SJEJEL 06
¿Jastal kujlaji ja sakʼanili?
«Ja bʼa weʼn [Dyos] tini wa xjak ja sakʼanili» (Salmo 36:9). ¿Wan maʼ xa kʼuʼan ja jaw? Jujuntik kristyano wa skʼuʼane ja sakʼanil stuchʼilta ajyi, ke mini ay jun kʼuluman. Ta mey jun kʼuluman, anto ja jsakʼaniltiki mini ay stojolil. Pe ta ja Jyoba yeʼn skʼulan ja sakʼanili, anto ayni stojolil ja sakʼanili, ¿anke meran? a Paklay ja jas wa xcholo ja Biblia sbʼaja sakʼanili sok ila ta ayni stojolil ja jaw.
1. ¿Jastal kujlaji ja sutsatkʼinal?
Ja Biblia wa xyala: «Ja kʼe kujlajuki, ja Dyosi skʼulan ja satkʼinaliki sok ja luʼumi» (Génesis 1:1). Tʼusan mi spetsaniluk ja científico wa skʼulane aseptar ke ayni maʼ skʼulan ja sutsatkʼinal. ¿Jastal skʼulan ja Dyos ja sutsatkʼinal? Jani ya makunuk ja yipi bʼa skʼulajel spetsanil ja jas ay ja bʼa sutsatkʼinali: ja galaxiaʼik, ja kʼanalik, ja planetaʼik... (Génesis 1:2).
2. ¿Jas yuj ja Dyos skʼulan ja Luʼumi?
Ja Jyoba «mi lom ita skʼulan, stojbʼes bʼa oj ajyuk swinkil» (Isaías 45:18). Ja yeʼn skʼulan ja Luʼumi bʼa oj kʼot jun lugar bʼa xlikiki sok tsamal, bʼa tini oj ajyuke tolabida ja kristyano (kʼuman ja Isaías 40:28; 42:5). Ja científicoʼiki wa xyalawe ke ja Luʼumi jelni chaʼanyabʼalil. Pes mini wa xnaxi ta ay pilan planeta bʼa oj bʼobʼ ajyukotik.
3. ¿Jas yuj tukni ja kristyano yuja chanteʼik?
Tsaʼan yajni skʼulan ja Luʼumi, ja Jyoba skʼulan ja sakʼanili. Bʼajtan, skʼulan teʼaltik sok chanteʼik ja bʼa Luʼumi. Sok tsaʼan ja «Dyos och skʼuluk ja winiki jastal splanta yeʼna» (kʼuman ja Génesis 1:27). ¿Jas yuj ja keʼntiki tukni kʼotelotik yuja chanteʼik? Yuja Dyos skʼulanotik jastal splanta, wani xbʼobʼ jetik ja smodoʼiki, jastal ja yajalkʼujol sok ja stojili. Cha skʼulanotik bʼa oj bʼobʼ jnebʼtik kʼumalik, yiljel ja jastik tsamalik sok yabʼjel stsamalil ja kʼiniki. Ja keʼntiki wa xbʼobʼ katikyi stoyjel ja Kʼulumani, pe ja chanteʼiki miyuk.
LA JNEBʼTIK MAS
La kiltik jujuntik prueba bʼa yeʼni stojbʼes ja Dyos ja jastik sakʼan ay sok jas yuj ja loʼil bʼa Biblia sbʼaja kʼulbʼeni wa syaka sbʼaj. Sok la jnebʼtik jasa wa sjeʼakitik sbʼaja Dyos ja modoʼalik yiʼoj ja kristyano.
4. Ja jastik sakʼan ayi ayni jun skʼuluman
Ja kristyano yeʼnani wa x-ajiyile stoyjel yuja jastik wa skʼulane bʼa jani wa snochowe ja kʼulbʼeniki. Pe ja kʼulbʼeniki, ¿maʼ wa xyayi stoyjel? Kʼelawik ja BIDEO sok loʼilananik sbʼaja jas ti nochani:
-
¿Jas kʼulbʼenik skʼuluneje kopyar ja kristyano?
Spetsanil ja naʼits ayni maʼ xchapa sok ya kʼeʼuk. ¿Maʼ xchapa sok skʼulan spetsanil ja kʼulbʼeniki? Kʼumanik ja Hebreos 3:4 sok loʼilananik sbʼaja jas ti nochani:
-
¿Jastik ja bʼa kʼulbʼenik mas wa spayawa?
-
¿Ay maʼ sbʼej skʼuʼajel ke ja sutsatkʼinal sok ja jastik yiʼoji ay maʼ skʼulan? ¿Jas yuj?
¿Wan maʼ xa naʼa ajyi?
Ja bʼa jw.org oja taʼ artikuloʼik sok bideoʼik sbʼaja it. Leʼa ja bʼa: «¿Ay maʼ stojbʼes ma miyuk?» sok «Pensarik sbʼaja jastal kujlaji ja sakʼanili».
«Ja smeranili, kada naʼits ayni maʼ yaʼunej kʼeʼuk, pe ja maʼ skʼulunej yibʼanal ja jastik junuki yeʼnani ja Dyosi».
5. Ja loʼil bʼa Biblia sbʼaja kʼulbʼeni wa syaka sbʼaj
Ja kapitulo 1 bʼa Génesis, ja Biblia wa xcholo jastal kujlaji ja Luʼumi sok ja jastik ay. ¿Meran maʼ ja jaw ma kechan jun kuento? Kʼelawik ja BIDEO sok loʼilananik sbʼaja jas ti nochani:
-
¿Wan maʼ sjeʼa ja Biblia ke ja Luʼum sok ja sakʼanili kʼulaji bʼa wake kʼakʼu bʼa 24 ora?
-
¿Wan maʼ xa kʼuʼan ke ja loʼil bʼa Biblia sbʼaja kʼulbʼeni wa syaka sbʼaj sok ay stojol? ¿Jas yuj?
Kʼumanik ja Génesis 1:1 sok loʼilananik sbʼaja jas ti nochani:
-
Tʼusan mi yibʼanaluk ja científico wa xyalawe ke ja sutsatkʼinal kʼulajini. ¿Wan maʼ syaka sbʼaj ja jas wa spensarane soka jasa kʼuman ja bʼa Biblia?
Jujuntik kristyano wa sjobʼo sbʼaje ta ja Dyos skʼulan jun tikʼe célula sok tsaʼan och skʼul sbʼaj evolucionar. Kʼumanik ja Génesis 1:21, 25, 27 sok loʼilananik sbʼaja jas ti nochani:
-
¿Wan maʼ sjeʼa ja Biblia ke ja Dyos skʼulan jun tikʼe célula sok tsaʼan och skʼul sbʼaj evolucionar man pax chayik, chanteʼik sok kristyanoʼik? ¿Ma yeʼn skʼulan spetsanil ja ‹tikʼeʼik› sakʼanil? b
6. Ja Dyosi tuk lek skʼulan ja kristyanoʼiki yuja tuk skʼulbʼenik
Ja keʼntiki tukotik lek yuja chanteʼiki. Kʼumanik ja Génesis 1:26 sok loʼilananik sbʼaja jas ti nochani:
-
Ja kristyanoʼotiki wani xbʼobʼ jetik yajalkʼujol sok yabʼjel syajal ja tuk yujni kʼulajitik jastal splanta ja Dyos. ¿Jas wa sjeʼawi ja jaw sbʼaja smodo ja Jyoba?
JA JAS WA XYALAWE JUJUNTIK: «Ja jas wa xcholo ja Biblia sbʼaja kʼulbʼeni kechan lom loʼil».
-
¿Jas waxa pensaran? ¿Jas yuj?
JA JASA NEBʼA
Ja Jyoba skʼulan ja sutsatkʼinali sok spetsanil ja sakʼanili.
Yajel juljkʼujoltik
-
¿Jas wa sjeʼa ja Biblia sbʼaja jastal kujlaji ja sutsatkʼinali?
-
¿Yaʼa maʼ kan ja Dyos bʼa jun tikʼe célula a-skʼul sbʼaj evolucionar tuk sakʼanil, ma yeʼn skʼulan spetsanil?
-
¿Bʼa jas modo chaʼanyabʼalotik?
LEʼA TUK JASTIK
Kʼela jujuntik sjejel ja bʼa kʼulbʼenik bʼa wa xchiktes ayni jun kʼuluman.
«¿Jasa wa sjeʼakitik ja kʼulbʼeniki?» (¡Kʼeʼan!, septiembre bʼa 2006)
Ila jastal jun tatal wan xcholjel yabʼ ja yal skeremi ja loʼil bʼa Biblia sbʼaja kʼulbʼeni.
Paklay ta ja evolución wa syaka sbʼaj soka jas wa sjeʼa ja Biblia.
Ila ja bʼakik staʼuneje sok ja pruebaʼik yaʼuneje ja cientıficoʼik ta wa xchiktes stuchʼil jul ja sakʼanil ma ay maʼ skʼulan.
Ja jastal kʼe ajyuk ja sakʼanil. Joʼe sjobʼjel bʼa ayni sbʼej spaklajel (Poyeto)
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
