SJEJEL 20
Ja jastal chapan ay ja kongregasyon
Ja jas wa skʼulan ja Jyoba chapani lek (1 Corintios 14:33). Ja yuj wa xmajlaxi ja xchonabʼi chapan aʼajyuk. ¿Jastal chapan ay ja kongregasyon bʼa snochuman Kristo? ¿Jas oj jkʼuluktik bʼa spetsanil lek oj ajyuk?
1. ¿Maʼ wa stojo ja kongregasyon bʼa snochuman Kristo?
«Ja Kristo yeʼn olomal ja bʼa kongregasyon» (Efesios 5:23). Man satkʼinal ja Jesús wa stojo ja yaʼtele wa skʼulan ja xchonabʼ ja Jyoba bʼa sutanal ja luʼum. Stʼojo «ja moso jel toj sok wa spensaraʼan leki»: jun chʼin tsome ansyano bʼa ayiʼoje experiencia cha naʼubʼal sbʼaje jastal Tsome Tojwanum (kʼuman ja Mateo 24:45-47). Jastalni skʼulane ja jekabʼanumik soka ansyanoʼik bʼa Jerusalén ja bʼa bʼajtan siglo, ja Tsome Tojwanum wa stojo ja kongregasyon bʼa sutanal ja luʼum (Hechos 15:2). Pe mi yeʼnuke olomal ja bʼa xchonabʼ ja Dyos. Wa sleʼa stojelale bʼa Jyoba sok bʼa Yabʼal, sok wa skisawe ja cholal yiʼoj ja Jesús.
2. ¿Jas aʼtel wa skʼulane ja ansyanoʼik?
Ja ansyanoʼiki winike bʼa tsats ja skʼuʼajele. Wa sjeʼawe soka Biblia sok talnanume bʼa wa skoltaye sok wa stsatsankʼujolane ja kongregasyon. Mi skʼana stsʼakole yuja yaʼtele sok wa ‹skʼulane sok spetsanil skʼujole bʼa stiʼ sat ja Dyos›; mi skʼulane ‹yuj syajtajel ja skʼulajel ganar bʼa jun modo mi sbʼejuk, konganani wa skʼulane› (1 Pedro 5:1, 2). Ja ansyanoʼik wa xkoltajiye yuja siervo ministerialik. Yajni x-ekʼ ja tyempo, ojni bʼobʼ kʼotuke ansyano ta wa skʼulane ja jas wa xkʼanji bʼa jun ansyano.
Ja Tsome Tojwanum wa stsaʼa jujuntik ansyano bʼa oj kʼotuke biajante. Ja yeʼnle wa xyulataye jitsan kongregasyon sok wa xyaweyi tojelal sok wa stsatsankʼujolane. Cha wa stʼojowe ansyanoʼik sok siervo ministerialik bʼa jaʼ wa xyiʼaje ja jas wa xyala ja Biblia (1 Timoteo 3:1-10, 12; Tito 1:5-9).
3. ¿Jas cholal yiʼoj kada Testigo?
Ja bʼa kongregasyon wa stoyowe «ja sbʼiʼil ja Jyoba» yajni wa xkoltaniye ja bʼa reunionik. Cha jachuk ja bʼa xcholjel, ja janekʼ wa xbʼobʼyuj kada jujune (kʼuman ja Salmo 148:12, 13).
LA JNEBʼTIK MAS
La kiltik jas tikʼe olomal ja Jesús, jastal ja ansyanoʼik wa snochowe ja sjejel sok jastal oj bʼobʼ jkoltaytik ja Jesús soka ansyanoʼik.
4. Ja Jesús jun olomal wa skʼapa likikel
Ja Jesús wa xyakitik jun tsamal lokjelal. Kʼumanik ja Mateo 11:28-30 sok loʼilananik sbʼaja jas ti nochani:
-
¿Jas tikʼe olomal ja Jesús? ¿Sok jastal wa skʼana oj kabʼtik?
¿Jastal wa snochowe ja ansyanoʼik ja sjejel bʼa Jesús? Kʼelawik ja BIDEO.
Ja Biblia wa xcholo lek jastal oj skʼuluke ja yaʼtele ja ansyanoʼik.
Kʼumanik ja Isaías 32:2 sok 1 Pedro 5:1-3, sok loʼilananik sbʼaja jas ti nochani:
-
Ja Jesús skʼapayi likikel ja tuk. ¿Jastal waxa wabʼ ke ja ansyanoʼik junxta wa skʼujolane bʼa skʼulajel?
-
¿Jastik tuk modo ja ansyanoʼik wa snochowe ja Jesús?
5. Ja ansyanoʼik wa sjeʼawe soka sjejel
¿Jastal wa skʼana ja Jesús oj yil-e ja yaʼtele ja ansyanoʼik? Kʼelawik ja BIDEO.
Ja Jesús xchikteskan lek jastale ja hermanoʼik oj stoj-e ja kongregasyon. Kʼumanik ja Mateo 23:8-12 sok loʼilananik sbʼaja jas ti nochan:
-
¿Jastal wa xyala ja Biblia tʼilan oj kʼotuke ja ansyanoʼik? ¿Wan maʼ xa kʼuʼan ke ja sacerdoteʼik sok tuk olomalik bʼa relijyon wani skʼulane?
-
Ja ansyanoʼik wa xyawe tsatsbʼuk ja jastal wa xyila sbʼaje soka Jyoba sok cha wa skoltaye ja spamilyaʼe.
-
Ja ansyanoʼik wa xcham skʼujole spetsanile ja bʼa kongregasyon.
-
Ja ansyanoʼik tikʼan wa xcholowe.
-
Ja ansyanoʼik wa sjeʼawe. Cha wa xkoltaniye ja bʼa skusjel sok bʼa tuk aʼtelik.
6. Wa xkoltaytike ja ansyanoʼik
Ja Biblia wa xyala ke tʼilan oj jkoltaytike ja ansyanoʼik. Kʼumanik ja Hebreos 13:17 sok loʼilananik sbʼaja jas ti nochani:
-
¿Jas yuj wa xyala ja Biblia ke kʼuʼabʼal sok ibʼ kʼabʼal ajyelsoke ja maʼ wa stojowotike? ¿Wan maʼ xa kʼuʼan ayni sbʼej? ¿Jas yuj?
Kʼumanik ja Lucas 16:10 sok loʼilananik sbʼaja jas ti nochani:
-
¿Jas yuj tʼilan oj jkoltaytike ja ansyanoʼik ama lajansok jastik bʼa mey lek stʼilanil?
JA JAS WA XYALAWE JUJUNTIK: «Oj bʼobʼ jtoytik ja Dyos ja jastal wa xkʼanatik».
-
¿Jastik slekilal ja stoyjel ja Dyos ja bʼa yoj kongregasyon?
JA JASA NEBʼA
Ja Jesús yeʼn olomal ja bʼa kongregasyon. Ja ansyanoʼik teye bʼa yibʼ skʼabʼ, jaxa keʼntiki gusto wa xkoltaytike yujni wa stalnayotike sok wa sjeʼawekitik soka sjejel.
Yajel juljkʼujoltik
-
¿Machʼa ja olomal ja bʼa kongregasyon?
-
¿Jastal wa skoltaye ja ansyanoʼik ja kongregasyon?
-
¿Jasa xchol yiʼoje kada choluman?
LEʼA TUK JASTIK
Ila jun preba jel cham yabʼjel ja bʼa Tsome Tojwanum sok tuk ansyanoʼik wani xcham skʼujole yuja tuk yermanoʼe.
Wa stsatsankʼujolane ja hermanoʼik yajni wa x-iji spatike (4:22)
Naʼa ja aʼtel wa skʼulane ja biajanteʼik.
Kʼuman jas cholal yiʼoj ja ixuk ja bʼa kongregasyon.
Naʼa ja jas wa skʼulane ja ansyanoʼik bʼa stsatsankʼujolajel ja yermanoʼe.
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
