SJEJEL 11
Ja jastal oja wa el jitsan slekilal skʼumajel ja Biblia
¿Ay maʼ bʼa jun ekʼele akʼanunej oj wa kʼe jun niwan aʼtel pe awabʼ jel wokol? Bʼobʼta xentik yaman wa kʼe takal takal. Pes junxtani wa xbʼobʼ alxuk soka skʼumajel ja Biblia. Bʼobʼta waxa jobʼo abʼaj: «¿Jastal oj kʼe jtulyi ja niwan aʼtel it?». Ja bʼa sjejel it oj kiltik jujuntik rasonik bʼa oj skoltaya oja wabʼ stsamalil skʼumajel ja Biblia sok spaklajel.
1. ¿Jas yuj lekni skʼumajel ja Biblia kada kʼakʼu?
Ja maʼ wa skʼuman kada kʼakʼu ja Biblia, ma ja «sley ja Jyoba», gustoni oj ajyuk sok lek oj wajyuj ja bʼa sakʼanil (kʼuman ja Salmo 1:1-3). Ja jas oj bʼobʼa kʼuluk, leʼa modo skʼumajel jujuntik minuto ja bʼa kʼakʼu. Yajni masxa naʼa sbʼaj ja Yabʼal ja Dyos, mas oja wabʼ stsamalil skʼumajel.
2. ¿Jas oj skoltaya bʼa oj wa el slekilal skʼumajel ja Biblia?
Bʼa yajel el jitsan slekilal skʼumajel ja Biblia, tʼilan oj kʼotkotik tekʼan bʼa spensarajel ja jas wanotik skʼumajel. Ja libro it mi kechanta oj jkʼumuktik, cha tʼilan oj ‹jpensaraʼuktik› (Josué 1:8). Yajni wana skʼumajel, aʼa sjobʼjelik jastal it: «¿Jasa wa sjeʼaki bʼa Jyoba ja bersikuloʼik it? ¿Jastal oj bʼobʼ ka makunuk ja bʼa jsakʼanili? ¿Jastal oj bʼobʼ ka makunuk bʼa skoltajel ja tuk?».
3. ¿Bʼa oj bʼobʼa pil tyempo skʼumajel ja Biblia?
¿Jel maʼ wokol xa wabʼ spiljel tyempo skʼumajel ja Biblia? Jitsan jach wa x-ekʼ jbʼajtik. Leʼa modo yajel «makunuk lek ja tyempo ja janekʼ wa xbʼobʼi» (Efesios 5:16). Ojni lajxukawuj taʼ apila jutsʼin ja bʼa kʼakʼu. Jujuntik wa skʼumane bʼa saʼan sakbʼel. Tuk mas lek xyilawe ja bʼa ochkʼakʼu ma ja yajni wa xjijliye bʼa oj waʼuke. Sok ayni jujuntik wa skʼumane bʼa yoj akwal bʼajtanto oj och wayuke. ¿Jas tyempo lek xa wila ja weʼn?
LA JNEBʼTIK MAS
La kiltik jasa skʼulajel bʼa yabʼjel mas tsamalil skʼumajel ja Biblia. Ja bʼa sjejel it oj jtatik jujuntik modo oj skoltayotik xchapjel jbʼajtik sok yajel el jitsan slekil ja estudio it bʼa Biblia.
Jastalni wa xnebʼatik yabʼjel stsamalil tuk waʼelik, cha ojni bʼobʼ jnebʼtik yabʼjel stsamalil ja skʼumajel ja Biblia.
4. Nebʼa yabʼjel stsamalil skʼumajel ja Biblia
Bʼobʼta mi pasiluk oj kʼe kʼumaxuk ja Biblia. Pe jastalni wa xkʼe jkʼultik gusto jun waʼelal, cha jachni oj bʼobʼ kʼe ‹kʼankʼunukujtik› skʼumajel ja Biblia. Kʼumanik ja 1 Pedro 2:2 sok loʼilananik sbʼaja jas ti nochani:
-
¿Wan maʼ xa kʼuʼan ta kʼe akʼumuk ja Biblia kada kʼakʼu ojni akʼul gusto sok masxa oja kʼan skʼumajel?
Kʼelawik ja BIDEO bʼa snajel sbʼaj jujuntik keremtik akʼixuk bʼa snebʼawe yabʼjel stsamalil skʼumajel ja Biblia. Tsaʼan loʼilananik sbʼaja jas ti nochani:
-
¿Jastik wokol skʼulane luchar ja keremtik akʼixuk bʼa bideo?
-
¿Jasa koltajiye bʼa mi oj el sganaʼe?
-
¿Jas skʼulane bʼa yabʼjel mas tsamalil skʼumajel ja Biblia?
Modoʼik bʼa oj kʼe akʼumuk:
-
Tsaʼa jun Biblia bʼa wa xjipxi kʼujolal sok bʼa ayiʼoj yaljelik mas ajkʼach. Kʼulan probar Ja Biblia: ja Yabʼal ja Dyos sbʼaja matik oj ajyuk sakʼan ja bʼa Yajkʼachil Luʼumi bʼa Mateo man Apocalipsis, ta ayxa bʼa wa kʼumal ma bʼa pilan.
-
Kʼeʼan kʼuman ja loʼil mas wa spayawa. Oja taʼ modoʼik ja bʼa tabla «Modoʼik bʼa oj kʼe akʼumuk ja Biblia».
-
Jisa bʼa tikʼan wajuma. Amakunuk ja tabla «Ja bʼa tikʼan wajumon skʼumajel ja Biblia», yiʼoj ja juʼun it.
-
Amakunuk ja aplikasyon JW Library®. Ta wa koʼuk bʼa wa telepono ma pilan aparato, oj bʼobʼa kʼumuk ma oja maklay ja Biblia chikan bʼaʼa.
-
Amakunuk ja poyeto ja Koltajel bʼa spaklajel ja Yabʼal ja Dyosi. Ja tiw oja taʼ mapaʼik sok tablaʼik bʼa mas oja wabʼ stsamalil skʼumajel ja Biblia.
5. Chapabʼaj bʼa kada estudio
Kʼumanik ja Salmo 119:34 sok loʼilananik sbʼaja jas ti nochani:
-
¿Jas yuj lekni oja wayi orasyon ja oj kʼe akʼumuk ja Biblia ma xchapjelabʼaj bʼa kada estudio?
¿Jastal oj bʼobʼ wa el slekil kada estudio? Yajni xa paklay ja sjejelik ja bʼa estudio it, leʼa modo skʼulajel ja it:
-
Kʼuman spetsanil ja parrapo ja bʼa bʼajtan parte bʼa kada sjejel.
-
Leʼa ja tekstoʼik bʼa Biblia, kʼuman sok ila jastal wa syaka sbʼaj soka jas wana spaklajeli.
-
Jisa ja yaljelik wa xyayi sjakʼjel ja sjobʼjelik. Ja it ojni skoltaya ja yajni xa kʼulan estudiar soka wa maestro.
¿Wan maʼ xa naʼa ajyi?
Ja testigoʼotikon bʼa Jyoba kaʼunejtikon makunuk tuktukil Biblia, pe jani mas wa xkʼanatikon ja Traducción del Nuevo Mundo yujni tsʼikan sok chikan stojol, sok wa xya makunuk ja sbʼiʼil ja Dyos (kʼela ja artikulo it ja bʼa jw.org: «¿Ay maʼ yiʼoje ja taʼumantiʼik bʼa Jyoba Biblia bʼa sbʼaj yeʼnle?»).
JA JAS WA XYALAWE JUJUNTIK: «Skʼulajel estudiar ja Biblia jel wokol bʼa keʼna. Mey jtyempo cha mini ay jgana».
-
¿Jas waxa pensaran?
JA JASA NEBʼA
Bʼa yajel el jitsan slekil ja Biblia, leʼa jun ora bʼa skʼumajel, kʼanayi ja Dyos bʼa yabʼjel stojol ja jas waxa kʼumani sok chapabʼaj bʼa kada estudio.
Yajel juljkʼujoltik
-
¿Jas oj skoltaya bʼa yajel el jitsan slekilal ja Biblia?
-
¿Jas ora ja bʼa kʼakʼu oj bʼobʼa kʼumuk sok spaklajel ja Biblia atuchʼil?
-
¿Jas yuj mini oja naʼ malaya ja oja chapabʼaj kada estudio?
LEʼA TUK JASTIK
Paklay jujuntik modo bʼa oj bʼobʼ skoltaya yajel el slekil skʼumajel ja Biblia.
«Abʼan stsamalil skʼumajel ja Biblia» (Ja Juʼun Cholumani, núm. 1 2017)
Ila bʼa oxe modo jastal skʼumajel ja Biblia.
Ila jastal yabʼjel stsamalil skʼumajel ja Biblia.
Ila ja modoʼik wa xyaʼawe jujuntik bʼa ayxa tyempo wane skʼumajel ja Biblia.
Ja jastal skʼulajel estudiar ja Biblia sok yajel el slekilal (2:06)
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
