SJEJEL 02
Ja Biblia wa xyaʼakitik smajlajel
Ja kristyanoʼiki wa x-ekʼ sbʼaje wokolik bʼa jel x-aji tristeʼaxuke, wa x-aji cham skʼujole sok wa xyabʼye syajal. ¿Ay maʼ bʼa ekʼelabʼaj bʼa oj slajtik? Bʼobʼta wana yijel wokol yuj jun chamel ma yuj cham june maʼ jelxa yajtay. Bʼobʼta waxa jobʼo abʼaj ta oj tojbʼuk ja jastik junuki. Ja Biblia wa xyaʼa jun sjakʼjel jel xyaʼa kulan jkʼujoltik.
1. ¿Jasa smajlajel wa xyaʼa ja Biblia?
Ja Biblia wa xcholo jas yuj jel ja wokoli. Cha wa xyala kabʼtik ke ja wokolik it ekʼum bʼej ita sok jelxa mojan oj chʼayuk. Ja skʼapjelal bʼa Biblia, ojni bʼobʼ yawi «jun lekil smajlajel ja bʼa tyempo jakumi» (kʼuman ja Jeremías 29:11, 12). Ja skʼapjelik jaw wa skoltayotik bʼa oj kuchkujtik ja wokoliki sok bʼa oj ajyukujtik pensarik wa xtulwani. Cha wa xya jkʼuʼuktik ke ojni bʼobʼ ajyukotik gusto bʼa tolabida.
2. ¿Jastal wa xcholo ja Biblia ja bʼa tyempo jakumi?
Ja Biblia wa staʼa tiʼal ke ja tyempo jakumi «mixani oj ajyuk chamelal, mixani tristeʼil, mini mebʼa okʼel sok mini syajal» (kʼuman ja Apocalipsis 21:4). Mixa oj ajyuk ja wokolik. Jastal ja pobreʼil, ja jastik mi tojuk, ja chamelik sok ja chamelal. Ja Biblia wa skʼapa ke ja kristyanoʼik ojni bʼobʼ yabʼye stsamalil ja sakʼanile tolabida bʼa jun tsamal lugar ja bʼa Luʼum.
3. ¿Jasa oj skoltaya bʼa oja jipa kʼujol ja kʼapjelal wa xyaʼa ja Biblia?
Jitsan kristyano wa smajlaye oj tojbʼuk ja jastik junuk, pe mini skʼuʼane ta oj kʼot smeranil. Ja skʼapjelal wa xyaʼa ja Biblia tukni lek. Ojni bʼobʼ jipjkʼujoltik ja skʼapjelik wa xyaʼa ta wa xpaklaytik «lek ja Yabʼal ja Dyos», wa xkʼan alxuk, ta wa xkʼulantik estudiar ja Biblia (Hechos 17:11). Ja jaw ojni skoltaya bʼa weʼn oja tsaʼ ta oja kʼuʼuk ja jas wa xyala sbʼaja tyempo jakumi.
LA JNEBʼTIK MAS
La jpaklaytik jujuntik ja skʼapjelal yiʼoj ja Biblia ja bʼa tyempo jakumi. La kiltik jastal ja smajlajel it wan skoltajel jitsan kristyano.
4. Ja Biblia wa skʼapa oj ajyukotik sakʼan tolabida bʼa mixa oj kitik wokol
Kʼela ja lista ti nochan ja bʼa skʼapjelik wa xtaʼatik bʼa Biblia. ¿Jastik mas wa spayawa? ¿Jas yuj?
Kʼumanik ja tekstoʼik bʼa Biblia tey soka kʼapjelalik it sok loʼilananik sbʼaja jas ti nochani:
-
¿Wan maʼ xa kʼuʼan wa xyaʼa smajlajel ja tekstoʼik it? ¿Oj maʼ koltajuke jawa pamilyaʼik sok ja wamigoʼik?
Pensaraʼan ti aya bʼa jun luʼum jastal jaw:
|
MIXA MAʼ... |
SPETSANILE... |
|---|---|
|
|
|
|
|
|
|
|
|
|
5. Ja smajlajel wa xyaʼa ja Biblia oj bʼobʼ ya tojbʼuk ja jsakʼaniltik
Jitsan kristyano elel sgana-e ma tajkel aye yuj smul ja wokolik. Jujuntik wa skʼulane ja janekʼ wa xbʼobʼ yujile bʼa stojbʼesjel ja jastik junuk. Ila jastal ja kʼapjelal wa xyaʼa ja Biblia oj tojbʼuk yibʼanal, wan koltajel jitsan kristyano. Kʼelawik ja BIDEO sok loʼilananik sbʼaja jas ti nochani:
-
¿Jastik mi tojuk wa xcham skʼujol ajyi ja Rafika?
-
¿Jastal koltajiyuj ja Biblia ama mi chʼay ja jas mi tojuki?
Ja kʼapjelal wa xyaʼa ja Biblia ojni skoltayotik ja yajni elel jganatik sok ajyel gusto ja bʼa yoj wokolik. Kʼumanik ja Proverbios 17:22 sok Romanos 12:12, sok loʼilananik sbʼaja jas ti nochani:
-
¿Wan maʼ xa kʼuʼan ke ja smajlajel wa xyaʼa ja Biblia ojni stojbʼes jawa sakʼanili? ¿Jas yuj?
JA JAS WA XYALAWE JUJUNTIK: «Jelni tsamal ja skʼapjel wa xyaʼa ja Biblia lek bʼi yuj meranuk».
-
¿Jas yuj waxa kʼuʼan tʼilani spaklajel ja prebaʼik bʼa meran oj kʼotuk ja jas wa xyala ja Biblia?
JA JASA NEBʼA
Ja Biblia wa skʼapa jun sakʼanil tolabida ajyel gusto. Ja jaw wa xyakitik smajlajel sok mi oj el jganatik ja bʼa yoj wokolik.
Yajel juljkʼujoltik
-
¿Jas yuj tʼilan oj ajyukyuj jun smajlajel ja kristyano?
-
¿Jas wa xyala ja Biblia sbʼaja tyempo jakumi?
-
¿Jastal oj bʼobʼ skoltaya oj ajyukawuj jun smajlajel?
LEʼA TUK JASTIK
Nebʼa mas sbʼaja yip yiʼoj ja smajlajeli.
«Ja smajlajel: ¿bʼa oj jtatika?» (¡Kʼeʼan!, 22 bʼa abril bʼa 2004)
Ila jastal ja smajlajel skoltunej ja matik ayiʼoje jun chamel mey yajnal.
«¿Wan maʼ xbʼobʼ skoltayotik ja Biblia bʼa kuchelkujtik jun chamel?» (Artikuloʼik bʼa jw.org)
Yajni xa wila ja bideo sokan sok kʼin, pensaraʼan soka wa pamilya wanex yabʼjel stsamalil ja sakʼanil ja bʼa Tsamal Lugar wa skʼapa ja Biblia.
Ila bʼa june wa xchapa wajel marcha tukbʼi ja sakʼanil yajni snaʼa ja smajlajel wa xyaʼa ja Biblia.
«Mixa xkila stʼilanil stukbʼesel ja luʼumkʼinali» (Ja Juʼun Cholumani, 1 bʼa julio bʼa 2013)
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
