Ta ja Dyos yajalkʼujol sok ja relijyonik wa xyalawe sok wa skʼulane jastik bʼa sbʼiʼil, ¿jas yuj skʼuluneje jastik jel malo? Bʼa tʼusanta yaljel, yujni ja relijyonik jaw mi meranuk. Soka abʼalik wa xyalawe sok ja jas wa skʼulane wa xyawe kuxbʼuk ja sbʼiʼil ja Dyos. ¿Bʼa jastik modo? ¿Jastal wa xyabʼ ja Dyos? ¿Sok jas oj skʼuluk?

1. ¿Jastal yaʼuneje kuxbʼuk ja sbʼiʼil ja Dyos soka jastik wa sjeʼawe?

Ja relijyonik mi meranuk stukbʼesneje «ja smeranil bʼa Dyos yuj abʼalik» (Romanos 1:25). Jun sjejel, jitsan mi sjeʼaweyi ja kristyano ja sbʼiʼil ja Dyos. Pe ja Biblia wa xyala ke tʼilan oj katik makunuk (Romanos 10:13, 14). Jujuntik olomal bʼa relijyonik wa xyalawe ke yajni wa x-ekʼ jun desgrasya yujni jach wa skʼana ja Dyos. Pe mini meranuk. Mini smuluk ja jastik mi lek wa x-ekʼi (kʼuman ja Santiago 1:13). Tristeni yaljel, pe ja abʼalik jastal jaw yaʼunej najatbʼuk ja kristyano sbʼaja Dyos.

2. ¿Jastal yaʼuneje kuxbʼuk ja sbʼiʼil ja Dyos soka jas wa skʼulane?

Ja relijyonik mi meranuk mini jach wa xyilawe ja kristyano ja jastal wa xyila ja Jyoba. Ja Biblia wa xyala ke ‹kʼota man satkʼinal ja smule› (Apocalipsis 18:5). Ja relijyonik ayxa sigloʼik wa xchʼika sbʼaje bʼa politika, wa skoltaye ja guerraʼik sok lekni xyilawe ja xchamelal bʼa jitsan kristyano. Jujuntik olomal wa skʼana oj kʼeʼuke riko, sok ja yuj wa skʼanaweyi takʼin ja matik teye bʼa srelijyone. Soka jastik jaw wa xchiktese ke mini wa snaʼawe sbʼaj ja Dyos. Ja yuj, ¿jastal oj yal-e ke yeʼnle ja relijyon smeranil? (Kʼuman ja 1 Juan 4:8).

3. ¿Jastal wa xyabʼ ja Dyos yuja jas wa skʼulane ja relijyonik mi meranuk?

Ta mi lek xa wila ja jas wa skʼulane ja relijyonik mi meranuk, ¡pensaran jastal wa xyabʼ ja Jyoba! Ja yeʼn wa syajtay ja kristyano, pe jel tajkel ay soka olomalik bʼa relijyon ke wa xyawe kuxbʼuk ja sbʼiʼili sok wa xyixtalane ja maʼ teye bʼa srelijyone. Wani skʼapa oj chʼayjuk snajele ja relijyonik mi meranuk sok «mixato nunka oj ilxuk» (Apocalipsis 18:21). Jelxa mojan oj xchʼaysnajel ja Jyoba (Apocalipsis 18:8).

 LA JNEBʼTIK MAS

4. Ja Dyosi mi spetsanil lek xyila ja relijyon

Jitsan kristyano wa skʼuʼane ke ja relijyoniki tuktukil bʼej wa x-ikʼwani bʼay ja Dyos. Pe ¿meran maʼ? Kʼumanik ja Mateo 7:13, 14 sok loʼilananik sbʼaja jas ti nochani:

• ¿Jastal ja bʼej wa x-ikʼwani ja bʼa sakʼanili?

Kʼelawik ja BIDEO sok loʼilananik sbʼaja jas ti nochani:

• ¿Wan maʼ sjeʼa ja Biblia ke ja Dyos lek xyila jitsan relijyon?

6. Ja Dyos wa skʼana oj ya eluk ja kristyano ja bʼa relijyonik mi meranuk

Kʼumanik ja Apocalipsis 18:4 a sok loʼilananik sbʼaja jas ti nochani:

• Ja Dyos wa skʼana oj skoltay ja kristyano loʼlubʼale yuja relijyonik mi meranuk. ¿Jastal waxa wabʼ ja jaw?

 7. Moka wakan snebʼjel sbʼaja Dyos smeranil

¿Sbʼej maʼ oja pensaraʼuk mi lekuk bʼa Dyos yuja jastik skʼulunej ja relijyoniki? Pensaran bʼa jun kerem mi skisa ja srasonik ja stat, wa xyaʼakan ja snaji sok wa xyiʼaj jun sakʼanil mi lekuk. Ja tatali mi lek xyila ja jas wa skʼulani. ¿Sbʼej maʼ oj axuk smuluk ja tatal yuja jas wa skʼulan ja skeremi?

• ¿Sbʼej maʼ oj axuk smuluk ja Jyoba yuja jas wa skʼulane ja relijyonik mi meranuk sok yajelkan snebʼjel mas bʼa yeʼna?

 JA JASA NEBʼA

Ja relijyonik mi meranuk yaʼuneje kuxbʼuk ja sbʼiʼil ja Dyos soka jas wa sjeʼawe sok ja jastik jel malo skʼuluneje. Jelxa mojan oj chʼayjuk snajele.

Yajel juljkʼujoltik

• ¿Jas waxa pensaran ja jas skʼuluneje sok sjeʼuneje ja relijyonik mi meranuk?

• ¿Jas wa spensaran ja Jyoba sbʼaja relijyonik mi meranuk?

• ¿Jas oj skʼulukyi ja relijyonik mi meranuk ja Dyos?