideoʼik bʼa wa syaka sbʼaj soka teksto ja bʼa sjejeli. Jujuntik bideo merani jach ekʼel. Jaxa bʼa tuk kechanta sjejelik, pe wani sjeʼa jastal mero wa xtax ja jsakʼaniltik.
Soka wa maestro, kʼuman ja tekstoʼik bʼa Biblia, jakʼa ja sjobʼjelik sok kʼela ja bideoʼik. Kʼela ja potoʼik, ja dibujoʼik sok ja xcholjelik yiʼojani (E), sok pensaran jastal oja jakʼ «Ja jas wa xyalawe jujuntik» (F).
YOXIL PARTE
Ja sjejelik ja wa xchʼakansok «Ja jasa nebʼa» sok ja «Yajel juljkʼujoltik» (G). Yajni xchʼaka kʼul estudiar ja sjejeli tsʼijbʼan jas kʼakʼu. Ja bʼa recuadro «Leʼa modo skʼulajel ja it» oja taʼ jastik oj skoltaya oja nebʼ mas ja bʼa westudio (H). Ja bʼa «Leʼa tuk jastik» oja taʼ tuk juʼunik sok bideoʼik bʼa oja kʼele (I).
Jastal stajel jun teksto bʼa Biblia
Ja Biblia ayiʼoj 66 libro. Ayiʼoj chabʼ xetʼan: ja Yabʼal ja Dyos Tsʼijbʼunubʼal bʼa Hebreo sok Arameo sok ja Yabʼal ja Dyos Tsʼijbʼunubʼal bʼa Griego. Jujuntik wa snaʼawe sbʼaj jastal ja Poko Testamento sok ja Yajkʼachil Testamento.
Ja tekstoʼik ja bʼa estudio it, bʼajtan oja taʼ ja sbʼiʼil ja libro bʼa Biblia (A), tsaʼan ja número wa sjeʼa jas kapitulo (B) sok tsaʼan oja taʼ june ma jitsan número bʼa wa sjeʼa jas bersikulo ma bersikuloʼik (C).
Jun sjejel, ja Juan 17:3 wa stojolan «ja libro bʼa Juan, kapitulo 17, bersikulo 3».
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
