SJEJEL 07
¿Jastal maʼ ja Jyoba?
Yajni waxa pensaraʼan bʼa Jyoba, ¿jastal maʼ waxa pensaraʼan kʼotel? ¿Wan maʼ xa pensaraʼan jel niwan juntiro pe jel najat ay bʼa weʼna, jastal ja kʼanalik bʼa jun galaxia jel najat ay? ¿Ma wa x-ekʼ bʼa wa wolom jel ja yip pe mey yiʼoj modoʼalik, jastal jawa xkoʼ jun chawuk? ¿Jastal mero kʼotel ja Jyoba? Ja bʼa Yabʼali, ja Biblia, wani sjeʼa jujuntik ja bʼa modoʼalik yiʼoji sok cha jachuk ja bʼa janekʼto wa xcham skʼujola mok.
1. ¿Jas yuj mi xbʼobʼ kiltik ja Dyosi?
Ja «Dyosi mini xbʼobʼ ilxuk» (Juan 4:24). Ja Jyoba mini ayiʼoj jun skuerpo jastal keʼntik. Ja yeʼn mini xbʼobʼ kiltik pes tey bʼa satkʼinal, jun lugar bʼa mini xcha bʼobʼ kiltik.
2. ¿Jas jujuntik ja bʼa modoʼalik yiʼoj ja Jyoba?
Ama mi xbʼobʼ kiltik ja Jyoba, pe ayni yiʼoj modoʼalik bʼa wa xpaywani bʼa masto oj jyajtaytik. Ja Biblia wa xyala: «Yuja Jyoba jel syajtay ja toji, mini oj sjipkan ja matik toj aye smoki» (Salmo 37:28). Cha «yajxta wa x-ilwani sok jel syajulal skʼujol», pe mastoni soka matik wane yijel wokoli (Santiago 5:11). «Ja Jyoba mojan ay soka matik jel tristeʼay skʼujoli; sok wa xyayi skoltajel ja matik elel sgana» (Salmo 34:18). ¿Sok wan maʼ xa naʼa ke ja jas wa xkʼulantik ojni bʼobʼ gustoʼaxuk ma oj tristeʼaxuk? Ja matik wa stsaʼawe skʼulajel ja bʼa jastik mi lekuki wa xyawe tristeʼaxuk sok wa syajbʼese ja jastal wa xyabʼ ayi (Salmo 78:40, 41). Pe ja maʼ wa skʼulan ja bʼa leki jelni wa xya gustoʼaxuk (kʼuman ja Proverbios 27:11).
3. ¿Jastal wa sjeʼa ja Jyoba ke wa syajtayotik?
Ja modoʼal mas tʼilan yiʼoj ja Jyoba jani ja yajalkʼujol. Pes «ja Dyosi yajalkʼujolal» (1 Juan 4:8). Ja Jyoba wa sjeʼakitik ja syajal kʼujoli, bʼa jani wa xya makunuk ja Biblia sok cha jachuk ja bʼa jastik skʼuluneji (kʼuman ja Hechos 14:17). Jun sjejel, pensaraʼan ja bʼa jastal skʼulanotiki. Yaʼakitik ja snajel bʼa yiljel ja tsamal yelawiki, yabʼjel stsamalil ja kʼiniki sok ja waʼelalik bʼa jel x-ajbʼani. Ja yeʼn wa skʼana oj kabʼtik stsamalil ja sakʼanili.
LA JNEBʼTIK MAS
La kiltik ja jas wa xya makunuk ja Jyoba bʼa skʼulajel jastik jel cham yabʼjel. Sok tsaʼan la jpaklaytik ja jastal wa sjeʼa ja smodoʼik jel xpaywani.
4. Ja espíritu santo: jaʼa yip ja Dyos bʼa wan aʼtel
Ja keʼntik wa xkatik makunuk ja jkʼabʼtik bʼa aʼtel, jaxa Jyoba jaʼa yespiritu santo. Ja Biblia mi sjeʼa ke kristyano ja espíritu santo, jani yip ja Dyos wa xya makunuk bʼa skʼulajel spetsanil. Kʼumanik ja Lucas 11:13 sok Hechos 2:17, sok loʼilananik sbʼaja jas ti nochani:
-
Ja Dyos oj yayi ja yip ja matik wa skʼanaweyi. Anto, ¿wan maʼ xa pensaraʼan ja espíritu santo jun kristyano ma jaʼa yip ja Dyos bʼa skʼulajel ja jastik junuk? ¿Jas yuj jach waxa pensaran?
Ja Jyoba wa xya makunuk ja yespiritu santo bʼa skʼulajel jastik jel cham yiljel. Kʼumanik ja Salmo 33:6 sok 2 Pedro 1:20, 21, sok loʼilananik sbʼaja jas ti nochani:
-
¿Bʼa jastik modo yaʼunej makunuk ja yip ja Jyoba?
5. Ja Jyoba ayiʼoj modoʼalik bʼa wa spayawotik
Ja Moisés yaʼteltay toj lek ja Dyos. Ama jachuk, wani skʼana oj snaʼ sbʼaj lek ja sKʼulumani. Ja yuja Moisés yala yabʼ: «Jeʼaki jawa bʼejiki bʼa oj bʼobʼ jnaʼa bʼaj» (Éxodo 33:13). Ja Jyoba sjakʼayi bʼa xcholjel yabʼ jujuntik ja bʼa modoʼalik yiʼoji. Kʼumanik ja Éxodo 34:4-6 sok loʼilananik sbʼaja jas ti nochani:
-
¿Jastik ja bʼa modoʼalik yiʼoj ja Jyoba xcholo yabʼ ja Moisés?
-
¿Jastik modoʼalik bʼa Jyoba mas wa spayawa?
6. Ja Jyoba wa xcham skʼujol sbʼaja kristyano
Ja hebreoʼik, ja xchonabʼ ja Dyos ja bʼa najate, ajyiye moso ja bʼa Egipto. ¿Jastal yila ja Jyoba ja yajni wan yijel wokol ja xchonabʼi? Maklayik ja SNUJKʼALIL sok nochowik ma kechanta kʼumanik ja Éxodo 3:1-10. Tsaʼan loʼilananik sbʼaja jas ti nochani:
-
¿Jasa wa sjeʼawi ja loʼil it sbʼaja jastal wa xyabʼ ja Jyoba yajni wa xyila wa xyiʼaj wokol ja kristyano? Kʼelawik ja bersikuloʼik 7 sok 8.
-
¿Wan maʼ xa kʼuʼan ja Jyoba meran wa skʼana oj skoltay ja kristyanoʼiki? ¿Wan maʼ xa kʼuʼan oj bʼobʼyuj? ¿Jas yuj jach waxa pensaran?
7. Wa xkilatik ja smodoʼik ja Jyoba ja bʼa skʼulbʼenik
Ja Jyoba wa sjeʼakitik ja smodoʼik bʼa jani wa xya makunuk ja jastik skʼuluneji. Kʼelawik ja BIDEO. Tsaʼan kʼumanik ja Romanos 1:20 sok loʼilananik sbʼaja jas ti nochani:
-
¿Jastik modoʼalik bʼa Jyoba waxa wila ja bʼa kʼulbʼenik?
JA JAS WA XYALAWE JUJUNTIK: «Ja Dyos mini jun kristyanoʼuk, kechanta jun ipal wa xtax chikan bʼaʼa».
-
¿Jas waxa pensaran?
-
¿Jas yuj jach waxa pensaran?
JA JASA NEBʼA
Ja Jyoba mini xbʼobʼ kiltik, pe ayni yiʼoj modoʼalik bʼa jel xpaywani, bʼa jani mas xchiktes ja yajalkʼujoli.
Yajel juljkʼujoltik
-
¿Jas yuj mi xbʼobʼ kiltik ja Jyoba?
-
¿Jasunkiluk ja espíritu santo?
-
¿Jas jujuntik modoʼalik yiʼoj ja Jyoba?
LEʼA TUK JASTIK
Naʼa sbʼaj mas ja Jyoba spaklajel ja chane modoʼalik mas wa xchiktesi.
Ila ja prebaʼik ke ja Jyoba mi teyuk bʼa tuktukil lugar.
«¿Ti maʼ ay ja Dyos bʼa tuktukil lugar? ¿Chikan maʼ bʼay ekʼa?» (Artikuloʼik bʼa jw.org)
Ila jas yuj ja Biblia wa xyala ke ja espíritu santo ja kʼotel ‹skʼabʼik› ja Dyos.
Jun winik mi xyila kʼinal jel wokol xyabʼ skʼuʼajel ta ja Dyos wa xcham skʼujol bʼa yeʼna. Ila jasa koltaji bʼa stukbʼesel ja jas wa spensarani.
«Wa xkabʼ wanxa xbʼobʼ jkoltay ja tuk» (Artikulo bʼa Ja Juʼun Cholumani)
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
